A resident of Boeung Kak I commune poses with a snake last year that was allegedly thrown into his house during a land dispute in Phnom Penh. Pha Lina
Three Phnom Penh residents embroiled in a land dispute with tycoon Khun Sear, who boasts high-level connections to the ruling Cambodian People’s Party, have been summonsed to appear in court next week.
Three families living on a patch of rubble-strewn land in Phnom Penh’s Tuol Kork district claim that representatives of Khun Sear Import Export Co have waged a campaign of intimidation against them since 2013, when the company was awarded rights to the land they claim to have lived on since 1982.
In a writ dated May 8, Phnom Penh municipal prosecutor Chet Khemera, acting on behalf of Sear, called on Li Sivmey, 24, and Ly Bunheang, 19, to be summonsed to appear in court on May 22 on charges of “destroying and violently grabbing the other party’s property”
In a similar complaint, another resident involved in the dispute in Boeung Kak 1 commune, Sok Hoch, was called to appear in court on May 23.
Sivmey yesterday said that she was undeterred by the court action.
“I am not afraid of anything since we have not done anything wrong as we are accused by Khun Sear. I believe that the court will seek justice,” she said.
The Ministry of Commerce lists Yim Leang, son of Deputy Prime Minister Yim Chhay Ly and head of Senate President Chea Sim’s bodyguard unit, as Sear’s business partner.
The court action came only a day after the latest round of negotiations over compensation, ongoing since Friday, resulted in representatives of Sear making two separate compensation offers of $70,000 and $30,000.
The Housing Rights Task Force (HRTF), which is acting as a negotiator for the families, yesterday said the charges were a ploy to pressure the families into capitulating.
“I know from meetings with the authorities that they want a resolution to this case, but it is difficult,” said Nan Ony, HRTF legal officer.
“Lim Yeang is very connected and so is his father, Yim Chhay Ly, so the authorities cannot fully implement their wishes,” he added. “I must come to the conclusion that the company and court are working together to force the families to accept the compensation offer.”
ស្ត្រីម្ចាស់ផ្ទះដែលរងនូវអំពើហិង្សា អង្គុយនៅខាងមុខផ្ទះនៅតំបន់បឹងកក់ ក្រោយពីមានមនុស្សមួយក្រុមមកវាយកម្ទេចរបស់របរក្នុងផ្ទះគាត់កាលពីព្រឹកថ្ងៃ៦ មេសា ឆ្នាំ២០១៤។
RFA/Van Vichar
ទំនាស់ដីធ្លីរវាងពលរដ្ឋបីគ្រួសារ និងក្រុមហ៊ុន ឃុន សៀ អភិវឌ្ឍន៍ នៅសង្កាត់បឹងកក់ ១ ខណ្ឌទួលគោក បានអូសបន្លាយពេលវេលាអស់ជាង ១ ឆ្នាំទៅហើយ ។ ពលរដ្ឋទាំងបីគ្រួសារ ធ្លាប់ត្រូវបានក្រុមហ៊ុនប្ដឹងប៉ូលិសឲ្យចាប់ដាក់ខ្នោះ បញ្ជូនទៅតុលាការ ជនមិនស្គាល់មុខយកពូថៅកាប់ យកដំបងវាយបំបែក បោះពស់ចូលក្នុងផ្ទះប៉ងសម្លាប់ និងឆាឆៅអុកឡុកស្ទើររាល់ថ្ងៃ ជាដើម។
ដោយសារភាគីពលរដ្ឋជួប គ្រោះថ្នាក់ផ្ទួនៗនេះហើយ ទើបធ្វើឲ្យសំណុំរឿងនេះ ក្លាយជាទីចាប់អារម្មណ៍របស់ មហាជន និងសង្គមស៊ីវិល។ កាលពីថ្ងៃទី០៩ ខែឧសភា មន្ត្រីសង្គមស៊ីវិលម្នាក់ បានចុះអង្កេតបញ្ហានេះ ប៉ុន្តែរូបគាត់ត្រូវបានសន្តិសុខក្រុមហ៊ុន ឃុន សៀ គំរាមសម្លាប់ទៀតផង។
ប្រធានគម្រោងកម្មវិធីកំណែទម្រង់ដីធ្លី របស់មជ្ឈមណ្ឌលសិទ្ធិមនុស្សកម្ពុជា លោក វណ្ណ សូផាត អះអាងថា រូបគាត់ត្រូវបាន សន្តិសុខយាមអគារអតីតសាលាសង្កាត់បឹងកក់ ១ ដែលអាជ្ញាធរក្រុងបានលក់ឲ្យក្រុមហ៊ុន ឃុន សៀ ជេរប្រមាថ និងគំរាមសម្លាប់។
ការគំរាមនេះ ធ្វើឡើងបន្ទាប់ពីមន្ត្រីការពារសិទ្ធិដីធ្លីរូបនេះ ចុះប្រមូលព័ត៌មាន និងថតរូបនៅផ្ទះក្រុមគ្រួសារពលរដ្ឋ ដែលកំពុងមានទំនាស់ដីជាមួយក្រុមហ៊ុន។
ចំណែកឯ សាក្សីនៅកន្លែងកើតហេតុ និងជាក្រុមគ្រួសាររបស់ពលរដ្ឋ មានទំនាស់ជាមួយក្រុមហ៊ុន អ្នកស្រី ម៉ក់ សៀវហ៊ួង ឲ្យដឹងថា លោក វណ្ណ សូផាត បានមកផ្ទះរបស់អ្នកស្រី នៅថ្ងៃទី០៩ ឧសភា វេលាម៉ោង ជាង០៤ រសៀល បន្ទាប់ពីអ្នកស្រី សំណូមពរឲ្យមន្ត្រីសិទ្ធិមនុស្សរូបនេះ ចុះអន្តរាគមន៍ និងបន្ទាប់ពលរដ្ឋ ១ គ្រួសារ ក្នុងចំណោមបីគ្រួសារនោះ ព្រមទទួលសំណងពីក្រុមហ៊ុន។
អ្នកស្រី បន្តថា ក្រុមសន្តិសុខ បានព្យាយាមរារាំងមិនឲ្យ លោក វណ្ណ សូផាត ថតរូបដីទំនាស់ និងគំរាមថា នឹងសម្លាប់ បើសិនជានៅរឹងទទឹង ជ្រោមជ្រែងជួយអន្តរាគមន៍គ្រួសារពលរដ្ឋតទៅទៀតនោះ។
អ្នកស្រី ម៉ក់ សៀវហ៊ួង បញ្ជាក់ ៖ «គាត់ក៏ថតមិនទាន់បានថតផង វាក៏ចេញមករុញគាត់ហើយនិយាយថា ហ្អែងចេញទៅហ្អែងចេញទៅ គ្មានសិទ្ធិអីមកថតនៅដីអញទេ ដីហ្នឹងគេទទួលសំណងរួចហើយ។ ដល់ហើយគាត់ក៏មកអង្គុយនៅផ្ទះ ពួកវាមកតាមទៀត ហើយលើកគ្នាកាន់ពូថៅកាន់ដំបង ហើយគំរាមថា បើអ្នកណាហ៊ានមកទៀតនឹងកាប់ឲ្យងាប់ ឬវាយឲ្យបាក់ជើងតែម្ដង»។
វិទ្យុអាស៊ីសេរី បានព្យាយាមសាកសួរសន្តិសុខនៅយាមដីសង្កាត់បឹងកក់ ១ ពីបញ្ហា នេះ នៅព្រឹកថ្ងៃទី១៣ ខែឧសភា ប៉ុន្តែសន្តិសុខទាំងនោះមិនបានឆ្លើយតបថា យ៉ាងម៉េចនោះឡើយ។
កាលពីថ្ងៃទី០៧ ខែឧសភា ពលរដ្ឋ ១ គ្រួសារ ក្នុងចំណោម ៣ គ្រួសារ បានទទួលយកសំណងពីក្រុមហ៊ុន ឃុន សៀ រួចទៅ។ ប្រាក់សំណងនោះ ជាប្រាក់របស់លោកឧត្ដមសេនីយ៍ឯក យឹម លាង មានតួនាទីជាប្រធានអង្គរក្សលោក ជា ស៊ីម និងជាកូនប្រុសលោកឧបនាយករដ្ឋមន្ត្រី យឹម ឆៃលី។
នៅក្នុងលិខិតទទួលប្រាក់នោះសរសេរថា ប្រជាពលរដ្ឋឯកភាពទទួលប្រាក់ ១ ម៉ឺន ៥ ពាន់ដុល្លារ ដើម្បីរើឥវ៉ាន់ចាកចេញពីលំនៅឋាន ហើយសន្យាទៅថ្ងៃមុខមិនប្ដឹងផ្ដល់ក្រុមហ៊ុន ឃុន សៀ វិញឡើយ។
យ៉ាងណាក៏ដោយ សាច់ញាតិរបស់គ្រួសារពលរដ្ឋដែលព្រមចាកចេញបានប្រាប់ថា ក្រុមហ៊ុនបានឲ្យប្រាក់ចំនួន ៥ ម៉ឺនដុល្លារ មិនមែន ១ ម៉ឺនប្រាំពាន់ដុល្លារ ដូចសរសេរលើក្រដាសឡើយ។ ហើយពលរដ្ឋក៏មិនដឹងពីបំណងពិតប្រាកដរបស់ក្រុម ហ៊ុន ឃុន សៀ ដែរ។
ទាក់ទងនឹងបញ្ហានេះ ប្រធានផ្នែកបច្ចេកទេសអង្គការ ការពារសិទ្ធិមនុស្សលីកាដូ លោក អំ សំអាត មានប្រសាសន៍ថា រាល់ការធ្វើទុក្ខបុកម្នេញ ដើម្បីឲ្យពលរដ្ឋចាកចេញពីលំនៅឋាន ហើយយកដីលក់ឲ្យក្រុមហ៊ុន គឺជាវិធីសាស្ត្រដែលមានលក្ខណៈ ជាប្រព័ន្ធក្នុងជួររដ្ឋាភិបាល។
លោកបន្តថា អាជ្ញាធររាជធានីភ្នំពេញ បានបែរខ្នងដាក់ពលរដ្ឋរួចទៅហើយ ចំពោះទំនាស់ដីធ្លីរវាងពលរដ្ឋ និងក្រុមហ៊ុន ឃុន សៀ នេះ។ លោកបន្តថា សន្តិសុខហ៊ានគំរាមកំហែងមន្ត្រីសង្គមស៊ីវិល បណ្ដាលមកពីសន្តិសុខទាំងនោះញៀនញ៉ាមនឹងនិទ្ទណ្ឌភាព ដែលធ្លាប់ប្រព្រឹត្តិទៅលើគ្រួសាររបស់ពលរដ្ឋ។
លោក អំ សំអាត ៖ «ហ៊ានតែមានការប៉ះពាល់ដល់អាយុជីវិត អាជ្ញាធរជាអ្នកទទួលខុសត្រូវ ព្រោះពលរដ្ឋបានប្ដឹងផ្ដល់ច្រើនសារមកហើយ។ អានេះជាការរៀបចំជាប្រព័ន្ធតែម្ដង កន្លែងហ្នឹងនឹងក្លាយជាអនាធិបតេយ្យ គ្មានអ្នកណាបង្ក្រាបឡើយ»។
ក្នុងរយៈពេល ១៣ ខែ ដែលពលរដ្ឋមានទំនាស់ដីធ្លីជាមួយក្រុមហ៊ុន ឃុន សៀ។ ក្រុមគ្រួសាររបស់លោក លី ស្រ៊ាខេង ជួបទុក្ខទោសច្រើនជាងគេ។
គ្រួសារនេះ ត្រូវបានគេកាប់ គេវាយឲ្យរបួសធ្ងន់ស្រាលយ៉ាងតិចណាស់់ចំនួន ៧ ដង។ កាលពីខែមីនា ជនមិនស្គាល់មុខ មួយក្រុមបានយកពស់វែកបីក្បាលបោះចូលផ្ទះលោក លី ស្រ៊ាខេង ទាំងកណ្ដាលយប់។ បន្ទាប់ពីនោះ ក្រុមសន្តិសុខក្រុមហ៊ុន ឃុន សៀ បានឆាឆៅវាយបំបែកចានបាយ ចានបបរ និងតុកៅអី ក្នុងផ្ទះពលរដ្ឋថែមទៀត ។ ប្រពន្ធរបស់លោក លី ស្រ៊ាខេង គឺអ្នកស្រី ម៉ក់ សៀវហុង បានបាត់បង់មុខរបរលក់អីវ៉ាន់ដោយសារទំនាស់ដីធ្លីនេះ។
ប្រធានគម្រោងកម្មវិធីកំណែទម្រង់ដីធ្លីរបស់មជ្ឈមណ្ឌលសិទ្ធិមនុស្សកម្ពុជា លោក វណ្ណ សូផាត មានប្រសាសន៍ថា ពលរដ្ឋដែលក្រាញននៀលការពារដីធ្លី អាចនឹងរងគ្រោះដល់អាយុជីវិត បើសិនជាវប្បធម៌និទ្ទណ្ឌភាពនៅតែបន្តនោះ។ លោកបន្តថា ក្រុមសន្តិសុខទាំងនោះ មិនខ្លាចច្បាប់សោះឡើយ ហើយពួកគេក៏ប្រហែលជាស្មាន ថាពួកគេវាយឬសម្លាប់មនុស្សដើម្បីប្លន់ យកដីឲ្យក្រុមហ៊ុននោះ ជាអំពើស្របច្បាប់ផងក៏មិនដឹង។
លោកបញ្ជាក់ថា លោកនឹងប្ដឹងករណីគំរាមកំហែងលើរូបលោក ទៅកាន់តុលាការនាពេលខាងមុខ។ លោក វណ្ណ សូផាត ៖ «យើងនឹងចាត់វិធានការទៅអាជ្ញាធរពាក់ព័ន្ធ និងដាក់ពាក្យបណ្ដឹងទៅតុលាការ ចាំមើលមេធាវីខ្ញុំមកវិញ ព្រោះការគំរាមសម្លាប់ហ្នឹងជាទោសព្រហ្មទណ្ឌ»។
បណ្ដឹងរបស់លោក វណ្ណ សូផាត មិនទាន់ដល់ដៃតុលាការផង សាលាដំបូងរាជធានីភ្នំពេញ បានចេញដីកាកោះហៅពលរដ្ឋចំនួនពីរគ្រួសារ ឲ្យចូលខ្លួនបំភ្លឺតាមបណ្ដឹងរបស់ឧកញ៉ា ឃុន សៀ បាត់ទៅហើយ។
តំណាងអយ្យការ លោកព្រះរាជអាជ្ញារង ជេត ខេមរា បានចេញដីកាកោះហៅកូនប្រុស កូនស្រី របស់លោក លី ស្រ៊ាខេង ឲ្យចូលបំភ្លឺលើបទចោទបំផ្លិចបំផ្លាញ និងប្រើប្រាស់ហិង្សារំលោភសិទ្ធិកាន់កាប់អចលនៈវត្ថុរបស់អ្នកដ៏ទៃ នៅថ្ងៃទី២២ ខែឧសភា ខាងមុខ។ ដីកាមួយទៀត គឺកោះហៅពលរដ្ឋ ម្នាក់ទៀតឈ្មោះ សុក ហ៊ុច ឲ្យចូលបំភ្លឺក្នុងបទចោទដូចគ្នា នៅថ្ងៃទី២៣ ឧសភា។
ប្រជាពលរដ្ឋទាំងនោះដាក់ចម្ងល់ថា ហេតុអ្វីបានជាបណ្ដឹងរបស់ពួកគាត់ តុលាការមិនចាត់ការ តែបែរជាពេញចិត្តចាត់ចែងបណ្ដឹងរបស់លោកឧកញ៉ា ខ្លាំងម៉្លេះ? ៖ «គេមកធ្វើបាបខ្ញុំអស់ពេល ១៣ ខែហើយ។ ទីមួយរឿងគេកាប់ខ្ញុំ គេវាយប៉ាខ្ញុំ វាមានភាពអយុត្តិធម៌»។
យ៉ាងណាក៏ដោយ តំណាងក្រុមហ៊ុន ឃុន សៀ និងលោក យឹម លាង សុទ្ធតែធ្លាប់បញ្ជាក់ប្រាប់វិទ្យុអាស៊ីសេរីថា ពួកគេមិនបានប្រើប្រាស់ហិង្សាលើពលរដ្ឋទេ។ ក្រុមសមត្ថកិច្ចនគរបាលសង្កាត់បឹងកក់ ១ ក៏ធ្លាប់ប្រាប់ថា ពួកគេមិនមានតួនាទីចាប់ជនល្មើសដែរ បើសិនជាមិនមានបញ្ជាពីថ្នាក់លើឬតុលាការនោះ។
អាជ្ញាធរសាលារាជធានីភ្នំពេញ ធ្លាប់បានដោះស្រាយនៅទំនាស់ដីធ្លី នៅតំបន់នៅកន្លែងនេះជាច្រើនដង ច្រើនសារមកហើយ។ ប៉ុន្តែជាការដោះស្រាយសម្របសម្រួល ឲ្យពលរដ្ឋទទួលយកលុយសំណងពីក្រុមហ៊ុនប៉ុណ្ណោះ។ ពលរដ្ឋបញ្ជាក់ថា វិធីសាស្ត្ររបស់ក្រុមហ៊ុន ឃុន សៀ គឺលួងលោមអោយទទួលសំណង បើមិនព្រម គឺប្រើមនុស្សឲ្យវាយធ្វើបាប និងចុងក្រោយប្រើប្រព័ន្ធតុលាការ ដើម្បីចាត់ការបង្ខំឲ្យព្រមទទួលយកប្រាក់សំណង។
របាយការណ៍របស់សង្គមស៊ីវិល បង្ហាញថា ចាប់ពីឆ្នាំ២០០៨ ដល់ឆ្នាំ២០១៣ មានសកម្មជនសិទ្ធិមនុស្ស និងពលរដ្ឋមានបញ្ហាដីធ្លីចំនួនជាង ៥០០ នាក់ ត្រូវបានតុលាការចោទប្រកាន់ដោយអយុត្តិធម៌៕
1 comment:
voltaire said it best : la raison des plus forts est toujours le meilleur .
the one in power [ wealthy ] is always ''right''. or as we say on the street '' money talks ''
Post a Comment