ព្រះអង្គម្ចាស់ ស៊ីសុវត្ថិ យុត្តិវង្ស ជាក្សត្រាខ្មែរម្នាក់ ជាវរជន ជាបញ្ញវន្ត មានប្រាជ្ញាវាងវៃ បានសិក្សាឧត្តមសិក្សា នៅមហាវិទ្យាល័យវិទ្យាសាស្រ្ត ប្រទេសបារាំង និងបានទទួលសញ្ញាប័ត្រ បណ្ឌិតរដ្ឋគណិតវិទ្យា នៅឆ្នាំ១៩៤១ ។ ព្រះអង្គបានជាប់ឆ្នោតជាប្រធានគណបក្សប្រជាធិបតេយ្យ ដែលទើបនឹងបង្កើត នៅខែមេសា ១៩៤៦ ដោយលោក ស៊ឹម វ៉ា លោក ឈាន វ៉ន និងលោក អៀវ កើស ។
ព្រះអង្គជាស្ថាបនិកម្នាក់នៃរដ្ឋធម្មនុញ្ញ ដែលត្រូវបានប្រកាសឲ្យប្រើនៅថ្ងៃទី៦ ឧសភា ១៩៤៧ “ប្រទេសកម្ពុជា ជាប្រទេសរាជានិយមអាស្រ័យរដ្ឋធម្មនុញ្ញ” ។ ជាគណបក្សឈ្នះឆ្នោត ក្នុងការបោះឆ្នោតសភាធម្មនុញ្ញ លើកទី១ នៅកម្ពុជា ថ្ងៃទី១ កញ្ញា ១៩៤៦ ព្រះអង្គត្រូវបានតែងតាំងជានាយករដ្ឋមន្រ្តី ពីថ្ងៃទី១៥ ធ្នូ ១៩៤៦ ដល់ថ្ងៃទី២៤ កក្កដា ១៩៤៧ ។ ព្រះអង្គបានចរចាជាមួយបារាំងជាច្រើនលើក ដែលអនុញ្ញាតឲ្យបារាំងផ្តល់ដល់កម្ពុជានូវ “លក្ខន្តិកៈរដ្ឋស្វ័យត នៅក្នុងសភាបារាំង” ។
(ដកស្រង់ចេញពីសៀវភៅប្រវត្តិសាស្រ្តកម្ពុជា និងវរជនខ្មែរ និពន្ធដោយលោក សាគូ សាម៉ុត)
សូមអានអត្ថបទទាំងមូល សូមចុច ៖
អានអត្ថបទទាំងមូល សូមចុច ៖
No comments:
Post a Comment