ដោយ៖ ស៊ុន ណារិន | ថ្ងៃពុធ ទី28 ខែសីហា ឆ្នាំ2013 | VoD
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ (រូបថត វីដា)
គណបក្ស
សង្គ្រោះជាតិ នៅថ្ងៃពុធនេះ
ស្នើជាថ្មីម្តងទៀតទៅគណបក្សប្រជាជកម្ពុជា
ចូលរួមតុចរចាជាមួយគណបក្សសង្គ្រោះជាតិ
ដើម្បីបង្កើតគណៈកម្មការពិសេសមួយ
ត្រួតពិនិត្យភាពមិនប្រក្រតីនៃការបោះឆ្នោត ដើម្បីបង្ហាញពីតម្លាភាព
និងយុត្តិធម៌ ដល់ម្ចាស់ឆ្នោត។
ចាប់ពីការបោះឆ្នោតថ្នាក់ជាតិនីតិកាល
ទី៥ បានបញ្ចប់ មន្ត្រីគណបក្សសង្គ្រោះជាតិ និងគណបក្សប្រជាជនកម្ពុជា
បានជួបចចារគ្នា ចំនួនបីលើករួចមកហើយ
ប៉ុន្តែមិនទទួលបានលទ្ធផលអ្វីនៅឡើយទេ រហូតមកកដល់ពេលនេះ។ គជប
គ្រោងនឹងប្រកាសលទ្ធផលបោះឆ្នោត ជាអាសនៈ
នៅថ្ងៃទី០៨ខែកញ្ញាខាងមុខ។
សេចក្តីថ្លែងការណ៍របស់គណបក្ស
ចេញផ្សាយនៅថ្ងៃទី២៨ខែសីហា ឲ្យដឹងថា
គោលបំណងសំខាន់បំផុតរបស់គណបក្សសង្គ្រោះជាតិ
ក្នុងការបង្កើតគណៈកម្មការពិសេសនេះ
គឺដើម្បីស្វែងរកដំណោះស្រាយដោយសន្តិវិធី។ សេចក្តីថ្លែងការណ៍បន្តថា
រហូតមកដល់ពេល នេះ គណបក្សប្រជាជនកម្ពុជា
មានឥទ្ធិពលលើគណៈកម្មាធិការជាតិរៀបចំការបោះឆ្នោត
និងក្រុមប្រឹក្សាធម្មនុញ្ញ
ហើយពុំមានឆន្ទៈពិតប្រកាដក្នុងការចូលរួមបង្កើតគណៈកម្មការពិសេស
នេះ។
គណបក្សសង្គ្រោះជាតិ ក៏បានព្រមានថា
ប្រសិនបើមានដំណោះស្រាយសម្រាប់បង្កើតគណៈកម្មានេះ ជម្រើសចុងក្រោយ
គឺការធ្វើមហាបាតុកម្មប្រឆាំងលទ្ធផលបោះឆ្នោត នៅថ្ងៃទី០៧ខែកញ្ញា
ឆ្នាំ២០១៣។
សេចក្តីថ្លែងការណ៍បន្តថា
គណបក្សសង្គ្រោះជាតិ អំពាវនាវឲ្យសហគមន៍អន្តរជាតិ
កុំទទួលស្គាល់លទ្ធផលបោះឆ្នោត និងរាជរដ្ឋាភិបាលណា
ដែលកើតចេញពីការបោះឆ្នោត
ដែលមិនឆ្លុះបញ្ចាំងឆន្ទៈពិតប្រាកដរបស់ប្រជាពលរដ្ឋខ្មែរ។
តំណាងរាស្ត្រគណបក្សប្រជាជនកម្ពុជា លោក
ជាម យៀប ប្រាប់សារព័ត៌មានក្នុងស្រុកថា ការបង្កើតគណៈកម្មការពិសេសនេះ
គឺហួសពេលហើយ។
អ្នកនាំពាក្យគណបក្សសង្គ្រោះជាតិ លោក
យឹម សុវណ្ណ ប្រាប់VODនៅថ្ងៃពុធនេះថា គណបក្ស
កំពុងរៀបចំសរសេរលិខិតទៅលោកជា ស៊ីម
ដើម្បីចាត់ចែងមនុស្សមកចរចាជាមួយគណបក្សសង្គ្រោះជាតិ
លើការបង្កើតគណៈកម្មការចម្រុះ។ លោកថា លិខិតនោះ
នឹងត្រូវផ្ញើទៅឲ្យបានមុនថ្ងៃ៧ខែកញ្ញា គឺមុនពេលគណបក្សប្រឆាំង
ធ្វើមហាបាតុកម្ម ដែលជាជម្រើសចុងក្រោយ។
កាលពីថ្ងៃអង្គារ ទី២៧ខែសីហា
រដ្ឋមន្ត្រីក្រសួងមហាផ្ទៃ លោក ស ខេង
និងជាថ្នាក់ដឹកនាំក្រុមជំនាញចរចារកដំណោះស្រាយជាមួយគណបក្សសង្គ្រោះ
ជាតិ ឲ្យដឹងថា លោកនឹងចូលរួមចរចាជាមួយគណបក្សប្រឆាំង
ប្រសិនបើមានការស្នើជាផ្លូវការជាក់លាក់មួយ ពីថ្នាក់
ដឹកនាំគណបក្ស៕
No comments:
Post a Comment