(ថ្ងៃទី 2 មេសា 2013, ម៉ោង 09:35:AM) | ដោយ: វឌ្ឍនា
Source: CEN
តាកែវ: បុរសម្នាក់ដែលជាប់ចោទពីបទប៉ុនប៉ងចាប់រំលោភប្រពន្ធគេ ត្រូវបានប៉ូលិសកសាងសំណុំរឿងបញ្ជូនទៅតុលាការខេត្តកាកែវ កាលពីថ្ងៃទី៣១ ខែមីនា ឆ្នាំ២០១៣។
លោក ហ៊ុន ហែម អនុប្រធានការិយាល័យព្រហ្មទណ្ឌកម្រិតធ្ងន់ បានឲ្យដឹងថា ជនជាប់ចោទឈ្មោះ ថាន់ ស៊ុង អាយុ៣៥ឆ្នាំ ជាជនជាតិវៀតណាម មកស្នាក់នៅរកស៊ី នៅភូមិនៅត្រើយទន្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ។ បុរសម្នាក់នេះ ត្រូវបានប៉ូលិសចាប់ខ្លួនតាមពាក្យបណ្តឹងរបស់ស្ត្រីរងគ្រោះ កាលពីថ្ងៃទី២៩ ខែមីនា ឆ្នាំ២០១៣ ដោយចោទពីបទប៉ុនប៉ងចាប់រំលោភនៅត្រើយទន្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ។ ចំណែកស្ត្រីរងគ្រោះអាយុ២៩ឆ្នាំ មានប្តីមានកូន ៤នាក់។
ស្ត្រីរងគ្រោះ បាននិយាយរៀបរាប់ប្រាប់ប៉ូលិសថា មុនពេលកើតហេតុ នាងបានដេកជាមួយកូននៅក្នុងផ្ទះ ស្រាប់តែបុរសឈ្មោះ ស៊ុង លបចូលក្នុងមុង ហើយយកដៃសង្កត់ស្មារបស់នាងទាំងសងខាង ដោយគំរាមកុំឲ្យស្រែក ប៉ុន្តែនាងខំរើបម្រះរួច។ ពេលនោះបុរសឈ្មោះ ស៊ុង រត់ចេញទៅផ្ទះបាត់ទៅ។
បុរសជាប់ចោទបានសារភាពប្រាប់ប៉ូលិសថា គាត់ពិតជាបានចូលក្នុងមុងយកដៃសង្កត់លើស្មាស្ត្រីរងគ្រោះប្រាកដមែន ប៉ុន្តែគាត់ធ្វើលេងទេ។ ណាមួយគាត់ស្រវឹងស្រាខ្លាំង មិនដឹងខុសត្រូវអីទេ៕ S
No comments:
Post a Comment