មន្ត្រីគណបក្សប្រជាជនកម្ពុជា និងមន្ត្រីគណបក្សសង្គ្រោះជាតិ ជួបចរចាគ្នានៅនារដ្ឋសភា នៅព្រឹកថ្ងៃទី៥ វិច្ឆិកា ឆ្នាំ២០១៣។
RFA/Tin Zakariya
គណបក្សសង្គ្រោះជាតិ រង់ចាំចម្លើយពីគណបក្សប្រជាជនកម្ពុជា ដើម្បីកំណត់ថ្ងៃចរចាជាថ្មី។ មន្ត្រីជាន់ខ្ពស់គណបក្សសង្គ្រោះជាតិ ឲ្យដឹងនៅល្ងាចថ្ងៃទី១៤ ខែមិថុនា ថា គណបក្សប្រជាជនកម្ពុជា មិនទាន់ផ្តល់ចម្លើយតបជុំវិញកាលបរិច្ឆេទជំនួបជាថ្មីទៀត រវាងក្រុមបច្ចេកទេស ឬក៏ថ្នាក់ដឹកនាំកំពូលនៃភាគីទាំងពីរនៅឡើយ។
មន្ត្រីអ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ មានប្រសាសន៍ថា ជំហររបស់គណបក្សប្រជាជនកម្ពុជា ផ្ទុយនឹងប្រសាសន៍របស់ លោក ហ៊ុន សែន ដែលថ្លែងថា យល់ព្រមដាក់ស្ថាប័ននេះទៅក្នុងរដ្ឋធម្មនុញ្ញ។ ក៏ប៉ុន្តែ គណបក្សសង្គ្រោះជាតិ នៅតែស្វាគមន៍ការជជែកគ្នាជាថ្មី ដើម្បីដោះស្រាយវិបត្តិនយោបាយនេះ៖ «យើងអត់ទាន់បានព័ត៌មានពីការចរចាហ្នឹងដែរ មិនដឹងថាមានជំនួបកំពូល ឬអត់ ពីព្រោះយើងមិនទាន់កំណត់កិច្ចព្រមព្រៀងសំខាន់ៗនៅឡើយ»។
មន្ត្រីបច្ចេកទេសរបស់គណបក្សទាំងពីរ បានជួបពិភាក្សាគ្នាកាលពីថ្ងៃទី១២ ខែមិថុនា។ ចំណុចដែលខ្វែងគំនិតគ្នានោះ នៅត្រង់កំណែទម្រង់ស្ថាប័នរៀបចំការបោះឆ្នោត។ បក្សកាន់អំណាចព្រមដាក់ស្ថាប័ននេះចូលក្នុងរដ្ឋធម្មនុញ្ញ ហើយទាមទារឲ្យមានការគាំទ្រពីសមាជិកសភាភាគច្រើនដាច់ខាត និងកំណត់ចំនួនសមាជិកយ៉ាងតិចណាស់ ៩នាក់។
ចំណែកបក្សប្រឆាំងទាមទារឲ្យដាក់ គ.ជ.ប ជាស្ថាប័នធម្មនុញ្ញ ឬបានន័យថា ស្ថាប័នមួយនេះត្រូវទទួលការទុកចិត្តពីសមាជិកសភាចំនួន ២ភាគ៣ នៃសមាជិកទាំងអស់ ហើយត្រូវមានសមាជិកចំនួន ៩នាក់។ មន្ត្រីគណបក្សសង្គ្រោះជាតិ ព្រមានថា បើគណបក្សកាន់អំណាចនៅតែមិនព្រមដោះស្រាយបញ្ហានេះ បក្សប្រឆាំងនឹងបន្តនៅក្រៅសភា ហើយនឹងបន្តដឹកនាំបាតុកម្មជាថ្មីទៀតនៅថ្ងៃណាមួយមិនខាន៕
1 comment:
so you , khmers , think that the election in the US and europe is fair then watch this video.. the computer programmer was testifying under oath .and there is no program that can be put in place to prevent the stealing of the votes according to him. W bush election was rigged and so was the Obama...they are just puppets to the ultra rich who own corporations and banks --- like hun sen is puppet to the viets...
http://www.youtube.com/watch?v=tjvtSquZkhs&feature=youtu.be
copy and paste to open the link.
Post a Comment