ប្រសិន
បើគ្មានអ្វីប្រែប្រួលទេ នៅថ្ងៃសុក្រសប្តាហ៍នេះ
វេលាម៉ោង៩ព្រឹកលោក សម រង្ស៊ី ប្រធានគណបក្សសង្រ្គោះជាតិ
នឹងមកដល់ប្រទេសកម្ពុជាហើយ
បន្ទាប់ពីនិរទេសខ្លួនចេញពីប្រទេសអស់រយៈពេលជាច្រើនឆ្នាំរួចមក។
ពេលជាន់ទឹកដីកម្ពុជាភ្លាម លោក សម រង្ស៊ី
នឹងចូលគាល់ព្រះមហាក្សត្រសម្តេចព្រះបរមនាថ នរោត្តម សីហមុនី
និងសម្តេចម៉ែ នរោត្តម មុនីនាថ សីហនុ
ព្រមទាំងចូលទៅគោរពព្រះវិញ្ញាណក្ខន្ធព្រះបរមរតនកោដ្ឋផងដែរ។
នេះបើតាមការឲ្យដឹងរបស់លោក យឹម សុវណ្ណ
អ្នកនាំពាក្យគណបក្សសង្រ្គោះជាតិ។
បើតាមលោក យឹម សុវណ្ណ ក្រោយពីចូលគាល់ព្រះមហាក្សត្រ
និងសម្តេចម៉ែរួច លោក សម រង្ស៊ី ក៏គ្រោងនឹងទៅជួបជាមួយក្រុមយុវជន
និងសមាជិកសមាជិការបស់គណបក្សសង្រ្គោះជាតិនៅទីលានប្រជាធិបតេយ្យ
ក្បែរវត្តភ្នំផងដែរ។
សូមបញ្ជាក់ថា លោក សម រង្ស៊ី ប្រធានគណបក្សសង្រ្គោះជាតិ
ត្រូវបានព្រះមហាក្សត្រឡាយព្រះហស្ថលើកលែងទោសកាលពីថ្ងៃទី១២
ខែកក្កដា ឆ្នាំ២០១៣ បន្ទាប់ពីមានសំណើពីសម្តេចនាយករដ្ឋមន្រ្តី ហ៊ុន
សែន ក្នុងថ្ងៃជាមួយគ្នានោះ៕
No comments:
Post a Comment