ភ្នំពេញ:
ថ្នាក់ដឹកនាំកំពូលៗ ជាប្រធានគណបក្ស
និងបេក្ខជននាយករដ្ឋមន្ត្រី ត្រូវបោះឆ្នោត តាមមណ្ឌលខេត្តរាជធានី
ដែលខ្លួន ឈរឈ្មោះជាបេក្ខជនតំណាងរាស្ត្រ។
យោងតាមទៅបញ្ជីឈ្មោះអ្នកបោះឆ្នោត ដែលគជប បានផ្សព្វផ្សាយ
គឺបានបង្ហាញពីទីតាំង ដែលថ្នាក់ដឹកនាំកំពូលៗ ត្រូវទៅបោះឆ្នោត។
-សម្តេច ជា ស៊ីម៖
សម្តេច ជា ស៊ីម ប្រធានគណបក្សប្រជាជនកម្ពុជា និងជាបេក្ខជនតំណាងរាស្ត្រ
ពេញសិទ្ធិលំដាប់លេខ១ នៅមណ្ឌលភ្នំពេញ។
សម្តេចនឹងទៅបោះឆ្នោតនៅការិយាល័យជិតបុរីចំការមន
ដែលនៅជិតផ្ទះរបស់សម្តេច។
-សម្តេច ហ៊ុន សែន៖
សម្តេចហ៊ុនសែន អនុប្រធាន និងជាបេក្ខជននាយករដ្ឋមន្ត្រី
របស់គណបក្សប្រជាជនកម្ពុជា ព្រមទាំងជាបេក្ខជនតំណាងរាស្ត្រ
លេខរៀងទី១ ប្រចាំមណ្ឌលខេត្តកណ្តាល
អញ្ជើញទៅបោះឆ្នោតនៅសាលាគរុកោសល្យ ក្រុងតាខ្មៅ ខេត្តកណ្តាល។
-សម្តេច ហេង សំរិន៖
សម្តេច ហេង សំរិន ប្រធានកិត្តិយសគណបក្សប្រជាជនកម្ពុជា
និងជាបេក្ខជនតំណាងរាស្ត្រ លេខរៀងទី១ នៅខេត្តកំពង់ចាម។
សម្តេចនឹងទៅបោះឆ្នោត នៅការិយាល័យ 0370 ស្ថិតក្នុងវិទ្យាល័យ ឧត្តរ
ទីរួមខេត្តកំពង់ចាម។
-សម្តេចព្រះអនុជ នរោត្តម អរុណរស្មី៖
សម្តេចព្រះអនុជ នរោត្តម អរុណរស្មី ប្រធានគណបក្សហ្វ៊ុនស៊ិនប៉ិច
និងជាបេក្ខជននាយករដ្ឋមន្ត្រី នឹងទៅបោះឆ្នោត នៅខេត្តកំពង់ចាម
ដែលជាមណ្ឌលព្រះអង្គ ឈរឈ្មោះជាបេក្ខជនតំណាងរាស្ត្រ
លំដាប់លេខរៀងទី១ របស់គណបក្សហ្វ៊ុនស៊ិនប៉ិច។ ព្រះអង្គ
នឹងទៅបោះឆ្នោត នៅការិយាល័យបោះឆ្នោត លេខ 0363 ដែលស្ថិតក្នុងវិទ្យាល័យ
ទក្សិណ នៅទីរួមខេត្តកំពង់ចាម។
-លោក កឹម សុខា៖
លោក កឹម សុខា អនុប្រធានគណបក្សសង្គ្រោះជាតិ
និងជាបេក្ខជនឈរឈ្មោះតំណាងរាស្ត្រ លេខរៀងទី១ នៅខេត្តកំពង់ចាម
នឹងត្រូវទៅបោះឆ្នោតនៅការិយាល័យ 0363 ដែលស្ថិតក្នុងវិទ្យាល័យ
ទក្សិណ។
-លោកសមរង្ស៊ី៖
ចំណែកលោក សមរង្ស៊ី
ប្រធានគណបក្សសង្គ្រោះជាតិ ដែលទើបតែវិលចូលប្រទេសកម្ពុជា
កាលពីថ្ងៃទី១៩ ខែកក្កដា ឆ្នាំ២០១៣ គឺមិនបានទៅបោះឆ្នោតទេ ព្រោះលោក
សម រង្ស៊ី មិនមានឈ្មោះក្នុងបញ្ជីបោះឆ្នោត
ហើយក៏មិនបានឈរឈ្មោះជាតំណាងរាស្ត្រ ឲ្យគេបោះឆ្នោតឲ្យឡើយ។ មូលហេតុ
មកពីពេលមុន លោកជាប់ឈ្មោះជាទណ្ឌិត ហើយបញ្ជីបោះឆ្នោត
ត្រូវបានបិទរួចហើយ។
តែយ៉ាងណាក៏ដោយ លោកសមរង្ស៊ី នៅម៉ោង ៧
ព្រឹក ដែលជាពេលវេលាបើកការិយាល័យបោះឆ្នោត លោកសមរង្ស៊ី
ក៏ត្រូវបានមន្ត្រីគណបក្សសង្គ្រោះជាតិ បានប្រាប់អ្នកកាសែតថា
លោកនឹងធ្វើដំណើរ ចេញពីទីស្នាក់ការគណបក្សសង្គ្រោះជាតិ នៅចាក់អង្រែ។
តែមន្ត្រីនោះ មិនបានបញ្ជាក់ពីគោលដៅរបស់លោកសមរង្ស៊ីឡើយ៕
- See more at:
http://www.cen.com.kh/localnews/show_detail/19?token=ZDViZjdhN2#sthash.uwpqz7JD.dpuf
No comments:
Post a Comment