Post by Sam Rainsy.
Post by Sam Rainsy.
ដោយ៖ ញឹម សុខន | ថ្ងៃពុធ ទី4 មិថុនា 2014 | VOD
លោក សម រង្ស៊ី ថ្លែងក្នុងខួប៦៥ឆ្នាំ ដែលបារាំងកាត់ទឹកដីកម្ពុជាក្រោមទៅវៀតណាម (រូបថត៖ ណាត សុភាព)
មេបក្សប្រឆាំង នៅថ្ងៃពុធនេះ ព្រមានធ្ងន់ៗថា កម្ពុជានឹងបាត់បង់ទឹកដីទៅប្រទេសវៀតណាមដូចកម្ពុជាក្រោម អំឡុងពេលដ៏ខ្លីខាងមុខនេះ តាមរយៈការបណ្តោយឲ្យមានលំហូរអន្តោប្រវេសន៍ខុសច្បាប់ និងការផ្តល់ដីសម្បទាន របស់បក្សកាន់អំណាច។
ការព្រមានរបស់មេបក្សប្រឆាំងនេះ ធ្វើឡើងក្នុងពិធីរំឭកខួប៦៥ឆ្នាំនៃការបាត់បង់ទឹកដីកម្ពុជាក្រោមទៅប្រទេសវៀតណាម ដែលប្រារពធ្វើឡើង នៅវត្តសាមគ្គីរង្សី រាជធានីភ្នំពេញ។
ក្នុងពិធីនោះ លោក សម រង្ស៊ី ថ្លែងថា ការដែលអាណានិគមនិយមបារាំង ប្រគល់ទឹកដីកម្ពុជាក្រោម ឲ្យប្រទេសវៀតណាមគ្រប់គ្រងកាលពី៦៥ឆ្នាំមុន ក្រោមហេតុផលថា ជនជាតិវៀតណាម បានមករស់នៅច្រើនជាងខ្មែរក្រោមជាម្ចាស់ប្រទេស។ លោកបន្តថា នេះដោយសារការបណ្ដែតបណ្ដោយឲ្យជនជាតិវៀតណាមចូលមករស់នៅលើដីខ្មែរ ដោយដែលគ្មានការទប់ស្កាត់។
មេបក្សប្រឆាំងរូបនោះឲ្យដឹងទៀតថា កម្ពុជាបច្ចុប្បន្ន កំពុងមានលំហូរ អន្តោប្រវេសន៍វៀតណាមច្រើនឡើងៗ ដោយគ្មានការទប់ស្កាត់ឲ្យមានប្រសិទ្ធភាព រីឯការផ្តល់ដីសម្បទានសេដ្ឋកិច្ច របស់បក្សកាន់អំណាច ទៅឲ្យក្រុមហ៊ុនវៀតណាមរយៈពេល ៩៩ឆ្នាំក៏កាន់តែកើនឡើងដែរ។
ក្រោមហេតុផលនេះ លោក សម រង្ស៊ី ព្រមានថា កម្ពុជានឹងអាចដូចកម្ពុជាក្រោម បើពលរដ្ឋខ្មែរមិនប្រុងប្រយ័ត្នពីឧបាយកលនេះ។
មន្ត្រីជាន់ខ្ពស់គណបក្សកាន់អំណាច លោក ជាម យៀម បានច្រានចោលការអះអាងនេះ ដោយចាត់ទុកថា ការលើកឡើងរបស់លោក សម រង្ស៊ី មិនបានពិនិត្យមើលកម្ពុជា កាលពីជាង៦០ឆ្នាំមុន និងការដឹកនាំបច្ចុប្បន្ន។
បណ្ឌិតវិទ្យាសាស្ត្រនយោបាយលោក សុខ ទូច យល់ថា លំហូរអន្តោប្រវេសន៍ចូលកម្ពុជា មិនមែនជាកត្តានាំឲ្យកម្ពុជាបាត់បង់ទឹកដីទេ បើអ្នកនយោបាយខ្មែរអនុវត្តច្បាប់ឲ្យមានប្រសិទ្ធភាព និងបំបាត់អំពើពុករលួយ បក្សពួកនិយមនោះ។
ទឹកដីកម្ពុជាក្រោម មានទំហំជាង៦៨ម៉ឺនគីឡូម៉ែត្រក្រឡា មាន២១ខេត្ត ដែលអាណានិគមនិយមបារាំងប្រគល់ឲ្យវៀតណាមគ្រប់គ្រងតាំងពីថ្ងៃទី៤ ខែមិថុនា ឆ្នាំ១៩៤៩ ដោយមិនឆ្លងយោបល់ទីភាគីកម្ពុជា៕
សូមសរសេរមកលោក ញឹម សុខន តាមរយៈ sokhorn@vodhotnews.com
1 comment:
Yuon dog Cheam yeap ( pure puppet ) stand up and protect this accusation from the reality of the history . This traitor administration was set up by Yuon to control the colonize and swallow slowly of Khmer territory by use by number of treaties create by his set up puppet and their group . Khmer don't be fool with this trick . we will lost our land to our enemy through this traitor administration in the near future . Please stand up altogether destroy these Khmer traitor as soon as possible if we want to save our land and race .
Post a Comment