ស្ថានទូតវៀតណាម ប្រចាំកម្ពុជា។
Photo: RFA
អ្នកនាំពាក្យស្ថានទូតវៀតណាម ប្រចាំកម្ពុជា ថ្លែងថា នឹងមិនធ្វើការសុំទោសតាមការទាមទាររបស់អង្គការសមាគមខ្មែរកម្ពុជាក្រោមឡើយ ហើយថា ការលើកឡើងរបស់អង្គការសមាគមខ្មែរកម្ពុជាក្រោម កាលពីពេលកន្លងមក ដែលថា បារាំង បានកាត់ទឹកដីកម្ពុជាក្រោម ទៅឲ្យស្ដេចយួននោះ គឺជាការប្រឌិតមួលបង្កាច់ និងជាការចោទប្រកាន់ដោយមិនមានមូលដ្ឋានច្បាប់។
ចំណែកខាងខ្មែរក្រោមវិញ ជំរុញឲ្យវៀតណាម បង្ហាញឯកសារភស្តុតាងជុំវិញការបដិសេធនេះ។ ជាមួយគ្នានេះ សមាគមគំរាមថា នឹងធ្វើបាតុកម្ម ប្រសិនបើមិនមានការសុំទោសជាសាធារណៈនោះទេ។
អ្នកនាំពាក្យស្ថានទូតវៀតណាម ប្រចាំកម្ពុជា លោក ត្រឹង វ៉ាំង ថុង នៅថ្ងៃទី២៥ ខែមិថុនា បង្ហាញជំហរថា លោកមិនអាចទទួលយកការចោទប្រកាន់របស់អង្គការសមាគមខ្មែរក្រោម ដែលគ្មានមូលដ្ឋានច្បាប់ និងភស្តុតាងប្រវត្តិសាស្ត្រច្បាស់លាស់នោះទេ។
មន្ត្រីវៀតណាម ដែលនិយាយភាសាខ្មែរបានល្អគួរសមរូបនេះ ថ្លែងបន្តថា ការលើកឡើងរបស់ខ្មែរក្រោម ដែលថា បារាំង បានកាត់ទឹកដីកម្ពុជាក្រោម ដែលមន្ត្រីនាំពាក្យរូបនេះហៅថា ទឹកដីវៀតណាមខាងត្បូង ឬទឹកដីណាមបូ (Nam Bo) ទៅឲ្យស្ដេចយួន នៅឆ្នាំ១៩៤៩ នោះ ថាជាការមួលបង្កាច់ និងបោកប្រាស់ប្រជាពលរដ្ឋមួយចំនួនប៉ុណ្ណោះ។
លោក ត្រឹង វ៉ាំង ថុង ថែមទាំងចំអកថា ទោះជាយ៉ាងណា គ្មាននរណាគេជឿទៅលើការមួលបង្កាច់ ឬការបោកប្រាស់នេះឡើយ៖ «បងប្អូនខ្មែរណាមបូ មួយចំនួនហ្នឹង បងប្អូនខ្មែរនៅភាគខាងត្បូងមួយចំនួនហ្នឹង គាត់លើកឡើងថា ទឹកដីហ្នឹងអីនាថ្ងៃណាបារាំង កាត់ដីហ្នឹង ប្រគល់ឲ្យវៀតណាម អាហ្នឹងគឺជាការប្រឌិតពាក្យការមួលបង្កាច់ ការចោទប្រកាន់ដោយគ្មានមូលដ្ឋានច្បាប់អីទេ ដូចគ្មានភស្តុតាងតឹកតាងជាប្រវត្តិសាស្ត្រទេ មុនឆ្នាំ១៨៥៨ ហ្នឹង ទឹកដីហ្នឹង គឺវៀតណាម គ្រប់គ្រងរបស់វៀតណាម ហើយ»។
មែនទែនទៅ លោក ត្រឹង វ៉ាំង ថុង ព្យាយាមមិនប្រើពាក្យទឹកដីកម្ពុជាក្រោម ឬក៏ខ្មែរក្រោមនោះឡើយ តែលោកហៅទឹកដីនោះថា ជាទឹកដីវៀតណាមខាងត្បូង ឬទឹកដីណាមបូ និងចាត់ទុកប្រជាពលរដ្ឋខ្មែរនៅទីនោះ ថាខ្មែរនៅវៀតណាមខាងត្បូង ឬខ្មែរណាមបូ ទៅវិញ។
ចំពោះបញ្ហានេះ អង្គការសមាគមខ្មែរកម្ពុជាក្រោម នឹងរៀបចំវេទិកាសាធារណៈមួយនៅថ្ងៃទី២៨ មិថុនា ខាងមុខ ដើម្បីប្រមូលយកអនុសាសន៍នានា និងឯកសារផ្សេងៗ ដែលទាក់ទងនឹងទឹកដីកម្ពុជាក្រោម ដើម្បីចងក្រងជាឯកសារផ្លូវការដាក់ជូនរដ្ឋាភិបាលវៀតណាម ដើម្បីឲ្យរដ្ឋាភិបាលកុម្មុយនីស្តមួយនេះទទួលស្គាល់ការពិត នៃប្រវត្តិសាស្ត្រទឹកដីខ្មែរកម្ពុជាក្រោម។
ប្រធានសមាគមខ្មែរកម្ពុជាក្រោម លោក ថាច់ សេដ្ឋា ថ្លែងក្នុងពិធីខួប ៦៤ឆ្នាំ ថ្ងៃអាណានិគមនិយមបារាំង កាត់ទឹកដីខ្មែរឲ្យវៀតណាម នាខណ្ឌសែនសុខ រាជធានីភ្នំពេញ នៅថ្ងៃទី៤ ខែមិថុនា ឆ្នាំ២០១៣។ RFA/Tin Zakariya
ឆ្លើយតបនឹងការលើកឡើងរបស់ លោក ត្រឹង វ៉ាំង ថុង ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ថ្លែងថា ក្នុងនាមជាអ្នកនាំពាក្យស្ថានទូតដែលជាតំណាងឲ្យរដ្ឋាភិបាលវៀតណាម លោក ត្រឹង វ៉ាំង ថុង ត្រូវតែទទួលខុសត្រូវចំពោះការថ្លែងរបស់ខ្លួនកាលពីពេលកន្លងមក ហើយថា ប្រសិនបើអ្នកនាំពាក្យរូបនេះមិនបង្ហាញឯកសារដែលបញ្ជាក់ថា ទឹកដីកម្ពុជាក្រោម ជាទឹកដីរបស់វៀតណាម ជាយូរមកហើយទេនោះ លោកត្រូវតែសុំទោសប្រជាពលរដ្ឋខ្មែរជាសាធារណៈ។ លោក ថាច់ សេដ្ឋា ថា ការថ្លែងរបស់ លោក វ៉ាំង ថុង នេះ គឺជាការប្រមាថមើលងាយចំពោះប្រជាពលរដ្ឋខ្មែរខ្លាំងណាស់។
លោក ថាច់ សេដ្ឋា៖ «វាជាចេតនាបំភ្លៃប្រវត្តិសាស្ត្រតែម្តងរបស់ប្រទេសជិតខាង អាហ្នឹងដែលយើងឃើញថា មិនមែនមិនដឹងទេ ក្នុងឋានៈជាអ្នកនាំពាក្យហើយ ហើយខ្មែរក្រោមនៅច្រើនណាស់ ហើយវត្តអារាម ភស្តុតាង ឈ្មោះភូមិ ស្រុក ខេត្ត នៅទាំងអស់ចាងោៗនៅមុខ ហើយគាត់ហ៊ានបំភ្លៃបំផ្លើសយ៉ាងនេះ ហើយដូចជាច្បាប់ដែលកាត់ទឹកដីហ្នឹងនៅមាន យើងបានលើកយកមកសរសេរ មកផ្សព្វផ្សាយ ឃើញជាក់ស្តែងហើយ ច្បាប់លេខ៤៩-៧៣៣ ហ្នឹង ដែលបារាំង កាត់ទឹកដី នៅគាត់ថាមិនមានការកាត់ឲ្យអី អាហ្នឹងជាការបំផ្លើសខ្លាំងមែនទែន»។
វេទិកាសាធារណៈដែលអង្គការសមាគមខ្មែរកម្ពុជាក្រោម រៀបចំនៅថ្ងៃទី២៨ មិថុនា នោះ នឹងធ្វើឡើងនៅទីស្នាក់ការសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ ស្ថិតនៅភូមិគោកឃ្លាំង សង្កាត់ភ្នំពេញថ្មី ក្នុងខណ្ឌសែនសុខ។
បើតាម លោក ថាច់ សេដ្ឋា អង្គការសមាគមខ្មែរកម្ពុជាក្រោម នឹងធ្វើបាតុកម្មទាមទារឲ្យប្រទេសវៀតណាម ទទួលស្គាល់ប្រវត្តិសាស្ត្រពិតប្រាកដរបស់កម្ពុជា ដែលអាចនឹងប្រព្រឹត្តទៅនៅពាក់កណ្ដាលខែកក្កដា ឆ្នាំ២០១៤ ប្រសិនបើវៀតណាម មិនបង្ហាញឯកសារប្រវត្តិសាស្ត្រ និងមិនធ្វើការសុំទោសប្រជាពលរដ្ឋខ្មែរជាសាធារណៈ បន្ទាប់ពីវេទិកាសាធារណៈនេះ៕
6 comments:
Fuck all the VietCong dog eater gooks!
Cheyyo Khmer Krom make the damned predatory Viets apologize because they are the territory-grabbing thieves.
Mass Protest should be held soon.
That is why I always hate the damned Viet gooks. They are inherently thieves and they refuse to accept the truth that they are the thieves. It is Kampuchea Krom not "Khmer Nam Bo" you f*cking retarded Youn! With this one retarded crazy assed Youn, you have to shove the Geneva Accord to his face because through his entire life, he can only understand lies that benefit his own Youn thieves.
Mfk ah Uoun dog eater go back to China bastard we want kampucheakrom back
Keep on demanding till these dogs-cats- eaters gives in.Kampuchea krom never under Yiekcong controlled if the France didn't ceded her to Bao Dai.Khmers krom didn't wants to be Viets citizens.
Post a Comment