ដោយ ទេព សុរ៉ាវី
2014-02-09
2014-02-09
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍នៅថ្ងៃ៩ កុម្ភៈ ថា លោក សម រង្ស៊ី បានធ្វើដំណើរនៅតាមបណ្ដាប្រទេសជាច្រើននៅទ្វីបអឺរ៉ុប ហើយលោកក៏បានធ្វើដំណើរនៅកាន់ប្រទេសកូរ៉េខាងត្បូងតបតាមការស្នើសុំរបស់ពលករខ្មែរដែលធ្វើការនៅទីនោះរាប់ពាន់នាក់ និងបានជួបមន្ត្រីអង្គការសិទ្ធិមនុស្ស និងថ្នាក់ដឹកនាំគណបក្សនយោបាយកូរ៉េខាងត្បូងមួយចំនួន ដើម្បីជម្រាបពីស្ថានភាពសិទ្ធិមនុស្ស ពីស្ថានការណ៍ និងដំណោះស្រាយនយោបាយកម្ពុជា។
លោក យឹម សុវណ្ណ៖ «ការដែលគាត់ទៅអឺរ៉ុប គាត់ទៅជម្រាបខាងក្រុមប្រឹក្សាសិទ្ធិមនុស្សរបស់អង្គការសហប្រជាជាតិ អំពីសិទ្ធិមនុស្សនៅប្រទេសកម្ពុជា។ គាត់ទៅអឺរ៉ុប គឺជំរុញញត្តិដែលដាក់ចេញដោយសភាអឺរ៉ុបហ្នឹងទៅអនុវត្តឲ្យមានប្រសិទ្ធភាព ហើយគាត់មកកូរ៉េ គាត់ប្រាប់សិទ្ធិមនុស្សកូរ៉េ ពីស្ថានភាពសិទ្ធិមនុស្ស និងជម្រាបពីស្ថានការណ៍នយោបាយ និងដំណោះស្រាយឲ្យពលករខ្មែរធ្វើការនៅកូរ៉េ ប៉ុន្មានពាន់នាក់»។
លោក សម រង្ស៊ី បានចាកចេញពីកម្ពុជា ទៅកាន់ទ្វីបអឺរ៉ុប កាលពីថ្ងៃទី២៣ មករា ដើម្បីស្វែងរកការគាំទ្របន្ថែមពីសហគមន៍អន្តរជាតិ ដែលលោកធ្លាប់អះអាងថា កំពុងតែដាក់សម្ពាធទៅលើប្រមុខរដ្ឋាភិបាលលោក ហ៊ុន សែន។
មេដឹកនាំគណបក្សប្រឆាំងរូបនេះ ធ្លាប់ប្រាប់ថា នឹងធ្វើបាតុកម្មជាបន្តទៀតមិនរាថយឡើយ ត្បិតមានការបង្ក្រាបពីកម្លាំងប្រដាប់អាវុធ។ ប៉ុន្តែគណបក្សនេះកំពុងស្វែងរកការដាក់សម្ពាធបន្ថែមទៀតពីសហគមន៍អន្តរជាតិទៅលើរដ្ឋាភិបាល ដើម្បីធានាកុំឲ្យមានការបង្ក្រាបដោយហិង្សាទៅលើបាតុករ។
មកទល់ពេលនេះ គណបក្សសង្គ្រោះជាតិមិនទាន់យល់ព្រមបញ្ជូនសមាជិកសភាជាប់ឆ្នោតរបស់ខ្លួនទៅចូលប្រជុំឡើយ ដោយគណបក្សចាត់ទុកថា លទ្ធផលការបោះឆ្នោតថ្ងៃទី២៨ កក្កដា កន្លងទៅ មានភាពមិនត្រឹមត្រូវ ហើយទាមទារឲ្យពិនិត្យលទ្ធផលនោះឡើងវិញ ឬសុំឲ្យរៀបចំការបោះឆ្នោតជាថ្មីម្តងទៀតមុនអាណត្តិ៕
1 comment:
To Khmerican,
Sometime, we have to learn not to kiss ass but recognized real heroes if we want Cambodia change toward real democracy system like developed countries.
Until now Miss. Kem Monovithya and her "I love Cambodia Hot News 1 and 2" still don't even dare to declare all their bank transactions that related to all donation money in transparency matter yet.
These donation money are the blood hard working Khmer oversea to save Cambodia from Vietnam colonial and not for anyone using for their private luxury.
Fraud and scam must face law and order, Can't be exemption no matter what.
Post a Comment