ដោយ៖ តាំង វីដា | ថ្ងៃពុធ ទី5 ខែកុម្ភៈ ឆ្នាំ2014,
ស្តាប់សំឡេង៖ | ចម្លងទុក |
ជំនួបពិភាក្សាគ្នារវាងលោក ហោ ណាំហុង រដ្ឋមន្ត្រីក្រសួងការបរទេស និងឧបការីរងរដ្ឋមន្ត្រីការបរទេសអាមេរិក នាព្រឹកមិញ (រូបភាពដោយ តាំង វីដា)
រដ្ឋមន្ត្រីក្រសួងការបរទេស នៅព្រឹកថ្ងៃពុធនេះ ប្រាប់ទៅឧបការីរងរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក ថា ការធ្វើបាតុកម្មជាហូរហែរបស់គណបក្សសង្គ្រោះជាតិ ទាមទារការបោះឆ្នោតឡើងវិញ គឺជាការព្រៀងទុកមុនរបស់គណបក្សនេះ ដែលមិនទទួលស្គាល់លទ្ធផលថា ខ្លួនចាញ់។
ក្រោយជំនួបពិភាក្សាការងាររវាងលោក Scot Marciel ឧបការីរងរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក និង លោក ហោ ណាំហុង រដ្ឋមន្ត្រីការបរទេសកម្ពុជា នៅថ្ងៃព្រឹកថ្ងៃទី៥ ខែកុម្ភៈនេះ អ្នកនាំពាក្យក្រសួងការបរទេស លោក កុយ គួង ថ្លែងប្រាប់អ្នកសារព័ត៌មានថា លោក ហោ ណាំហុង បានជម្រាបជូន លោក Scot Marciel ពាក់ព័ន្ធនឹងបញ្ហានយោបាយ ថាមហាបាតុកម្មដឹកនាំដោយគណបក្សសង្គ្រោះជាតិ ដែលចោទប្រកាន់លើការបោះឆ្នោត គឺជាបាតុកម្ម ដែលបានគ្រោងទុកជាមុន ពេលចាញ់ឆ្នោត «ឯកឧត្តមបានបញ្ជាក់ហើយ ថាពេលមុនបោះឆ្នោតនេះទៀត គេធ្វើយុទ្ធនាការគគ្រឹកគគ្រែងណាស់ មានន័យថាគេធ្វើនេះ ធ្វើដើម្បីយកឈ្នះតែម្តង ប៉ុន្តែដល់ពេលគេដាក់លក្ខខណ្ឌមួយ គឺថា ប្រសិនជាចាញ់ គេមិនទទួលស្គាល់ទេ ។ ប៉ុន្តែគេខំធ្វើដើម្បីឈ្នះ បើចាញ់ គេមិនទទួលស្គាល់ លទ្ធផលគឺបានបង្ហាញណាស់ គណបក្សប្រជាជនបាន ៦៨[អាសនៈ] គណបក្សសង្គ្រោះជាតិបានចំនួន ៥៥[អាសនៈ]។ ចំនួននេះ គេនៅមិនសុខចិត្តទៀត ហើយគេចោទថាគណបក្សប្រជាជន លួចបន្លំសន្លឹកឆ្នោត»។
តែទោះយ៉ាងណា លោក កុយ គួង ឲ្យដឹងទៀតថា គណបក្សប្រជាជនកម្ពុជា នៅតែបើកចំហរ និងស្នើឲ្យគណបក្សសង្គ្រោះជាតិ វិលចូលតុ និងចូលប្រជុំសភា ដោះស្រាយបញ្ហានយោបាយ ដោយសន្តិវិធី ហើយការទាមទារបោះឆ្នោត អាចធ្វើបានលុះណាតែមានការជជែកគ្នា ធ្វើវិសោធនកម្មច្បាប់ត្រឹមត្រូវ តាមសេចក្តីសម្រេចបោះឆ្នោតកូរ៉ុមក្នុងសភា។
ក្រោយជំនួបនេះដែរ អ្នកនាំពាក្យរបស់ស្ថានទូតអាមេរិក លោក Sean McIntosh ឲ្យដឹងដែរថា អាមេរិក ប្រកាន់ជំហរកណ្តាល និងជំរុញឲ្យគណបក្សនយោបាយទាំងពីរ វិលចូលតុចរចាឲ្យបានឆាប់រហ័ស ដើម្បីដោះស្រាយបញ្ហាជាប់គាំងនយោបាយ ជាផលប្រយោជន៍ប្រទេសជាតិទាំងមូល។ លោកបន្តថា សហរដ្ឋអាមេរិកគាំទ្រចំពោះបាតុកម្មដោយអហិង្សា និងជំរុញឲ្យអាជ្ញាធរ ដកចេញនូវបម្រាមហាមឃាត់ការប្រមូលផ្តុំបាតុកម្មដោយអហិង្សា ដើម្បីធានាសិទ្ធិសេរីភាពបញ្ចេញមតិរបស់ប្រជាពលរដ្ឋ។
ក្រោយជំនួបនេះដែរ អ្នកនាំពាក្យរបស់ស្ថានទូតអាមេរិក លោក Sean McIntosh ឲ្យដឹងដែរថា អាមេរិក ប្រកាន់ជំហរកណ្តាល និងជំរុញឲ្យគណបក្សនយោបាយទាំងពីរ វិលចូលតុចរចាឲ្យបានឆាប់រហ័ស ដើម្បីដោះស្រាយបញ្ហាជាប់គាំងនយោបាយ ជាផលប្រយោជន៍ប្រទេសជាតិទាំងមូល។ លោកបន្តថា សហរដ្ឋអាមេរិកគាំទ្រចំពោះបាតុកម្មដោយអហិង្សា និងជំរុញឲ្យអាជ្ញាធរ ដកចេញនូវបម្រាមហាមឃាត់ការប្រមូលផ្តុំបាតុកម្មដោយអហិង្សា ដើម្បីធានាសិទ្ធិសេរីភាពបញ្ចេញមតិរបស់ប្រជាពលរដ្ឋ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ឲ្យដឹងថា ការធ្វើបាតុកម្មកន្លងមកនេះ គឺធ្វើតាមឆន្ទៈរបស់ប្រជាពលរដ្ឋ ដែលទាមទារឲ្យមានការកែទម្រង់ប្រព័ន្ធបោះឆ្នោត និងបោះឆ្នោតឡើងវិញ។ លោកថា គណបក្សនេះ បានដឹងជាមុនពីគម្រោងរបស់គណបក្សប្រជាជនកម្ពុជា ឃុបឃិតជាមួយ គជប បង្កភាពមិនប្រក្រតីក្នុងដំណើរការបោះឆ្នោត ហើយការចូលរួមការបោះឆ្នោតនៅអាណត្តិទី៥នេះ គឺដើម្បីបង្ហាញទៅដល់ប្រជាពលរដ្ឋ និងអន្តរជាតិ ទទួលដឹងពីភាពមិនប្រក្រតីនេះ និងភាពមិនឯករាជ្យរបស់ គជប «ប្រសិនជាយើងមិនចូល យើងម៉េចដឹង ទាល់តែយើងចូលទើបយើងឃើញទង្វើរបស់គេឃើញអញ្ចឹងមែន ឃើញបាត់ឈ្នោះ១លាន៣សែននាក់ ឃើញចេញលិខិតបញ្ជាក់អត្តសញ្ញាណក្លែងក្លាយមួយចំនួន ឃើញចេញបង្កើតក្រុមប្រព័ន្ធផ្សព្វផ្សាយ ឃើញមានការរាប់សន្លឹកឆ្នោត ដោយអយុត្តិធម៌ សុំឲ្យរាប់ឡើងវិញ មិនព្រមរាប់ រកឃើញក្រោយពេលដែលយើងចូលរួមការបោះឆ្នោត។ ការបោះឆ្នោតរបស់យើង គឺចូលរួមដើម្បីបង្ហាញ ឲ្យឃើញថា គជប គណបក្សប្រជាជន បានឃុបឃិតគ្នាដើម្បីធ្វើការកែបន្លំ ការបោះឆ្នោត ដោយមានការក្លែងបន្លំ»។
នៅពាក់កណ្តាលខែមករា ឆ្នាំ២០១៤នេះ រដ្ឋាភិបាលអាមេរិក លោក បារ៉ាក់ អូបាម៉ា បានចុះហត្ថលេខាលើសេចក្តីព្រាង ថវិកាផ្អាកការផ្តល់មូលនិធិមករដ្ឋាភិបាលកម្ពុជា ចំនួន៨០លានដុល្លារក្នុងមួយឆ្នាំ ដើម្បីជំរុញឲ្យរដ្ឋាភិបាលកម្ពុជា អនុវត្តការស៊ើបអង្កេតដោយឯករាជ្យ និងគួរឲ្យទុកចិត្តមួយ ទៅលើភាពមិនប្រក្រតីនៅថ្ងៃបោះឆ្នោតឆ្នាំ២០១៣ ទើបអាមេរិកផ្តល់មូលនិធិឡើងវិញ តែករណីនេះ មន្ត្រីរដ្ឋាភិបាល ធ្លាប់អះអាងថា នេះជាសិទ្ធិរបស់រដ្ឋាភិបាលអាមេរិក តែហាក់មិនត្រឹមត្រូវនោះទេ៕
សូមសរសេរមកលោក តាំង វីដា តាមរយៈ vida@vodhotnews.com
2 comments:
What constitution Mr. 5-Hong? Your current government is unconstitutional! You and your unconstitutional government behave more like Mafia. The evidence is preponderant that you and your current unelected government is no other than the extension of Democratic Kumpuchea made possible by Vietnamese goverment. Is it true that you (former chief of Bang Trabek re-education prison), Son Sen (former cheif of the Khmer Rouge army, chief of the Santebal or the secret police, chief of S21), Mr. Eng Sary (former minister of foreign affairs), and others (who worked in DK) were born in Vietnam of Vietnamese bloodline and that you guys colluded to kill Khmers by the millions in order to advance the territory and economy of your country of origin? You guys did a good job that even at his dead bed Pol Pot was still believing that those executed at S21 were spies tasked to sobatage Democratic Kumpuchea? Also an idiot named Noun Chia (Brother number 2 ) still belives that Vorn Vet (executed at S21) had plan to overthrow DK government. Noun Chia susspected that there were Vietnamese agents in the DK government but because of his low IQ he has no idia who these Vietnamese agents were. He does not know that the real Viet agents he and Pot Pot were looking for were no other than those Camarats tasked to hunt for these Vietnamese agents themselves. If Khmer Rouge Tribunal happened elsewhere yours and your friends true identity whould have come to light.
ហោ ណាំហុងឯងក៏កុហកខ្លួនឯងដែរ តើធ្លាប់ធ្វើមេគុកបឹងត្របែកឬទេ? បើគេសួរថា
ធ្លាប់ជាមេគុកឬទេ? តើលោកឆ្លើយថាម៉េច?
ពួកចោរនៅតែមានគំនិតជាចោរដដែល ពួកមុខ
ក្រាស់ជាងថ្នល់កៅស៊ូទៅទៀត ចេះហាទៅរួច ។
Post a Comment