ដោយ៖ ណាត សុភាព | ថ្ងៃពុធ ទី12 ខែកុម្ភៈ ឆ្នាំ2014,VOD
ក្រសួងមហាផ្ទៃច្រានចោលព័ត៌មាន ចរចាមអារ៉ាម ដែលសរសេរលើបណ្តេញសង្គមហ្វេសប៊ុក ថា រដ្ឋាភិបាលកម្ពុជា គ្រោងបំបែកខេត្តចំនួន៣បន្ថែមទៀត ជារឿងបំភ្លៃខុសពីការពិត។
ព័ត៌មាននៅលើបណ្តាញសង្គមហ្វេសប៊ុកនៅថ្ងៃពុធនេះ សរសេរថា “យើងសុំអំពាវនាវឲ្យប្រជាជនខ្មែរទាំងអស់ មិនថាគណបក្សនយោបាយណា រួមគ្នាដើម្បីជំទាស់នឹងការសម្រេចចិត្តរបស់អ្នកកាន់អំណាច ដែលនឹងបំបែកខេត្តចំនួន៣ទៀត គឺខេត្តសៀមរាប ព្រៃវែង និងខេត្តបាត់ដំបង”។
អ្នកនាំពាក្យក្រសួងមហាផ្ទៃ លោក ខៀវ សុភ័គ ច្រានចោលព័ត៌មានសង្គមហ្វេសប៊ុកនោះថា មិនពិតទេ។ លោកថា រដ្ឋាភិបាលបានបង្កើតខេត្តតែមួយប៉ុណ្ណោះ ខណៈព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់ចុះព្រះហស្តលេខានៅថ្ងៃទី៣១ ខែធ្នូ ឆ្នាំ២០១៣ បង្កើតខេត្តត្បូងឃ្មុំមួយទៀត ដោយបំបែកចេញពីខេត្តកំពង់ចាម តាមសំណើរបស់រាជរដ្ឋាភិបាល។
ខេត្តកំពង់ចាម ជាខេត្តធំទី១១ ក្នុងចំណោមខេត្តក្រុងចំនួន២៤ ដែលមានផ្ទៃដីសរុប៩៧៩៩គីឡូម៉ែត្រការ៉េ និងប្រជាជនប្រមាណជា១.៦៨០.៦៩៤(តាមជំរឿនឆ្នាំ២០០៨)។ ខេត្តមួយនេះ មានប្រជាជនច្រើនជាងគេ និងមានក្រុងសរុបចំនួន២ និងស្រុកចំនួន១៥៕
សូមសរសេរមកលោក ណាត សុភាព តាមរយៈ sopheap@vodhotnews.com
No comments:
Post a Comment