ដោយ៖ ឡាយ សាមាន | ថ្ងៃព្រហស្បតិ៍ ទី3 ខែមេសា ឆ្នាំ2014 | VOD Read more about this issue here.
លោក សម រង្ស៊ី ប្រធានគណបក្សសង្គ្រោះជាតិ (រូបថត៖ តាំង វីដា)
ប្រធានគណបក្សសង្គ្រោះជាតិ នៅថ្ងៃពុធនេះ ឲ្យដឹងថា តុលាការប្រទេសបារាំង នឹងបញ្ជូនក្រុមបច្ចេកទេសមកកម្ពុជា ដើម្បីបន្តការស៊ើបអង្កេតករណីគប់គ្រាប់បែកមកលើហ្វូងបាតុករ កាលពីថ្ងៃទី ៣០ ខែមីនា ឆ្នាំ ១៩៩៧។
កាលពីថ្ងៃទី៣០ ខែមីនា ឆ្នាំ១៩៩៧ លោក សម រង្ស៊ី ដែលពេលនោះជាប្រធានគណបក្សជាតិខ្មែរ បានដឹកនាំបាតុករ ទៅមុខមន្ទីររដ្ឋសភា ទាមទារកំណែទម្រង់ប្រព័ន្ធតុលាការ។ ខណៈនោះ គ្រាប់បែក៤គ្រាប់ត្រូវបានគប់មកលើហ្វូងបាតុករ ដែលបណ្តាលឲ្យមនុស្ស១៦នាក់បានស្លាប់ និងជាង១៥០នាក់ផ្សេងទៀតរបួស ក្នុងនោះមានលោក សម រង្ស៊ី ផងដែរ។ រហូតមកដល់ពេលនេះ ជនដៃដល់ និងអ្នកនៅពីក្រោយខ្នងមិនទាន់ត្រូវបានវែកមុខយកមកផ្តន្ទាទោសនៅ ទ្បើយទេ។
ប្រធានគណបក្សសង្គ្រោះជាតិ លោក សម រង្ស៊ី ប្រាប់ VOD ថា តុលាការប្រទេសបារាំង នឹងបញ្ជូនក្រុមបច្ចេកទេស មកកម្ពុជា បន្តការស៊ើអង្កេតករណី ដើម្បីឈានទៅបើកសវនាការ នៅទីក្រុងប៉ារីស នាពេលឆាប់ៗខាងមុខនេះ។ លោក បន្តថា ឥឡូវនេះតុលាការប្រទេសបារាំងកំពុងប្រមូលភស្តុតាងបន្ថែម និងសាកសួរអ្នកដែលពាក់ព័ន្ធក្នុងការវាយប្រហារនោះ។
លោក សម រង្សី បន្តថា រូបលោកផ្ទាល់គឺជាដើមបណ្តឹងក្នុងរឿងក្តីនេះ ដើម្បីឲ្យតុលាការស្វែងយុត្តិធម៌ជូនអ្នករងគ្រោះ និងចាប់ជនដៃដល់មកផ្តន្ទាទោសតាមច្បាប់។
សូមសរសេរមកកាន់លោក ឡាយ សាមាន តាមរយៈ samean@vodhotnews.com
No comments:
Post a Comment