Sam Rainsy: "If you want to arrest Sam Rainsy please go ahead, I am not scared and I won't run away" លោក សម រង្ស៊ី៖ «ចង់ចាប់ សម រង្ស៊ី ចាប់ចុះ,ខ្ញុំអត់ខ្លាចទេ ចង់យក​ខ្ញុំ​ទៅណា យកទៅ»

(ចុះ​ផ្សាយ​នៅ​ថ្ងៃ   14-11-2015, 6:04 pm) |  ដោយ : ជា ធីរិទ្ធ        

រូបភាព

ក្រោយពីតុលាការចេញដីកាឲ្យចាប់រូបខ្លួន កាលពីថ្ងៃទី ១៣ ខែវិច្ឆិកា នៅថ្ងៃនេះ លោក សម រង្ស៊ី បានអះអាងថា រូបលោក មិនតក់ស្លត់នឹងការចាប់ខ្លួននោះឡើយ។ នៅចំពោះមុខពលករខ្មែរ​នៅប្រទេសកូរ៉េរាប់​រយ​នាក់​ លោកប្រមុខបក្សប្រឆាំងដែលអ្នកខ្លះចោទថា ជាអ្នកនយោបាយកំសាកនោះ បានញ្ជាក់ពីជំហររឹងមាំរបស់ខ្លួនយ៉ាងនេះថា៖« សម រង្ស៊ី អត់ខ្លាចទេ។ សម រង្ស៊ី កឹម សុខា ដូចកូន​ខ្មែរទាំងអស់ សុខចិត្តបូជា​ជីវិត ឲ្យតែជាតិបានរស់។ ដូច្នេះខ្ញុំអត់ខ្លាចទេ យកខ្ញុំទៅណា យកទៅ​ តែព្រលឹងខ្ញុំនៅតែស្រឡាញ់ខ្មែរ ការពារ​ខ្មែរ..។ ចង់ចាប់សម រង្ស៊ី ចាប់ចុះ »។
 សូមស្តាប់សំឡេង​លោក សម រង្ស៊ី ​៖

បើតាមលោក មុត ចន្ថា មន្រ្តីស្និទ្ធនឹងលោក កឹម សុខា និងជាអ្នកដែលកំពុងមាន​វត្តមាននៅប្រទេសកូរ៉េផងនោះ បានអះអាងនៅលើ​ទំព័រហ្វេសប៊ុកខ្លួន​ថា ពលករដែលបានចូលរូម​ក្នុងកម្មវិធី​ជួបជាមួយមេដឹក​នាំ​គណបក្ស​សង្គ្រោះជាតិនៅទីក្រុងប៊ុសាន ប្រទេសកូរ៉េខាងត្បូង មានប្រមាណ ១ ពាន់នាក់។ 

  សម រង្ស៊ី​  

   ​ហ៊ុន សែន​