ដោយ ហង្ស សាវយុត RFA
2013-08-05
2013-08-05
ស្ដាប់ ឬ ទាញយកសំឡេង
សកម្មជនគណបក្សសង្គ្រោះជាតិ ខេត្តព្រះវិហារ បានអះអាងថា
ក្រុមការងាររបស់បក្សនេះមួយចំនួនមានការភ័យខ្លាច
នៅពេលដែលឃើញកងសន្តិសុខមួយក្រុមដើរសួររកមុខពួកគេ
កាលពីព្រឹកថ្ងៃអាទិត្យ ទី៤ ខែសីហា។
កម្លាំងសមត្ថកិច្ច និងសន្តិសុខដើរសួររកមុខសកម្មជននោះ គឺនៅពេលពួកគេបានចុះធ្វើសកម្មភាពស្រង់ឈ្មោះប្រជាពលរដ្ឋមួយចំនួន នៅក្នុងផ្សារ ដែលមិនបានបោះឆ្នោត។
ប្រធានក្រុមការងារប្រតិបត្តិនៃគណបក្សសង្គ្រោះជាតិ ប្រចាំខេត្តព្រះវិហារ គឺលោក សឹង សាន់ដេ។ លោកបានអះអាងកាលពីព្រឹកថ្ងៃអាទិត្យ ទី៤ ខែសីហា ថា គណបក្សរបស់លោកនៅក្នុងខេត្តនេះ បានបង្កើតគណៈកម្មការមួយដើម្បីត្រួតពិនិត្យទៅលើភាពមិនប្រក្រតីនៃ ការបោះឆ្នោត។ កាលពីព្រឹកថ្ងៃអាទិត្យ ក្រុមការងាររបស់លោកមួយចំនួនបានចុះទៅក្នុងផ្សារកំពង់ប្រណាក នៃទីរួមខេត្ត ដើម្បីស្រង់យកឈ្មោះប្រជាពលរដ្ឋណាមិនបានបោះឆ្នោត ក៏ប៉ុន្តែ បន្ទាប់ពីធ្វើការបានបន្តិច ក៏មានកម្លាំងសន្តិសុខមួយចំនួនចូលទៅសួររកមុខអ្នកដែលដើរកត់ ឈ្មោះនោះ។
លោក សឹង សាន់ដេ៖ «ព្រឹកនេះក្រុមការងារខ្ញុំរាយការណ៍ថា សមត្ថកិច្ចស្លៀកឯកសណ្ឋាន ហើយនិងស្លៀកខោអាវសន្តិសុខ បានទៅសួររកអ្នកដែលដើរស្រង់ឈ្មោះប្រជាពលរដ្ឋមិនបានទៅបោះឆ្នោត នោះ ធ្វើឱ្យក្រុមការងាររបស់ខ្ញុំមានការភ័យខ្លាច ព្រោះគេដើររកពេញតែផ្សារ ប៉ូលិសមិនដឹងប៉ុន្មាននាក់ទេ ហើយខ្ញុំទៅអំបាញ់មិញ ឃើញសន្តិសុខម្នាក់ស្លៀកពាក់ខោអាវស៊ីវិល ដើរស៊ើបស្រាវជ្រាវ»។
ទោះយ៉ាងណា មេបញ្ជាការប៉ូលិស បានបដិសេធថា មិនមានកម្លាំងសមត្ថកិច្ច និងសន្តិសុខណាម្នាក់ត្រូវបានបញ្ជាឱ្យតាមរារាំង ឬគំរាមកំហែងទៅលើការដើរចុះឈ្មោះអ្នកមិនបានបោះឆ្នោតនោះទេ។
ស្នងការនគរបាលខេត្តព្រះវិហារ លោក ស៊ី គីរី បានមានប្រសាសន៍ថា លោកពុំទាន់បានទទួលព័ត៌មានដែលថា កម្លាំងសមត្ថកិច្ចគំរាមកំហែងទៅលើក្រុមការងារគណបក្សសង្គ្រោះជាតិ នោះនៅឡើយទេ៖ «ចាំមើលខ្ញុំឆែក ប៉ុន្តែខ្ញុំអត់មានទេ។ ថ្ងៃនេះខ្ញុំចុះទៅមើលបងប្អូនស្ទូងដកអី ការពារទឹកជំនន់អី ដូចជាអត់ទាន់មានព័ត៌មានអីចឹងទេ»។
លោក ស៊ី គីរី បានបញ្ជាក់ថា កម្លាំងរបស់លោកដូចជាមិនបានទៅពាក់ព័ន្ធនឹងការងាររបស់គណបក្ស នយោបាយដូច្នេះទេ ពីព្រោះតែការងារបែបនេះ គឺជារឿងរបស់គណៈកម្មការរៀបចំការបោះឆ្នោតថ្នាក់ខេត្តប៉ុណ្ណោះ។
ចំណែក លោក ឈឹម សំអឿន ប្រធានគណៈកម្មការរៀបចំការបោះឆ្នោតខេត្តព្រះវិហារ ក៏បានមានប្រសាសន៍ថា លោកពុំទាន់ទទួលបានព័ត៌មានដូចគ្នាដែរ។ លោក ឈឹម សំអឿន បានមានប្រសាសន៍ទៀតថា ការដែលគណបក្សសង្គ្រោះជាតិ ដើរស្រង់ឈ្មោះអ្នកមិនបានបោះឆ្នោតនោះ គឺមិនមាននរណាហាមឃាត់ទេ ពីព្រោះវាជាសិទ្ធិសេរីភាព។ ក៏ប៉ុន្តែ លោកឆ្ងល់ថា ការបោះឆ្នោតកន្លងទៅ ប្រសិនបើមានភាពមិនប្រក្រតី ហេតុអ្វីបានជាគណបក្សសង្គ្រោះជាតិ ខេត្តព្រះវិហារ មិនធ្វើបណ្ដឹងដាក់មករូបលោក។
មន្ត្រីដដែលបានឱ្យដឹងថា ចាប់តាំងពីថ្ងៃបោះឆ្នោត គឺគណៈកម្មការរៀបចំការបោះឆ្នោត ខេត្តព្រះវិហារ បានទទួលបណ្ដឹង១ច្បាប់ពីគណបក្សសង្គ្រោះជាតិ ហើយបណ្ដឹងនោះមិនគ្រប់តាមលក្ខណៈផ្លូវច្បាប់ទៅទៀត។
អ្នកសម្របសម្រួលរបស់សមាគមការពារសិទ្ធិមនុស្សអាដហុក (Adhoc) ខេត្តព្រះវិហារ លោក ឡោ ច័ន្ទ បានមានប្រសាសន៍ថា កាលពីព្រឹកថ្ងៃអាទិត្យ លោកបានទទួលព័ត៌មានអំពីបញ្ហាដែលថាមានសមត្ថកិច្ចមួយក្រុម បានដើរសួររកមុខក្រុមសកម្មជនដើរចុះឈ្មោះប្រជាពលរដ្ឋមិនបានបោះ ឆ្នោតនោះមែន ក៏ប៉ុន្តែ លោកមិនទាន់បានស៊ើបអង្កេតនៅឡើយ ដោយសារតែលោកជាប់រវល់ប្រជុំនៅទីក្រុងភ្នំពេញ៕
កម្លាំងសមត្ថកិច្ច និងសន្តិសុខដើរសួររកមុខសកម្មជននោះ គឺនៅពេលពួកគេបានចុះធ្វើសកម្មភាពស្រង់ឈ្មោះប្រជាពលរដ្ឋមួយចំនួន នៅក្នុងផ្សារ ដែលមិនបានបោះឆ្នោត។
ប្រធានក្រុមការងារប្រតិបត្តិនៃគណបក្សសង្គ្រោះជាតិ ប្រចាំខេត្តព្រះវិហារ គឺលោក សឹង សាន់ដេ។ លោកបានអះអាងកាលពីព្រឹកថ្ងៃអាទិត្យ ទី៤ ខែសីហា ថា គណបក្សរបស់លោកនៅក្នុងខេត្តនេះ បានបង្កើតគណៈកម្មការមួយដើម្បីត្រួតពិនិត្យទៅលើភាពមិនប្រក្រតីនៃ ការបោះឆ្នោត។ កាលពីព្រឹកថ្ងៃអាទិត្យ ក្រុមការងាររបស់លោកមួយចំនួនបានចុះទៅក្នុងផ្សារកំពង់ប្រណាក នៃទីរួមខេត្ត ដើម្បីស្រង់យកឈ្មោះប្រជាពលរដ្ឋណាមិនបានបោះឆ្នោត ក៏ប៉ុន្តែ បន្ទាប់ពីធ្វើការបានបន្តិច ក៏មានកម្លាំងសន្តិសុខមួយចំនួនចូលទៅសួររកមុខអ្នកដែលដើរកត់ ឈ្មោះនោះ។
លោក សឹង សាន់ដេ៖ «ព្រឹកនេះក្រុមការងារខ្ញុំរាយការណ៍ថា សមត្ថកិច្ចស្លៀកឯកសណ្ឋាន ហើយនិងស្លៀកខោអាវសន្តិសុខ បានទៅសួររកអ្នកដែលដើរស្រង់ឈ្មោះប្រជាពលរដ្ឋមិនបានទៅបោះឆ្នោត នោះ ធ្វើឱ្យក្រុមការងាររបស់ខ្ញុំមានការភ័យខ្លាច ព្រោះគេដើររកពេញតែផ្សារ ប៉ូលិសមិនដឹងប៉ុន្មាននាក់ទេ ហើយខ្ញុំទៅអំបាញ់មិញ ឃើញសន្តិសុខម្នាក់ស្លៀកពាក់ខោអាវស៊ីវិល ដើរស៊ើបស្រាវជ្រាវ»។
ទោះយ៉ាងណា មេបញ្ជាការប៉ូលិស បានបដិសេធថា មិនមានកម្លាំងសមត្ថកិច្ច និងសន្តិសុខណាម្នាក់ត្រូវបានបញ្ជាឱ្យតាមរារាំង ឬគំរាមកំហែងទៅលើការដើរចុះឈ្មោះអ្នកមិនបានបោះឆ្នោតនោះទេ។
ស្នងការនគរបាលខេត្តព្រះវិហារ លោក ស៊ី គីរី បានមានប្រសាសន៍ថា លោកពុំទាន់បានទទួលព័ត៌មានដែលថា កម្លាំងសមត្ថកិច្ចគំរាមកំហែងទៅលើក្រុមការងារគណបក្សសង្គ្រោះជាតិ នោះនៅឡើយទេ៖ «ចាំមើលខ្ញុំឆែក ប៉ុន្តែខ្ញុំអត់មានទេ។ ថ្ងៃនេះខ្ញុំចុះទៅមើលបងប្អូនស្ទូងដកអី ការពារទឹកជំនន់អី ដូចជាអត់ទាន់មានព័ត៌មានអីចឹងទេ»។
លោក ស៊ី គីរី បានបញ្ជាក់ថា កម្លាំងរបស់លោកដូចជាមិនបានទៅពាក់ព័ន្ធនឹងការងាររបស់គណបក្ស នយោបាយដូច្នេះទេ ពីព្រោះតែការងារបែបនេះ គឺជារឿងរបស់គណៈកម្មការរៀបចំការបោះឆ្នោតថ្នាក់ខេត្តប៉ុណ្ណោះ។
ចំណែក លោក ឈឹម សំអឿន ប្រធានគណៈកម្មការរៀបចំការបោះឆ្នោតខេត្តព្រះវិហារ ក៏បានមានប្រសាសន៍ថា លោកពុំទាន់ទទួលបានព័ត៌មានដូចគ្នាដែរ។ លោក ឈឹម សំអឿន បានមានប្រសាសន៍ទៀតថា ការដែលគណបក្សសង្គ្រោះជាតិ ដើរស្រង់ឈ្មោះអ្នកមិនបានបោះឆ្នោតនោះ គឺមិនមាននរណាហាមឃាត់ទេ ពីព្រោះវាជាសិទ្ធិសេរីភាព។ ក៏ប៉ុន្តែ លោកឆ្ងល់ថា ការបោះឆ្នោតកន្លងទៅ ប្រសិនបើមានភាពមិនប្រក្រតី ហេតុអ្វីបានជាគណបក្សសង្គ្រោះជាតិ ខេត្តព្រះវិហារ មិនធ្វើបណ្ដឹងដាក់មករូបលោក។
មន្ត្រីដដែលបានឱ្យដឹងថា ចាប់តាំងពីថ្ងៃបោះឆ្នោត គឺគណៈកម្មការរៀបចំការបោះឆ្នោត ខេត្តព្រះវិហារ បានទទួលបណ្ដឹង១ច្បាប់ពីគណបក្សសង្គ្រោះជាតិ ហើយបណ្ដឹងនោះមិនគ្រប់តាមលក្ខណៈផ្លូវច្បាប់ទៅទៀត។
អ្នកសម្របសម្រួលរបស់សមាគមការពារសិទ្ធិមនុស្សអាដហុក (Adhoc) ខេត្តព្រះវិហារ លោក ឡោ ច័ន្ទ បានមានប្រសាសន៍ថា កាលពីព្រឹកថ្ងៃអាទិត្យ លោកបានទទួលព័ត៌មានអំពីបញ្ហាដែលថាមានសមត្ថកិច្ចមួយក្រុម បានដើរសួររកមុខក្រុមសកម្មជនដើរចុះឈ្មោះប្រជាពលរដ្ឋមិនបានបោះ ឆ្នោតនោះមែន ក៏ប៉ុន្តែ លោកមិនទាន់បានស៊ើបអង្កេតនៅឡើយ ដោយសារតែលោកជាប់រវល់ប្រជុំនៅទីក្រុងភ្នំពេញ៕
No comments:
Post a Comment