Lor Peang Villagers' Miseries - ទុក្ខសោកវេទនារបស់អ្នកភូមិឡពាងខេត្តកំពង់ឆ្នាំងដែលប្រទះឃើញនៅផ្លូលជាតិលេខ៥ នៅថ្ងៃ ១៣ ខែសីហា ឆ្នាំ២០១៤

CNRP's MPs-Elect Mu Sochua, Long Botta, and Nhay Chamroeun with villagers from Lor Peang.

ទុក្ខសោកវេទនារបស់អ្នកភូមិឡពាង​​ខេត្តកំពង់ឆ្នាំងដែលប្រទះឃើញ​នៅផ្លូលជាតិ​លេខ៥ នៅថ្ងៃ ១៣ ខែសីហា ឆ្នាំ២០១៤

សូម​បងប្អូនជនរួមជាតិ​ខ្មែរទាំងអស់ តាមដាន​មើល​អត្ថ​បទ រូបភាព​និង​វីដេអូខាងក្រោម​កុំបីខាន!

        អ្នកភូមិ​ឡពាង​ប្រមាណ​ជាង​៥០​នាក់​ដែល​សេសសល់​ពី​ការវាយ​ធ្វើបាប​ពី​សំណាក់​អាជ្ញា​ធរដ៏ឃោរឃៅ​ បាន​បន្តដំណើរ​ឆ្ពោះទៅរាជធានីភ្នំពេញ​ដើម្បីស្វែងរក​និង​ទាមទារ​យក​យុត្តិធម៌​ជូន​ពួក​គាត់។ បន្ទាប់​ពី​ត្រូវ​បាន​ក្រុមហ៊ុន​ ខេ ឌី ស៊ី (KDC) របស់​ភរិយា​ឯឧត្តម​ ស៊ុយ សែម រំលោភយក​ដី​ធ្លី​របស់ប្រជាពលរដ្ឋ អ្នកភូមិ​ឡពាង​បានព្យាយាម​តវ៉ា និង​ដាក់ពាក​បណ្ដឹង​ទៅ​តុលាការ​ខេត្ត​កំពង់​ឆ្នាំង​ដើ​ម្បីរកយុត្តិធម៌​ឲ្យពួកគាត់។ ផ្ទុយទៅវិញ តុលា​ដែល​ពុក​រលួយ​ទាំងនោះ​មិន​បាន​ជួយ​ដោះ​ស្រាយ​ជួនពួកគាត់នោះទេ ហេតុ​នេះ​ហើយ​ទើប​អ្នកភូមិ​ឡពាង​បាន​សម្រចចិត្ត​ធ្វើដំណើរ ​​មកកាន់​រាជធានី​ភ្នំពេញ។ ដោយ​ហេតុតែ​ពួកគាត់​មិនមានលុយជិះ​រថយន្ត​ ពួកគាត់​បាន​តស៊ូ​ដើរ​ពីភូមិ​ឡពាង​ខេត្ត​កំពង់ឆ្នាំ​ង ទៅកាន់​រាជធានី​ភ្នំពេញ​ក្នុងបេសកកម្មស្វែង​រកអន្តរា​គមន៍​​និងទាមទារ​យុតិធម៌ដល់ពួកគាត់។ កាលពី​ថ្ងៃ​ម្សិលមិញ​ អ្នកភូមិឡពាង ៤នាក់ ​បាន​សន្លប់​និង​រងរបួស​ ហើយ​ ៣នាក់ ត្រូវ​បាន​ចាប់ខ្លួន​ពីសំ​ណាក់អាជ្ញាធរ។ ទាំងនេះ​បានសបញ្ជាក់​ឲ្យឃើញពី​កម្សោយ និង​ភាព​មិន​យក​ចិត្ត​ទុកដាក់​របស់​រដ្ឋបាល​ សម្ដេច ហ៊ុន សែន​ ដែល​មិន​ជួយ​ដោះស្រាយ​ពី​បញ្ហាប្រជារាស្ត្រ​ដែល​រង​ទុក្ខលំបាក​ទេ ហើយ​មានតែការ​ប្រើ​ប្រាស់អំណាច់​វាយធ្វើ​បាប​ទៅ​លើ​ប្រជារាស្ត្រ​ទៅវិញ។ នៅ​ថ្ងៃ​នេះដែរ​ អ្នក​ភូមិ​ឡពាង​ដែល​នៅ​សេសសល់ ​បាន​បន្ត​ធ្វើ​ដំណើរ​ដោយមិន​ខ្លាច​នឿយ​ហត់​តទៅ​មុខទៀត ហើយ​​ត្រូវ​បាន​អាជ្ញាធរ​បន្ត​វាយ​ធ្វើ​បាប​យ៉ាងសា​ហាវឃោរឃៅ។ លើសពីនេះ​ទី​ទៀត​ អាជ្ញាធរ​ដ៏អាក្រក់​ជូជាតិ​ទាំង​នោះ​បាន​ច្រាន​និង​វាយ​ធ្វើ​បាប​ទៅ​លើ​កុមារនិង​ស្រី​អ្នក​ភូមិ​ដែល​ព្យាយាម​ធ្វើ​ដំណើរ​ទៀត​ផង​​។ ចុះ​ហេតុ​អ្វី​បាន​ជាពួកគាត់​គ្រាន់​តែ​ចង់​រស់​នៅ​លើ​ទឹកដីរបស់​ពួកគាត់​ប៉ុណ្ណឹងសោះ ត្រូវ​គេ​វាយធ្វើ​បាប​និង​រំលោភ​យក​ដី​អស់​ទៅ​ទៀត​? នេះ​ជាសំណួរ​ដែល​រាជរដ្ឋាភិបាល​ត្រូវតែយក​ចិត្ត​ទុក​ដាក់ ​និ​ង​ដោះស្រាយ​ជា​បន្ទាន់។ ចំពោះ​​មុខ​ហេតុ​ការណ៍នេះ​ អ្នក​តំណាងរាស្រ្ត​របស់គណបក្សសង្គ្រោះជាតិ​ចំនួន​៤រូប រួមមាន លោកជំទាវ មួរ សុខ​ហួរ​ ឯកឧត្តម​ ឡុង​ ប៊ុត្តា​ ឯកឧត្តម​ ងុយ​ ចំរើន និងឯកឧត្តម............... បាន​ចុះ​ជួប ជួយ​សង្គ្រោះ និង​អន្តរគមន៍​ប្រជាពល​រដ្ឋ​យើង​នៅ​ត្រង់​ វត្ត​រង្សី ភូមិគ្រួស ឃុំព្រែកតាតែន ស្រុកល្វាឯម​ ខេត្ត​កណ្ដាលដោយ​បាន​ជួ​យ​ជាថវិកាមួយចំនួន​សម្រាប់ជាសាហ៊ុយ​សម្រាប់​ធ្វើ​ដំណើរ​និង​ផ្គត់ផ្គង់ផ្សេងៗ។ បន្ថែមពីនេះ​ទៀត ដើម្បី​បន្ធូបន្ថយ​ទុកលំបាក​​របស់​អ្នក​ភូមិ​ឡពាង​ អ្នក​តំណាង​រាស្ត្រ​យើង​ បានខិតខំ​ជួល​រឺម៉កម៉ូតូធំចំនួន ​២​គ្រឿង ​ដែល​មួយគ្រឿង​ផ្ទុក​បាន​បងប្អូនយើង​ចំនួន​ ៣០ នាក់ក្នុង​មួយគ្រឿង សម្រាប់​ពួក​គាត់​បាន​ជិះ​បន្ត​ដំណើរ​ពី​វត្ត​រង្សី​ទៅដល់​​ព្រែក​ព្នៅ​។ នេះ​បាន​បញ្ជាក់ពីការ​យ​ក​ចិត្ត​ទុក​ដាក់​ខ្វល់​ខ្វាយ​របស់គណបក្ស​សង្គ្រោះជាតិ​ទៅ​លើ​ប្រជាពលរដ្ឋ​យើង​ ជាពិសេស​ប្រជាពលរដ្ឋ​ដែល​ទទួល​រងគ្រោះ​អំពើ​អយុតិ​ធម៌​នេះ។​

http://youtu.be/vfHJbKzE6Eo

Here are a few photos showing the inhumane brutality committed by the authorities and their aides on vulnerable villagers in the commune of Lo Peang during their journey to the National Assembly in Phnom Penh. Even their provisions in rice were destroyed.

Voici quelques photos montrant la brutalité inhumaine commise par les autorités et leurs aides sur les vulnérables villageois de la commune de Lo Peang durant leur périple vers l’Assemblée Nationale à Phnom-Penh.Même leurs provisions en riz ont été renversées.