ដោយ៖ វង្ស សុម៉ាលីន | ថ្ងៃពុធ ទី27 ខែវិច្ឆិកា ឆ្នាំ2013, VOD
អ្នកនាងចន ច័ន្ទលក្ខិណា និងស្វាមីលោក យុត្ថារ៉ា ឆានី
ក្នុងអំឡុងខែ វិច្ឆិកានេះ គេសម្គាល់ឃើញតារាស្រី៣ដួង ផ្ទុះដំណឹងប៉ះពាល់ដល់កិត្តយសរបស់ពួកគេព្រមគ្នាតែម្ដង។ បើទោះ ជាដំណឹងទាំងនោះពិត ឬមិនពិត ប៉ុន្តែវាកំពុងក្លាយជារឿងអាស្រូវរុំស្រោចឱបកេរ្តិ៍ឈ្មោះ និងមុខមាត់របស់ពួកគេ ឲ្យរងការប៉ះពាល់យ៉ាងធ្ងន់ធ្ងរ។ តារាទាំងបីដួងនោះរួមមានអ្នកនាង ចន ច័ន្ទលក្ខិណា កញ្ញា ពេជ្រ សោភា និងកញ្ញា ស៊ឹម ថៃណា។
អ្នកនាង ចន ច័ន្ទលក្ខិណា ត្រូវបានអ្នកតាមដានសិល្បៈមើលឃើញថា ទើបប្រទះនូវព្យុះភ្លៀងធ្ងន់ជាងគេ នោះគឺដំណឹងបែកធ្លាយពាក់ព័ន្ធនឹងការលែងលះជាមួយលោក យុត្ថារ៉ា ឆានី ដែលជាស្វាមីកម្សត់កម្រ។ បើទោះជាដំណឹងនេះ បែកធ្លាយ និងមានការទទួលស្គាល់ តាំងពីជាងពីរខែមុន ប៉ុន្តែភាពចម្រូងចម្រាសនេះ បានក្លាយជារឿងភាគដូចខ្សែបន្តដល់ពេលនេះ។ អ្វីដែលប៉ះពាល់ចំពោះអ្នកនាងធ្ងន់ធ្ងរជាងគេ គឺដំណឹងចុងក្រោយដែលផ្សាយយ៉ាងគគ្រឹកគគ្រឹងថា អ្នកនាង ចន ច័ន្ទលក្ខិណា ពាក់ព័ន្ធជាមួយ នាយឧត្តមសេនីយផ្កាយមាស៤ លោក ជា តារា មេទ័ពនៅច្រកព្រះវិហារ ទើបឈានទៅដល់ការសម្រេចចិត្តបាក់បែកប្ដី។ ដំណឹងនេះកំពុងផុសផុល និងផ្សាយស្ទើរគ្រប់បណ្ដាញសារព័ត៌ក្នុងស្រុកតែម្ដង ហើយក៏ត្រូវចាត់ទុកថា ជាដំណឹងអាស្រូវលើកដំបូងផងដែរ ដែលក្រុមអ្នកកាសែត ហ៊ានដាក់ ឈ្មោះ តួនាទី និងមុខមាត់ពិតៗរបស់មន្ត្រីជាន់ខ្ពស់ យកមកភ្ជាប់នឹងតារាសិល្បៈខ្មែរ ធ្វើឲ្យផ្អើលពេញស្រទាប់មហាជន។ យ៉ាងណាមិញ គេជឿថា ដំណឹងនេះ នឹងត្រូវបន្សាប បន្ទាប់ពីភាគី លោក ជា តារា និងអ្នកនាង ចន ច័ន្ទលក្ខិណា បានផ្ដល់បទសម្ភាសន៍ព្រមគ្នា ឲ្យសារព័ត៌មានដើមអំពិល ថា នោះជារឿងមិនពិត។
ពេជ្រ សោភា៖ តារាស្រីរូបនេះ ក៏រងព័ត៌មានប៉ះពាល់កេរ្តិ៍ឈ្មោះរបស់ខ្លួនផងដែរ នៅអំឡុងពេលនេះ។ ក្រោយការវាយប្រហារថា នាងបានកិបកេងប្រាក់ជំនួយ និងត្រូវបណ្ដេញចេញពីហង្សមាស តារាស្រីរូបនេះ ក៏ប៉ះនឹងដំណឹងមួយថ្មីទៀតថា ត្រូវហង្សមាសដាក់ការគំរាមកំហែងឲ្យឈប់បន្តសកម្មភាពរ៉ៃអង្គាសប្រាក់ជួយដល់ជនរងគ្រោះទឹកជំនន់ ព្រោះខ្លាចគេច្រឡំថានាងកំពុងគាំទ្រដល់គណបក្សប្រឆាំងនោះផងដែរ។ ដំណឹងនេះ ផ្ទុះឡើងកាន់តែខ្លាំង បន្ទាប់ពីនាងបានចាប់ដៃជាមួយ លោកសោភ័ណ្ឌ ឡារី ដែលត្រូវគេស្គាល់ថា ជាតារាហ៊ានចេញមុខបើកចំហក្នុងគណបក្សសង្គ្រោះជាតិ។ បើទោះជាហង្សមាស និងពេជ្រ សោភា បានច្រានចោលដំណឹងទាំងនេះ ប៉ុន្តែផលប៉ះពាល់បានវាយសំពងរួចទៅហើយ ចំពោះកញ្ញាពេជ្រ សោភានាពេលនេះ។ ស្ទើរគ្រប់បណ្ដាញផ្សព្វផ្សាយ ត្រូវគេឃើញសរសេរពាក់ព័ន្ធនឹងដំណឹងនេះយ៉ាងផុលផុស បើទោះជាភាគីខាងហង្សមាស និងពេជ្រ សោភា បានចេញមុខបកស្រាយដដែលជាដដែលថា នោះជាដំណឹងបង្ខូចឈ្មោះ។ ក្រុមអ្នកគាំទ្រនិយាយថា ទឹកចិត្តរបស់ពេជ្រ សោភា មិនគួរទទួលបានការតបស្នងបែបនេះឡើយ ដោយសារតែសកម្មភាពរ៉ៃអង្គាសប្រាក់ជួយក្រុមទុរ៌គតជនបែបនេះ នាងធ្វើច្រើនឆ្នាំមកហើយ តាំងពីមុនមក។
ស៊ឹម ថៃណា៖ បានផ្ទុះរឿងអាស្រូវឡើងផ្អើលបណ្តាញសង្គមហ្វេសប៊ុក (Facebook) និងបណ្ដាញផ្សព្វផ្សាយផងដែរ នៅអំឡុងចុងខែវិច្ឆិកានេះ នោះគឺដំណឹងពាក់ព័ន្ធការបណ្ដេញក្រុមអ្នកកាសែតចេញ ពីពិធីខួបកំណើតរបស់កញ្ញា កាលពីយប់ថ្ងៃទី២៥ វិច្ឆិកា នៅភោជនីយដ្ឋាន Red Wine House នៅម្ដុំផ្សារមាន់អាំងទួលគោក។ ដំណឹង និងការរិះគន់ជុំវិញទង្វើនេះ កំពុងចែកចាយយ៉ាងទូលំទូលាយ តាមរយៈការបង្ហោះរបស់ក្រុមអ្នកលេង Facebook និងការចុះផ្សាយនៅលើទំព័រសារព័ត៌មាន។ ស៊ឹម ថៃណា មិនធ្វើការឆ្លើយតបនឹងចុះផ្សាយទាំងនេះទេ ដោយនាងបានបញ្ជាក់ត្រឹមពាក្យយ៉ាងខ្លីថា ការបដិសេធឲ្យក្រុមអ្នកកាសែតចូលសម្ភាសន៍ និងផ្ដិតរូបពីសកម្មភាពផ្លុំនំខួបកំណើតរបស់នាងនាយប់នោះ គឺមកពីហេតុផល នាងលែងចង់ល្បី និងមិនចង់ឲ្យមានការរំខានដល់ភ្ញៀវកិត្តិយសរបស់នាងដែលស្ថិតនៅក្នុងពិធី ដែលសុទ្ធសឹងតែជាបុគ្គលមានមុខមាត់។ ក្នុងពិធីខួបកំណើតរបស់នាងនាយប់នោះ គេឃើញមានវត្តមានតារាសិល្បៈយ៉ាងកុះករ រួមមានអ្នកនាងយក់ ឋិតរដ្ឋា សារ៉ាយ សក្ខណា ឌុច សុភា អ៊ឹង រដ្ឋា ហៅទុយ អ្នកនាងសុខ ច័ន្ទធីតា លោករ៉េតធី ដូណា លោកខេន វ៉ាន់ថាត់ និងលោកម៉ាដូណា ជាដើម។
មកទល់ម៉ោងនេះ ដំណឹងអាស្រូវរបស់តារាទាំងបី នៅតែមានឥទ្ធិពល ដែលទាមទារឲ្យពួកគេម្នាក់ៗ ធ្វើឲ្យស្ងប់ឲ្យបានឆាប់ ដើម្បីបញ្ចៀសការប៉ះពាល់ដល់មុខមាត់ ក្នុងនាមជាតារាល្បី៕
សរសេរមកកាន់ លោក វង្ស សុម៉ាលីន តាមរយៈ vongsomalin@yahoo.com
2 comments:
it no offend & regardless, it their rights to express, it democracy country,
Fuck her! Screws the world if she is horny!!! Fuck me,Kdomjor is waiting her any time,she neads a new flavor of SEX...Kdomjor has experience about SEX!....Psychologist can please you and knews. your mind set!!!!
Kdomjor
Post a Comment