ដោយ៖ ដួង សុខា | ថ្ងៃសុក្រ ទី8 ខែវិច្ឆិកា ឆ្នាំ2013, ម៉ោង 11:07 AM
ស្តាប់សំឡេង៖ |
ចម្លងទុក |
ជំនួបចរចាលើកទីពីររវាងថ្នាក់ដឹកនាំជាន់ខ្ពស់នៃគណបក្សទាំងពីរ (រូបថត ញឹម សុខន)
មេដឹកនាំ
គណបក្សសង្គ្រោះជាតិ(CNRP)
ដាក់ឱសានវាទឲ្យគណបក្សប្រជាជនកម្ពុជា(CPP)
នៅត្រឹមចុងឆ្នាំនេះ
ដើម្បីចរចាដោះស្រាយវិបត្តិនយោបាយដែលកើតមានក្រោយការបោះ
ឆ្នោតជ្រើសតាំងតំណាងរាស្ត្រ នីតិកាលទី៥ កាលពីថ្ងៃទី២៨ ខែកក្កដា។
គណបក្សសង្គ្រោះជាតិព្រមានថា
ខ្លួននឹងឈប់ចរចាជាមួយគណបក្សកាន់អំណាច
ប្រសិនបើគណបក្សនេះមិនទទួលយកលក្ខខណ្ឌចរចារបស់ខ្លួន។
អនុប្រធានគណបក្សសង្គ្រោះជាតិ លោក កឹម
សុខា ប្រកាសបែបនេះប្រាប់អ្នកសារព័ត៌មាន កាលពីថ្ងៃទី៦ ខែវិច្ឆិកា
ពោលគឺមួយថ្ងៃ
បន្ទាប់ពីក្រុមការងារបច្ចេកទេសគណបក្សឈ្នះឆ្នោតទាំងពីរ
ជួបពិភាក្សាគ្នា នៅវិមានរដ្ឋសភា
ប៉ុន្តែជំនួបបិទទ្វារនេះមិនបានទទួលលទ្ធផលអ្វីទ្បើយ។ លោក កឹម សុខា
ឲ្យដឹងដែរថា
ប្រសិនបើគណបក្សប្រជាជនកម្ពុជានៅតែបដិសេធស៊ើបអង្កេតពីភាពមិន
ប្រក្រតីនៃការបោះឆ្នោត
គណបក្សលោកនឹងដឹកនាំធ្វើមហាបាតុកម្មកាន់តែធំ
និងមានរយៈពេលយូរជាងមហាបាតុកម្មកន្លងមក។
ឱសានវាទរបស់គណបក្សសង្គ្រោះជាតិ
ត្រូវបានប្រធានគណៈកម្មាធិការនាយកអង្គការឃ្លាំមើលការបោះឆ្នោត
ខុមហ្វ្រែល(Comfrel) លោក ធន សារាយ
គិតថាប្រហែលមិនមានប្រសិទ្ធិភាពទេ
ដោយសារគណបក្សកាន់អំណាចរបស់លោកនាយករដ្ឋមន្ត្រី ហ៊ុន សែន
នឹងមិនចុះញ៉មទៅនឹងគំនាបរបស់គណបក្សប្រឆាំងទ្បើយ ៖ ”ការដាក់
គំនាបចុះឡើងចឹង គឺថាមើលទៅរឹតតែធ្វើឲ្យស្ថានភាពតានតឹងទៅទៀតណាស់
លើកលែងតែមានសម្ពាធពីមហាអំណាច ពីអីផ្សេងៗ ហ្នឹងអាចមានកម្លាំង
ប៉ុន្ដែបើថា កម្លាំងរបស់សង្គ្រោះជាតិគ្រាន់តែថា បន្ដអីចឹង
ខ្ញុំគិតថា ប្រហែលជា មិនរកឃើញទេនៅចំណុចនេះ បាទ” ។
លោកលើកទ្បើងបែបនេះ ដោយសារកន្លងមក
លោកសង្កេតឃើញថា
គណបក្សសង្គ្រោះជាតិបានដឹកនាំធ្វើមហាបាតុកម្មបីលើកមកហើយ
ដើម្បីទាមទាររកយុត្តិធម៌ និងការពិតជូនម្ចាស់ឆ្នោត
ប៉ុន្តែគណបក្សកាន់អំណាចនៅតែច្រានចោលការទាមទារនេះ។
ក្នុងការចរចានយោបាយជាមួយគណបក្ស
កាន់អំណាច គណបក្សសង្គ្រោះជាតិលើករបៀបវារៈ៣ចំណុច
ទី១គឺការទាមទារឲ្យមានការបង្កើតគណៈកម្មការឯករាជ្យស៊ើបអង្កេតពី
ភាពមិនប្រក្រតីនៃការបោះឆ្នោត ទី២
ការស្នើឲ្យថ្នាក់ដឹកនាំទាំង៩រូបនៃគណៈកម្មាធិការជាតិរៀបចំ
ការបោះឆ្នោត ហៅកាត់ គ.ជ.ប លាលែងតំណែង។ ចំណុចទី៣
គឺការទាមទារឲ្យមានកំណែទម្រង់ប្រព័ន្ធបោះឆ្នោត
ផ្អែកតាមអនុសាសន៍របស់អ្នករាយការណ៍ពិសេសអង្គការសហប្រជាជាតិស្តីពី
សិទ្ធិមនុស្សនៅកម្ពុជា អង្គការខុមហ្វ្រែល
និងវិទ្យាស្ថានជាតិប្រជាធិបតេយ្យសម្រាប់កិច្ចការអន្តរជាតិ ហៅកាត់
NDI។
អ្នកស្រាវជ្រាវឯករាជ្យពីការអភិវឌ្ឍន៍
សង្គម លោក កែម ទ្បី វិភាគថា ការដាក់ឱសានវាទមិនមែនជាជម្រើសល្អទេ
ពីព្រោះការចរចានយោបាយ ដើម្បីប្រយោជន៍ជាតិធំៗ គឺត្រូវការពេលវេលា ៖
“ពីព្រោះកំណែទម្រង់ជាតិសំខាន់ៗ គេត្រូវការជជែកលម្អិតណាស់
ប្រសិនជាយើងមិនជជែកលម្អិត ហើយត្រូវរូវគ្នា
វាធ្វើឲ្យយើងអនុវត្ដហ្នឹងវាអនុវត្ដអត់បានដដែលទេ ខ្ញុំគិតថា
មិនសូវមានប្រសិទ្ធភាពទេ
ផ្ទុយទៅវិញវានាំឲ្យភាគីចរចាម្ខាងទៀតគេមើលគិតអញ្ចឹងក៏មាន” ។
លោកកែម ទ្បី លើកទ្បើងពីជម្រើសមួយ
ដែលលោកគិតថាជាជម្រើសល្អបំផុតសម្រាប់គណបក្សសង្គ្រោះជាតិ
គឺការព្រមទទួលយកលទ្ធផលបោះឆ្នោតដែលប្រកាសដោយ គ.ជ.ប
គឺគណបក្សប្រជាជនកម្ពុជាទទួលបាន៦៨អាសនៈ
គណបក្សសង្គ្រោះជាតិទទួលបាន៥៥អាសនៈ។ ប៉ុន្តែ លោកថា
គណបក្សសង្គ្រោះជាតិត្រូវដាក់លក្ខខណ្ឌទៅឲ្យគណបក្សកាន់អំណាច
គឺការផ្លាស់ប្តូរសមាសភាពនាយករដ្ឋមន្ត្រីបច្ចុប្បន្ន
និងការស៊ើបអង្កេតពីភាពមិនប្រក្រតីនៃការបោះឆ្នោត
ដែលប្រជាពលរដ្ឋចង់បាន។
លោកក៏បង្ហាញជម្រើសមួយទៀត
ដែលលោកយល់ថាជាជម្រើសសមស្របសម្រាប់គណបក្សសង្គ្រោះជាតិ
ជាជាងការដាក់ឱសានវាទ គឺការទទួលយកតំណែងនៅរដ្ឋសភា៖
“ក្នុងនាមជាសមាជិកសភា គេឲ្យអីយកហ្នឹង
គេឲ្យអនុប្រធានសភាយកអនុប្រធានសភា គេឲ្យគណៈកម្មការបួន
ឲ្យយកគណៈកម្មការបួន គេឲ្យអនុគណៈកម្មការ៥ក៏យកអនុកម្មការ៥
ប៉ុន្ដែលក្ខខណ្ឌដូចគ្នាចឹង
គឺសូមឲ្យមានការផ្លាស់ប្ដូរភាពនាំនៅក្នុងប្រទេស
សូមឲ្យមានការស៊ើបអង្កេតភាពមិនប្រក្រតី
ដើម្បីធ្វើកំណែទម្រង់ស៊ីជម្រៅគ្រប់បែបយ៉ាងនៅក្នុងប្រទេស” ។
គណបក្សប្រជាជនកម្ពុជា
ដែលកំពុងដឹកនាំរាជរដ្ឋាភិបាលអាណត្តិទី៥
បដិសេធជាច្រើនលើកចំពោះការទាមទារឲ្យមានការសើរើលទ្ធផលបោះឆ្នោត
ក្រៅក្របខណ្ឌ គ.ជ.ប និងក្រុមប្រឹក្សាធម្មនុញ្ញ។
គណបក្សនេះបកស្រាយថា
ស្ថាប័នទាំងពីរនេះបានដោះស្រាយចប់ជាស្ថាពរហើយនូវភាពមិនប្រក្រតី
នៃការបោះឆ្នោត។ ប៉ុន្តែ គណបក្សសង្គ្រោះជាតិលើកទ្បើងថា គ.ជ.ប
និងក្រុមប្រឹក្សាធម្មនុញ្ញមិនឯករាជ្យ
ដោយបំពេញការងារលម្អៀងទៅរកគណបក្សប្រជាជនកម្ពុជា។
ប្រធានក្រុមការងារបច្ចេកទេសចរចា
របស់គណបក្សប្រជាជនកម្ពុជា និងជារដ្ឋលេខាធិការក្រសួងមហាផ្ទៃ លោក ព្រុំ
សុខា ប្រាប់VODថា
ប្រសិនបើគណបក្សសង្គ្រោះជាតិចង់ឲ្យការចរចាទទួលបានដំណោះស្រាយ
ពិតប្រាកដ គណបក្សនេះមិនគួរដាក់ឱសានវាទបែបនេះទេ៖ “ពាក្យថា
ដាក់លក្ខខណ្ឌជាមុន វាហាក់បីដូចជា
វាមិនមានសេចក្ដីទុកចិត្ដគ្នាក្នុងការចរចា ព្រោះថា
ពាក្យថាចរចាគឺយើងស្វែងរកដំណោះស្រាយ ជួនកាលវាមែនបានភ្លាមទេ
ខ្ញុំនិយាយចឹងអ្នកណាក៏ចង់ឲ្យមានការដោះស្រាយភ្លាមដែរ
ប៉ុន្ដែបញ្ហាយើងវា បញ្ហាខ្លះយើងគិតថា វាយូរមកដល់ឥឡូវនៅដដែល
ទោះបីយ៉ាងណាក៏ដោយវានៅតែមានបញ្ហាដដែល
ប៉ុន្ដែសំខាន់បំផុតយើងបានជួបគ្នា” ។
លោកបន្តថា ការស្នើឲ្យមានការលាលែងតំណែងរបស់ថ្នាក់ដឹកនាំ គ.ជ.ប គឺត្រូវធ្វើទ្បើងតាមផ្លូវច្បាប់ ៖ “
គជប ជាស្ថាប័នឯករាជ្យដែលបង្កើតដោយច្បាប់ សមាជិករបស់ គជប
ទាំងអស់គឺសភាជាអ្នកអនុម័ត ដូច្នេះមិនមែនការដែលយើង គណបក្សណាមួយ
កុំថាឡើយ គណបក្សយើងធំយើងទាំងពីរ បើអ្នកណាមួយចង់ថា
ចង់ដូរគាត់អាហ្នឹងទៅតាមច្បាប់ ចឹងយើងនិយាយដដែលមកវិញគឺថា
មិនគួដាក់លក្ខខណ្ឌទេ” ។
លោកអះអាងថា
គណបក្សប្រជាជនកម្ពុជានៅតែបើកចំហចំពោះការចរចាជាមួយគណបក្សសង្គ្រោះ
ជាតិ។ ប៉ុន្តែ របៀបវារៈចរចារបស់គណបក្សប្រជាជនកម្ពុជា
គឺត្រូវផ្អែកលើសេចក្តីការណ៍រួមរវាងថ្នាក់ដឹកនាំកំពូលគណបក្ស
ទាំងពីរ កាលពីថ្ងៃទី១៦ ខែកញ្ញា ឆ្នាំ២០១៣
ដែលបានព្រមព្រៀងគ្នានឹងបង្កើតយន្តការមួយ
ដើម្បីកែទម្រង់ការបោះឆ្នោតនាពេលខាងមុខ៕
សរសេរមកកាន់លោក ដួង សុខា តាមរយៈ duong.sokha@vodhotnews.com
3 comments:
Kem sokha the dummy's and raincy the Dummer this two clown are the cheapest commodities on earth. They are undervalued compare to ordinary prople. Aren't they.?mike
He Yuon/Vietnamese dog eater @ 10 November 2013 1:05 am
How much dog meat have you been eating? Your comment is still a Yuon/Vietnamese brain and you called yourself Mike, making yourself look as white or western sitting behind the computer.
You must be a very ugly Yuon/Vietnamese dog eater who insulted the Westerner by using the name Mike.
Why don't you called yourself Phuck or Phore or something meaningful for your ugly Yuon/Vietnamese dog eating nation?
1:95 am
Stupido Mike
Stupid is Stupid talks !!!
Post a Comment