01.02.2014

by Khoun Theara, VOA Khmer

British Minister of State for Foreign and Commonwealth Office Hugo Swire, left, interacts with India’s Gujarat state chief minister Narendra Modi at Gandhinagar in Gujarat, India, Wednesday, March 20, 2013. Swire was accompanied by a large business delegation including a team from UK's oil and gas major BG Group. According to local news reports, the BG Group, Wednesday signed an agreement for the supply up to 2.5 million tonnes per annum of liquefied natural gas (LNG) to the state-owned Gujarat State Petroleum Corporation Ltd. (AP Photo/Ajit Solanki)

Hugo Swire, Minister of State for the British Foreign Office, made his first visit to Cambodia on Friday, meeting with senior officials as well as members of the opposition.

Swire met with Cambodian Foreign Minister Hor Namhong and later with Prime Minister Hun Sen.

Koy Kuong, a spokesman for Cambodia’s Foreign Ministry, said Swire had emphasized the importance of negotiations and peaceful settlement of the country’s ongoing political impasse.

“Up to now, the Cambodian People’s Party always has the door open for negotiation on reforms demanded by the Cambodia National Rescue Party,” he said.

Swire met with members of the opposition Rescue Party Friday afternoon.

“He was interested in the situation of political and human rights violations in Cambodia and wanted the Cambodia National Rescue Party to express our positions on the current political situation,” Yim Sovann, a spokesman for the party, said after the meeting.

The opposition reiterated its calls for a recall election and for reform of key political institutions, Yim Sovann said. They asked Swire to reiterate their position with Hun Sen, he said.

Eang Sophalleth, a spokesman for Hun Sen, said later the two men met over economic relations but did not have “political discussions.”

Swire could not be reached for comment late Friday, but he said in a statement Thursday he planned to meet with officials over economic relations between the two countries and to “better understand the current political landscape and challenges that remain in ensuring a peaceful, secure and democratic future for Cambodia.”

01.02.2014

អនុរដ្ឋមន្ត្រីការបរទេសអង់គ្លេសជួបមន្ត្រីគណបក្សប្រឆាំងនិងមន្ត្រីរដ្ឋាភិបាល

ដោយ ឃួន ធារ៉ា VOA Khmer

លោកហ៊ូហ្គោ ស្វារ៉េ (Hugo Swire) អនុរដ្ឋមន្ត្រីក្រសួងការបរទេសនិងជាសមាជិកសភានៃចក្រភពអង់គ្លេសបានចាប់ផ្តើមដំណើរទស្សនកិច្ចផ្លូវរដ្ឋមកកម្ពុជាជាលើកដំបូងរបស់លោកនៅថ្ងៃសុក្រនេះ ដោយផ្តោតសំខាន់លើការពង្រឹងទំនាក់ទំនងសេដ្ឋកិច្ច និងពិនិត្យមើលស្ថានភាពនយោបាយនៅកម្ពុជា។

ក្នុងដំណើរទស្សនកិច្ចពេញមួយថ្ងៃរបស់លោក លោក Hugo Swire បានជួបសំណេះសំណាលជាមួយលោកហោ ណាំហុង រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ ជួបជាមួយប្រធានស្តីទីគណបក្សសង្គ្រោះជាតិគឺលោកកឹម សុខា និងលោកនាយករដ្ឋមន្ត្រីហ៊ុន សែន។

ក្រោយជំនួបរវាងលោកនិងលោកហោ ណាំហុង លោកកុយ គួង អ្នកនាំពាក្យ និងជាអនុរដ្ឋលេខាធិការក្រសួងការបរទេសកម្ពុជា បានស្រង់សម្តីរបស់លោកHugo Swire ប្រាប់ក្រុមអ្នកកាសែតថា ចក្រភពអង់គ្លេសចង់ឃើញគណបក្សនយោបាយទាំងពីរដោះស្រាយភាពជាប់គាំងនយោបាយនៅកម្ពុជាដោយសន្តិវិធី។

«លោកបានបញ្ជាក់ហើយថា ការជួបពិភាក្សាគ្នាហ្នឹងគឺជារឿងសំខាន់ណាស់ ដែលកន្លងមកប្រទេសផ្សេងៗក៏ចង់បានរបៀបហ្នឹងដែរគឺដោះស្រាយតាមសន្តិវិធីនិងការចរចានេះឯង»។

ជាការឆ្លើយតប លោកហោ ណាំហុងបានបញ្ជាក់ថា គណបក្សប្រជាជនកម្ពុជានៅតែចំហទ្វារស្វាគមន៍គណបក្សសង្គ្រោះជាតិដើម្បីវិលត្រឡប់មករកតុចរចាជានិច្ច ប៉ុន្តែការចរចាណាមួយអាចចាប់ផ្តើមបាន លុះត្រាតែគណបក្សសង្គ្រោះជាតិយល់ព្រមចូលប្រជុំសភាជាមុនសិន។ នេះបើតាមលោកកុយ គួង។

«មកទល់ពេលនេះគឺគណបក្សប្រជាជនយើង ទោះបីជាយ៉ាងណា ក៏នៅតែបើកទ្វារចំហជានិច្ច ក្នុងការចរចាអំពីកំណែទម្រង់ផ្សេងៗ ដែលគណបក្សសង្គ្រោះជាតិធ្វើការទាមទារនោះ»។

លោកកុយ គួងបន្ថែមថា ក្នុងជំនួបដដែលនេះ ភាគីទាំងពីរក៏បានប្តេជ្ញាជំរុញទំនាក់ទំនងពាណិជ្ជកម្មទ្វេភាគី ដែលត្រូវបានព្យាករណ៍ថា អាចនឹងកើនដល់១ពាន់លានដុល្លារនៅឆ្នាំ២០១៤ ខណៈទំហំពាណិជ្ជកម្មរវាងប្រទេសទាំងពីរមានចំនួន៧៤២លានដុល្លារកាលពីឆ្នាំ២០១៣។ ដោយឡែក ចក្រភពអង់គ្លេសបានផ្តល់ជំនួយជាង៦០លានដុល្លារសហរដ្ឋអាមេរិកពីឆ្នាំ២០១០ដល់ឆ្នាំ២០១២មកឱ្យកម្ពុជា។

សូមបញ្ជាក់ថា ដំណើរទស្សនកិច្ចរបស់លោក Hugo Swire នេះធ្វើឡើងចំពេលកម្ពុជាកំពុងជួបនូវវិបត្តិនយោបាយក្រោយពីគណបក្សនយោបាយជាប់ឆ្នោតទាំងពីរគឺគណបក្សប្រជាជនកម្ពុជា និងគណបក្សសង្គ្រោះជាតិកំពុងខ្វែងគំនិតគ្នាលើលទ្ធផលបោះឆ្នោត។

ដោយឡែក លោកយឹម សុវណ្ណ អ្នកនាំពាក្យគណបក្សសង្គ្រោះជាតិថ្លែងថា ក្នុងជំនួបជាមួយលោក Hugo Swireនោះ ថ្នាក់ដឹកនាំគណបក្សសង្គ្រោះជាតិនៅតែតម្កល់ការទាមទាររបស់ខ្លួនឱ្យនៅដដែល។

«គាត់ចាប់អារម្មណ៍ពីស្ថានការណ៍នយោបាយនៅប្រទេសកម្ពុជា ស្ថានការណ៍រំលោភសិទ្ធិមនុស្ស ហើយចង់ឱ្យគណបក្សសង្គ្រោះជាតិបញ្ជាក់ជំហរពីស្ថានការណ៍នយោបាយក្នុងប្រទេសកម្ពុជា។ ហើយយើងបានជម្រាបគាត់២ចំណុច ទីមួយយើងចង់ឱ្យមានការបោះឆ្នោតឡើងវិញ ហើយទីពីរកែទម្រង់ការបោះឆ្នោត និងការកែទម្រង់ស្ថាប័នសំខាន់ៗ។ នេះគឺជាមធ្យោបាយ២ អហិង្សាដែលនាំឱ្យមានដំណោះស្រាយនយោបាយពិតប្រាកដនៅប្រទេសកម្ពុជា»។

លោកយឹម សុវណ្ណក៏បានស្នើឱ្យលោក Hugo Swire ភ្ជាប់ការទាមទាររបស់ខ្លួនក្នុងអនុសាសន៍របស់លោក Swire ក្នុងជំនួបរបស់លោកជាមួយលោកនាយករដ្ឋមន្ត្រីហ៊ុន សែនផងដែរ។

ប៉ុន្តែក្រោយពីជំនួបរវាងលោកហ៊ុន សែន និងលោក Hugo Swireនោះ លោកអៀង សុផល្លែត ជំនួយការផ្ទាល់របស់លោកនាយករដ្ឋមន្ត្រីហ៊ុន សែនបានអត្ថាធិប្បាយប្រាប់អ្នកកាសែតតែរឿងជុំវិញទំនងទំនងសេដ្ឋកិច្ច និងកិច្ចសហប្រតិបត្តិការក្នុងជំនួបនេះប៉ុណ្ណោះ ពោលគឺមិនបានបង្ហើបពីកិច្ចពិភាក្សានយោបាយទេ។

វីអូអេបានព្យាហាមទាក់ទងសុំអត្ថាធិប្បាយពីលោក Hugo Swire ជុំវិញជំនួបរបស់លោកនេះ តែមិនអាចទំនាក់ទំនងបានទេ។ ប៉ុន្តែសេចក្តីប្រកាសព័ត៌មានរបស់ស្ថានទូតអង់គ្លេសប្រចាំកម្ពុជាកាលពីម្សិលមិញបានដកស្រង់សម្តីរបស់លោកថា ដំណើរទស្សនកិច្ចផ្លូវរដ្ឋនៅកម្ពុជារបស់លោក Hugo Swire គឺផ្តោតសំខាន់ដើម្បីស្វែងយល់ពីស្ថានភាពនយោបាយនៅកម្ពុជានិងការពង្រឹងទំនាក់ទំនងពាណិជ្ជកម្មទ្វេភាគីរវាងប្រទេសទាំងពីរ៕

31.01.2014

គណបក្សជំទាស់ជួបមន្ត្រីអង់គ្លេសនិយាយអំពីដំណោះស្រាយនយោបាយ

ដោយ សុខ ខេមរា VOA Khmer

http://gdb.voanews.com/429370E0-4D36-4FF3-AB3A-32220E8F9DE0_mw1024_n_s.jpg

លោកហ៊ូហ្គោ ស្វៃអ័រ (Hugo Swire) មន្ត្រីការបរទេសចក្រភពអង់គ្លេស។

មន្ត្រីគណបក្សជំទាស់បានអះអាងថា នឹងជំរាបជូនមន្ត្រីការបរទេសចក្រភពអង់គ្លេសពីគោលជំហររបស់ខ្លួនចំពោះដំណោះស្រាយនយោបាយក្នុងប្រទេស កម្ពុជា ក្នុងពេលជួបប្រជុំនៅថ្ងៃរសៀលនេះ។ មន្ត្រីការទូតកំពូលរបស់អង់គ្លេសនឹងជួបជាមួយមន្ត្រីជាន់ខ្ពស់រដ្ឋាភិបាលនៃគណបក្សគ្រប់គ្រងប្រទេសផងដែរ ដើម្បីស្ទាបស្ទង់ស្ថានការណ៍នយោបាយដែលកំពុងជាប់គាំង។

មេដឹកនាំគណបក្សជំទាស់ និងមន្ត្រីរដ្ឋាភិបាល រួមទាំងលោកនាយករដ្ឋមន្ត្រីហ៊ុន សែនគ្រោងនឹងទទួលជួបជាមួយនឹងអនុរដ្ឋមន្ត្រីការបរទេសអង់គ្លេស ហ៊ូហ្គោ ស្វ័រអ័ នៅថ្ងៃនេះក្នុងរាជធានីភ្នំពេញ ដែលលោកចង់ដឹងអំពីស្ថានការណ៍នយោ បាយជាប់គាំងក្នុងប្រទេសកម្ពុជាពេលនេះ។ នេះជាការអះអាងរបស់ក្រុមមន្ត្រីកម្ពុជា។

មន្ត្រីគណបក្សសង្គ្រោះជាតិ ជាគណបក្សជំទាស់ បានអះអាងថា បញ្ហាបោះឆ្នោតឡើងវិញ បញ្ហាកែទម្រង់គណៈកម្មាធិការជាតិរៀបចំការបោះឆ្នោតស្ថិតនៅក្នុងប្រធានបទនៃការជម្រាបជូនដល់មន្ត្រីអង់គ្លេសដែរ ខណៈពេលដែលមន្ត្រីរដ្ឋា ភិបាលនៃគណបក្សគ្រប់គ្រងប្រទេសបានអះអាងថា គណបក្សគ្រប់គ្រងប្រទេស មិនទំនងជាមានអ្វីដែលអាចប្រែប្រួលជំហរនោះទេ។

លោកយឹម សុវណ្ណ អ្នកនាំពាក្យគណបក្សសង្គ្រោះជាតិ បានអះអាងថា លោក ប្រធានស្តីទីកឹម សុខា និងមន្ត្រីជាន់ខ្ពស់គណបក្សសង្គ្រោះជាតិគ្រោងនឹងជួប ជាមួយលោកហ៊ូហ្គោ ស្វៃអ័រ (Hugo Swire) នៅរសៀលថ្ងៃសុក្រនេះដើម្បី ជម្រាបអំពីជំហរចុងក្រោយដែលអាចឈានទៅរកដំណោះស្រាយនយោបាយបាន។

«ហើយជាឱកាសដែលយើងបានជម្រាបអំពីមូលហេតុនៃការជាប់គាំងនយោ បាយហើយនឹងដំណោះស្រាយត្រូវដោះស្រាយយ៉ាងម៉េចក្នុងគោលជំហររបស់ គណបក្សសង្គ្រោះជាតិ។ ដូចដែលយើងបានបញ្ជាក់សព្វដងគឺថា យើងនឹង ជម្រាបជូនអំពីគោលបំណងរបស់យើងអំពីការបោះឆ្នោតមុនអាណត្តិ ការបោះ ឆ្នោតឡើងវិញ ហើយនឹងការកែទម្រង់គណៈកម្មាធិការជាតិរៀបចំការបោះឆ្នោត (គ.ជ.ប.) ហើយនឹងការកែទម្រង់ប្រព័ន្ធបោះឆ្នោត។ នេះជាសំណូមពរដ៏ទទូច របស់ម្ចាស់ឆ្នោត របស់ប្រជាពលរដ្ឋខ្មែរ ហើយជាពិសេសគឺជាមធ្យោបាយដែលយើងអាចបញ្ចប់វិបត្តិនយោបាយដោយសន្តិវិធី ហើយនឹងរកយុត្តិធម៌ជូនម្ចាស់ ឆ្នោត»។

លោកផៃ ស៊ីផាន អ្នកនាំពាក្យរដ្ឋាភិបាលមួយរូប បានអះអាងថា ការជួបជាផ្លូវ ការជាមួយគណបក្សទាំងពីរនេះជាការជជែកលើបញ្ហាជាច្រើន រាប់ទាំងកិច្ច សហប្រតិបត្តិការរហូតដល់បញ្ហានយោបាយដែលកើតចេញពីវិវាទលទ្ធផល បោះឆ្នោតនោះ។

«ខ្ញុំជឿថា មិនមែនគ្រាន់តែជាការងារប៉ុណ្ណឹងទេ ក៏ប៉ុន្តែហាក់បីដូចជាគេអាចមក និយាយជាមួយគណបក្សសង្គ្រោះជាតិដើម្បីឲ្យទៅទទួលកាតព្វកិច្ចរបស់ខ្លួននៅ ក្នុងសភាតំណាងរាស្ត្រនេះឯង។ នេះបើតាមខ្ញុំយល់។ ចំពោះជំហររាជរដ្ឋាភិបាល សម្តេច(ហ៊ុន សែន) លោកបានបញ្ជាក់ហើយថា លោករក្សាអធិបតេយ្យភាពរបស់ខ្លួន។ លោករក្សាមហាក្សត្ររបស់ខ្លួន លោករក្សារដ្ឋធម្មនុញ្ញរបស់ខ្លួន។ ដូច្នេះគ្មានជំហរណាដើម្បីពលិកម្មចោល បោះបង់ចោលអ្វីៗដែលជាអធិបតេយ្យ ពលិកម្មអ្វីៗដែលជាមរតកនៃលទ្ធិប្រជាធិបតេយ្យ នីតិរដ្ឋដែលយើងកំពុងតែពង្រឹងដើម្បីការងារដទៃទៀតនោះទេ»។

គណបក្សជំទាស់របស់លោកសម រង្ស៉ី និងលោកកឹម សុខាបានពហិកាមិន ចូលរួមប្រជុំសភានិងមិនទទួលស្គាល់លទ្ធផលនៃការបោះឆ្នោត ដោយបានចោទប្រកាន់ថា គណបក្សគ្រប់គ្រងប្រទេសមានការគៃបន្លំសន្លឹកឆ្នោតដែលខ្លួន បានឈ្នះ។ គណៈកម្មាធិការជាតិរៀបចំការបោះឆ្នោតបានប្រកាសថា គណបក្សជំទាស់បានទទួលអាសនៈ៥៥ ហើយគណបក្សប្រជាជនកម្ពុជាទទួលបាន៦៨អាសនៈ។ គណបក្សគ្រប់គ្រងប្រទេសបានច្រានចោលសំណើរបស់គណបក្សជំទាស់ដែលបានទាមទារឲ្យមានការបោះឆ្នោតឡើងវិញ ហើយទទូចឲ្យគណបក្សជំទាស់ចូលរួមប្រជុំសភា និងវិលមកកាន់តុចរចា។

នៅក្នុងសេចក្តីប្រកាសព័ត៌មាន លោក ហ៊ូហ្គោ ស្វៃ អនុរដ្ឋមន្រ្តីក្រសួងការបរទេសអង់គ្លេស បានអះអាងថា លោករីករាយណាស់ក្នុងការបំពេញទស្សនកិច្ចជាលើកដំបូងក្នុងប្រទេសកម្ពុជា។

«ខ្ញុំមកកាន់ប្រទេសកម្ពុជាគឺដើម្បីស្វែងយល់ឲ្យបានច្បាស់ជាងនេះអំពីទិដ្ឋភាព និងការប្រឈមមុខផ្នែកនយោបាយបច្ចុប្បន្នដែលនៅបន្ត ដើម្បីអនាគតប្រកបដោយសន្តិភាព ស្ថិរភាពនិងប្រជាធិបតេយ្យ»។

លោក ហ៊ូហ្គោ ស្វៃគ្រោងនឹងជួបជាមួយលោកឧបនាយករដ្ឋមន្ត្រីហោ ណាំហុង រដ្ឋមន្ត្រីការបរទេសកម្ពុជា និងលោកនាយករដ្ឋមន្ត្រីហ៊ុន សែនផងដែរ។

លោកបានអះអាងឲ្យដឹងថា ទស្សនកិច្ចរបស់លោកក្នុងតំបន់អាស៊ី រួមទាំងកម្ពុជានេះគឺដើម្បីពង្រឹកកិច្ចសហប្រតិបត្តិការនិងទំនាក់ទំនងរវាងប្រទេសអង់គ្លេស ជាមួយនឹងតំបន់អាស៊ី៕

A Change of Guard

Tuesday 4 February 2014

British Minister Makes Visit to Ruling Party and Opposition អនុរដ្ឋមន្ត្រីការបរទេសអង់គ្លេសជួបមន្ត្រីគណបក្សប្រឆាំងនិងមន្ត្រីរដ្ឋាភិបាល

អនុរដ្ឋមន្ត្រីការបរទេសអង់គ្លេសជួបមន្ត្រីគណបក្សប្រឆាំងនិងមន្ត្រីរដ្ឋាភិបាល

No comments:

A Change of Guard

Tuesday 4 February 2014

អនុ​រដ្ឋមន្ត្រី​ការបរទេស​អង់គ្លេស​ជួប​មន្ត្រី​គណបក្ស​ប្រឆាំង​និង​មន្ត្រី​រដ្ឋាភិបាល

No comments:

អនុរដ្ឋមន្ត្រីការបរទេសអង់គ្លេសជួបមន្ត្រីគណបក្សប្រឆាំងនិងមន្ត្រីរដ្ឋាភិបាល