Post by Chettra MA.
Post by Chettra MA.
ដោយ៖ បាន វិទ្យា និង អុិត សុធឿត | ថ្ងៃព្រហស្បតិ៍ ទី14 សីហា 2014 | VOD
សកម្មជន៣រូបរបស់គណបក្សសង្រ្គោះជាតិ ដែលត្រូវបានចាប់ខ្លួន(រូបថតពីបណ្តាញសង្គមហ្វេសប៊ុក)
ប្រធានគណបក្សសង្គ្រោះជាតិលោក សម រង្ស៊ី នៅព្រឹកថ្ងៃទី១៤ ខែសីហានេះថាប្រសិនបើនៅតែមានអ្នកជាប់គុក និងមានអ្នកដែលគេតាមដានរករឿង មានន័យថាវិបត្តិនយោបាយនៅកម្ពុជាមិនទាន់ត្រូវបានបញ្ចប់នៅឡើយតែ ។
ថ្លែងទៅកាន់អ្នកសារព័ត៌មានកាលពីព្រឹកមិញនេះ បន្ទាប់ពីបានសំណេះសំណាលជាមួយជនរងគ្រោះជំលោះដីធ្លីនៅខេត្តកំពង់ស្ពឺដែលឡើងមកតវ៉ានៅភ្នំពេញ លោក សម រង្ស៊ី ថាលោកបានបញ្ជាក់ហើយនៅរដ្ឋសភា ដោយលោកនាយករដ្ឋមន្ត្រី ហ៊ុន សែន បានស្ដាប់ ហើយបានទាមទារ ស្នើឲ្យគេកត់ត្រាពាក្យសម្ដីរបស់គាត់ថា វិបត្តិនយោបាយចប់ហើយ ដូច្នេះកាកសំណល់ «រឿងដែលពាក់ព័ន្ធនឹងវិបត្តិនយោបាយយើងត្រូវតែបញ្ចប់» ។
លោកបន្តថា លោកនឹងខិតខំដើម្បីធ្វើយ៉ាងណាឲ្យស្មារតីនោះ ត្រូវបានគេគោរពទាំងអស់គ្នា ។
ទោះបីជាយ៉ាងណាក៏ដោយ កន្លងមករាជរដ្ឋាភិបាលកម្ពុជាបានបដិសេធថាមិនមានជាប់ពាក់ព័ន្ធនឹងការចាប់សកម្មជនទាំងបីនាក់របស់គណបក្សសង្គ្រោះជាតិ និងបានអំពាវនាវបញ្ឈប់ជាបន្ទាន់នូវការលាបពណ៌មកលើរាជរដ្ឋាភិបាល និងគណបក្សកាន់អំណច ។ រដ្ឋាភិបាលថាការឃាត់ខ្លួនសកម្មជនទាំងបីនាក់ «គឺជាការអនុវត្តដ៏ត្រឹមត្រូវរបស់សមត្ថកិច្ច» យោងតាមពាក្យបណ្តឹងរបស់ជនរងគ្រោះក្នុងការចាតវិធានការណ៍ទៅលើជនដែលបានប្រព្រឹត្តបទល្មើសជាក់ស្តែង។
ស្របពេលជាមួយគ្នានេះដែរ មេធាវីការពារសិទ្ធិឲ្យសកម្មជនគណបក្សសង្គ្រោះជាតិទាំងបី លោក ជិន លីដា ប្រាប់VODឲ្យដឹងថា សាលាឧទ្ធរណ៍នឹងបើកសវនាការដែលពាក់ព័ន្ធនៃការស្នើសុំនៅក្រៅឃុំរបស់យុវជន៣រូប នៅថ្ងៃទី២២ ខែសីហា បន្ទាប់ពីសាលាដំបូនរាជធានីភ្នំពេញបានបញ្ចូនសំណុំរឿងទៅកាលពីថ្ងៃចន្ទ ទី១១ ខែសីហា។
អ្នកនាំពាក្យគណបក្សសង្គ្រោះជាតិ លោក យ៉ែម ប៉ុញ្ញឫទ្ធិ បង្ហាញសុទិដ្ឋិនិយមថា ការស្នើសុំនេះគឺ មេធាវីការពារសិទិ្ធជនជាប់ចោទសង្ឃឹមច្រើនក្នុងការទាមទារឲ្យនៅក្រៅឃុំ ពីព្រោះមិនមានអ្វីដែលត្រូវចោទប្រកាន់លើសកម្មជនទាំង៣រូប «សកម្មជននឹងបាននៅក្រៅឃុំ ហើយលែងមានការចោទប្រកាន់ ពីព្រោះសកម្មជនទាំងអស់ដែលចូលរួមចំណែកក្នុងការតស៊ូទាមទារសិទិ្ធសេរីភាពក្នុងការបញ្ចេញមតិនោះ គ្រាន់តែជាសិទិ្ធរបស់គាត់ប៉ុណ្ណោះ»។
សកម្មជនគណបក្សសង្គ្រោះជាតិទាំង៣រូបដែលត្រូវបានសមត្ថកិច្ចចាប់ខ្លួន កាលពីថ្ងៃទី២ ខែសីហា រួមមាន លោក ឃិន ជំរឿន ប្រធានចលនាយុវជនគណបក្សសង្គ្រោះជាតិរាជធានីភ្នំពេញ និងជាសមាជិកក្រុមប្រឹក្សាជាប់ឆ្នោតខណ្ឌច្បារអំពៅ លោក សាន គីមហេង ប្រធានចលនាយុវជនគណបក្សសង្គ្រោះជាតិខណ្ឌទួលគោក និងជាសមាជិកក្រុមប្រឹក្សាជាប់ឆ្នោតខណ្ឌទួលគោក និងលោក នាង សុឃុន ហេរញ្ញិកចលនា យុវជនគណបក្សសង្គ្រោះជាតិខណ្ឌច្បារអំពៅ ។
សូមសរសេរមកកាន់កញ្ញា បាន វិទ្យា តាមរយៈ vitcheaban77@gmail.com
2 comments:
Does CNRP want to eat some more batons?
-Drgunzet-
To -Drgunzet- (15 August 2014 11:02 am):
I think you you do (PERIOD).
John :-)
Post a Comment