ដោយ៖ ណាត សុភាព | ថ្ងៃព្រហស្បតិ៍ ទី11 កញ្ញា 2014, VOD
ស្តាប់សំឡេង៖ | ចម្លងទុក |
ព្រះអង្គ យិន រតនសុធាវី (កណ្តាល) ក្នុងសន្និសីទសារព័ត៌មាននៅវត្តស្ទឹងមានជ័យ កាលពីព្រឹកមិញ (រូបថត៖ ណាត សុភាព)
ក្រុមព្រះសង្ឃព្រមានធ្វើបាតុកម្មប្រឆាំងព្រះចៅអធិការវត្តស្ទឹងមានជ័យ បើសិនមានការបណ្ដេញព្រះសង្ឃមួយចំនួន និងអ្នកមានជម្លោះដីធ្លីប្រមាណជិត១០០នាក់ មិនឲ្យស្នាក់នៅក្នុងវត្តនេះបណ្តោះអាសន្ន ដើម្បីសុំអន្តរាគមន៍រឿងដីធ្លីពីលោកនាយករដ្ឋមន្ត្រី ហ៊ុន សែន។
ក្នុងសន្និសីទសារព័ត៌មាននៅវត្តស្ទឹងមានជ័យ ក្នុងរាជធានីភ្នំពេញ នៅព្រឹកថ្ងៃព្រហស្បតិ៍នេះ ព្រះសង្ឃព្រះនាម យិន រតនសុធាវី មានថេរដីកាថា ព្រះអង្គពុំបានបង្កភាពអនាធិបតេយ្យ ឬអសន្តិសុខក្នុងវត្តទេ។ ព្រះអង្គបន្តថាប្រសិនជាចៅអធិការវត្តបណ្ដេញព្រះអង្គ និងព្រះសង្ឃមួយចំនួន រួមជាមួយពលរដ្ឋផ្សេងទៀតចេញពីវត្តមែន នោះនឹងមានបាតុកម្មបណ្ដេញព្រះចៅអធិការឲ្យចេញពីវត្តដូចគ្នា។ ព្រះអង្គមានថេរដីកាថា «ប្រសិនបើដេញព្រះអង្គ យិន រតនសុធាវី ព្រះអង្គ លី ចាន់នេន សឺន ហាយ យើងក៏មានសិទ្ធិដេញគ្រូចៅអធិការ បាតុកម្មនៅខាងមុខកុដិគ្រូចៅអធិការដេញចេញដូចគ្នា យើងមិនខុសអ្វីទេ»។
កាលពីម៉ោងជាង៧និង៣០នាទីយប់ម្សិលមិញនេះ ប្រជាពលរដ្ឋប្រមាណ៥០គ្រួសារមកពីខេត្តបន្ទាយមានជ័យ បានជ្រួលច្របល់នៅពេលឮព័ត៌មានថា ព្រះចៅអធិការស្តីទីវត្តស្ទឹងមានជ័យ គ្រោងបណ្តេញពលរដ្ឋនិងព្រះសង្ឃមួយចំនួនចេញពីវត្ត ដើម្បីរក្សាសណ្តាប់ធ្នាប់ និងសន្តិសុខខណៈអ្នកមានជម្លោះដីធ្លី៣០គ្រួសារទៀតបានឡើងមកស្នាក់នៅវត្តបន្ថែមទៀត នៅព្រឹកថ្ងៃព្រហស្បតិ៍នេះ។
ពលរដ្ឋម្នាក់មានទំនាស់ដីធ្លី លោក ហ៊ឹម យឿន អាយុ៤៩ឆ្នាំមានប្រសាសន៍ថា លោកបារម្ភពីការបណ្តេញចេញ។ លោកស្នើឲ្យព្រះចៅអធិការវត្តមេត្តា និងអនុគ្រោះដល់ជនរងគ្រោះដីធ្លី ដែលមានបំណងមកសុំអន្តរាគមន៍ពីអាជ្ញាធរ មិនមែនមកបង្ករឿងនោះទេ។ លោកបញ្ជាក់ថា «លោកឲ្យលោកចៅអធិការ មេត្តា និងអនុគ្រោះដល់ពួកយើងខ្ញុំផងព្រោះខ្ញុំក៏ជាជនជាតិខ្មែរដែរ ឈាមខ្មែរ មិនមែនជាជនជាតិបរទេសណាទេ គឺខ្មែរដូចគ្នាទេ សូមចៅអធិការអនុគ្រោះដល់ពួកយើងផងចុះ។ ខ្ញុំមិនមែនមករករឿងហេតុ បង្កបញ្ហាអ្វីកើតឡើងនោះទេ ខ្ញុំគ្រាន់តែមកចង់ទាមទារ ដែលយកដីធ្លីរបស់ខ្ញុំ សុំប្លង់ជាកម្មសិទ្ធិដើម្បីយកទៅកសាងជីវិត»។
ព្រះចៅអធិការស្តីទីវត្តស្ទឹងមានជ័យ ព្រះតេជគុណ ថៃ ប៊ុនធៀន បដិសេធនឹងការចោទប្រកាន់នេះ។ ព្រះអង្គមានថេរដីកាថា ការកោះហៅព្រះសង្ឃប្រជុំ គឺដើម្បីពិភាក្សារៀបចំសណ្តាប់ធ្នាប់ និងសន្តិសុខក្នុងវត្ត មិនមែនមានគម្រោងដេញប្រជាពលរដ្ឋនោះទេ។ ព្រះអង្គមានថេរដីការបន្តថា «បើប្រជាពលរដ្ឋ ដែលមកប៉ុន្មាននាក់ហ្នឹង ដែលគាត់អាចមកនៅក្នុងហ្នឹងហើយសម្ងំនៅក្នុងទីនេះបាន ឲ្យគាត់អស់ចិត្តឲ្យគាត់នៅសិនចុះ ទម្រាំគាត់អស់ចិត្ត ឲ្យគាត់ទៅវិញយើងអត់បានដេញគាត់ទេ ប៉ុន្តែគ្រាន់តែយើងហាមឃាត់កុំឲ្យលោកយកប្រជាពលរដ្ឋពីណាពីណី ដល់ពេលមកច្រើន យើងច្របូកច្របល់ច្រើនពេក ព្រោះថារដូវនេះ ជារដូចបុណ្យប្រពៃណីជាតិ ដល់លោកយកមកច្រើនពេកយើងច្របូកច្របល់ វាកើតទៅជាចោរ វាកើតជាអ្វីគ្រប់បែបយ៉ាង។ អុីចឹងសន្តិសុខ សណ្តាប់ធ្នាប់ក្នុងវត្តវាទៅយ៉ាងម៉េចវិញ»។
ប្រជាពលរដ្ឋមកពីភូមិប្រាសាទរ៉ាង ឃុំតាគង់ ស្រុកម៉ាឡៃ ខេត្តបន្ទាយមានជ័យ គឺមានជម្លោះដីធ្លីជាមួយក្រុមហ៊ុនថៃមួយ លើផ្ទៃដី ២៩០០ហិកតា តាំងពីឆ្នាំ១៩៩៧។ មកដល់ថ្ងៃ១១ ខែកញ្ញានេះ ពួកគេប្រមាណជិត១០០នាក់បានស្នាក់នៅក្នុងវត្តស្ទឹងមានជ័យបណ្តោះអាសន្ន ដើម្បីសុំដំណោះស្រាយបញ្ហាដីធ្លីពីនាយករដ្ឋមន្ត្រីហ៊ុន សែន និងរដ្ឋសភា។ ប៉ុន្តែរហូតមកដល់ពេលនេះមិនទាន់មានដំណោះស្រាយណាមួយនៅឡើយទេ៕
សូមសរសេរមកលោក ណាត សុភាព តាមរយៈ sopheap@vodhotnews.com
2 comments:
I say, expel those trouble monks. If they continue to cause troubles, defrock them. And if they still cause trouble, give them the batons.
-Drgunzet-
-Drgunzet- is an illegal Vietnamese dog eater staying in Cambodia just like a wild animal has no feeling or remorse. That is why this wild Vietnamese -Drgunzet- has a numb skull or brain like a crazy person.
Post a Comment