ភ្នំពេញ:
សម្តេច ហ៊ុន សែន នាយករដ្ឋមន្ត្រីកម្ពុជា
បានអនុញ្ញាតឲ្យតំណាង នៃអង្គការ JICA ជប៉ុន
ដែលចប់អាណត្តិបំពេញបេសកកម្មនៅប្រទេសកម្ពុជា ចូលសម្តែងការគួរសម
និងជម្រាបលាសម្តេច នៅវិមានសន្តិភាព កាលពីរសៀលថ្ងៃទី២៤ ខែធ្នូ
ឆ្នាំ២០១២។
បន្ទាប់ពីចប់ជំនួបពិភាក្សា លោក អ៊ាង សុផ្លែត ជំនួយការផ្ទាល់សម្តេចនាយករដ្ឋមន្ត្រី បានមានប្រសាសន៍ប្រាប់ក្រុមអ្នករាយការណ៍ព័ត៌មានថា លោក Suzuki Yasujiro តំណាងអង្គការ JICA ប្រចាំនៅកម្ពុជា ក្នុងឱកាសដែលលោកត្រូវបញ្ចប់អាណត្តិការងារនៅកម្ពុជានោះ គឺលោកបានជម្រាបជូនសម្តេចថា ក្នុងរយៈពេល ៣ឆ្នាំ ៤ខែ ដែលលោកមកបំពេញបេសកកម្មជាតំណាងអង្គការ JICA នៅកម្ពុជានោះ បានចូលរួមចំណែកជួយដល់ការអភិវឌ្ឍប្រទេសកម្ពុជា និងបានចូលរួមជំរុញអ្នកវិនិយោគទុនជប៉ុន ឲ្យចូលមកធ្វើការវិនិយោគទុននៅក្នុងប្រទេសកម្ពុជា កាន់តែច្រើន។ លោកមានការរំភើបចិត្តយ៉ាងខ្លាំង ចំពោះទំនាក់ទំនង និងសណ្ឋានចិត្តរបស់ប្រជាជនកម្ពុជា ដែលបានឆ្លុះបញ្ចាំងទឹកចិត្ត នៅពេលដែលមានការរញ្ជួយដី នៅប្រទេសជប៉ុន នាឆ្នាំ២០១១នោះ គឺប្រជាជនកម្ពុជាបានផ្តល់នូវវិភាគទាន ដែលឆ្លុះបញ្ចាំងនូវការយកចិត្តទុកដាក់ ស្រឡាញរាប់អាន ចំពោះប្រជាជនជប៉ុន។
លោក អ៊ាង សុផ្លែត បានមានប្រសាសន៍បន្តថា នៅក្នុងអាណត្តិតំណាងអង្គការ JICA ប្រចាំនៅកម្ពុជានោះ លោកបានធ្វើការចរចាសម្របសម្រួលលើការអនុវត្តន៍គម្រោងជាច្រើន ដែលជាការអភិវឌ្ឍប្រទេសកម្ពុជា មានគម្រោងជាហិរញ្ញប្បទាន ដែលមានទឹកប្រាក់ប្រមាណ ៣៦០ លានដុល្លារអាមេរិក និងគម្រោងសាងសង់ស្ពានអ្នកលឿង គម្រោងស្តារផ្លូវជាតិ និងគម្រោងបំពាក់ឧបករណ៍នៅតាមមន្ទីរពេទ្យនានា នៅកម្ពុជា។
ជាការឆ្លើយតប សម្តេចតេជោនាយករដ្ឋមន្ត្រី បានជម្រាបលោក Suzuki Yasujiro ថា នៅក្នុងអាណត្តិរបស់លោក បានបើកការដ្ឋានសាងសង់ស្ពានអ្នកលឿង ដែលមិនមែនសម្រាប់ជួយដល់ប្រទេសកម្ពុជាប៉ុណ្ណោះទេ គឺជាស្ពានសម្រាប់តភ្ជាប់អាស៊ាន និងសម្រាប់ធ្វើសមាហរណកម្មតំបន់មេគង្គផងដែរ។
នៅក្នុងជំនួប នោះ សម្តេចតេជោបានមានប្រសាសន៍បន្តទៀតថា ជំនួយរបស់ជប៉ុន បានជួយធ្វើឲ្យកម្ពុជាមានកំណើនសេដ្ឋកិច្ចកើនឡើង ហើយនិងចួលរួមចំណែកកាត់បន្ថយភាពក្រីក្រ ព្រមទាំងជួយធ្វើឲ្យជីវភាពរបស់ប្រជាជនកម្ពុជា កាន់តែមានភាពល្អប្រសើរឡើងថែមទៀត ហើយសម្តេចបានថ្លែងអំណរគុណ ចំពោះរាជរដ្ឋាភិបាលជប៉ុន ដែលបានជួយកម្ពុជា ទាំងសម្ភារៈ ទាំងថវិកា ទាំងផ្នែកច្បាប់៕ J
បន្ទាប់ពីចប់ជំនួបពិភាក្សា លោក អ៊ាង សុផ្លែត ជំនួយការផ្ទាល់សម្តេចនាយករដ្ឋមន្ត្រី បានមានប្រសាសន៍ប្រាប់ក្រុមអ្នករាយការណ៍ព័ត៌មានថា លោក Suzuki Yasujiro តំណាងអង្គការ JICA ប្រចាំនៅកម្ពុជា ក្នុងឱកាសដែលលោកត្រូវបញ្ចប់អាណត្តិការងារនៅកម្ពុជានោះ គឺលោកបានជម្រាបជូនសម្តេចថា ក្នុងរយៈពេល ៣ឆ្នាំ ៤ខែ ដែលលោកមកបំពេញបេសកកម្មជាតំណាងអង្គការ JICA នៅកម្ពុជានោះ បានចូលរួមចំណែកជួយដល់ការអភិវឌ្ឍប្រទេសកម្ពុជា និងបានចូលរួមជំរុញអ្នកវិនិយោគទុនជប៉ុន ឲ្យចូលមកធ្វើការវិនិយោគទុននៅក្នុងប្រទេសកម្ពុជា កាន់តែច្រើន។ លោកមានការរំភើបចិត្តយ៉ាងខ្លាំង ចំពោះទំនាក់ទំនង និងសណ្ឋានចិត្តរបស់ប្រជាជនកម្ពុជា ដែលបានឆ្លុះបញ្ចាំងទឹកចិត្ត នៅពេលដែលមានការរញ្ជួយដី នៅប្រទេសជប៉ុន នាឆ្នាំ២០១១នោះ គឺប្រជាជនកម្ពុជាបានផ្តល់នូវវិភាគទាន ដែលឆ្លុះបញ្ចាំងនូវការយកចិត្តទុកដាក់ ស្រឡាញរាប់អាន ចំពោះប្រជាជនជប៉ុន។
លោក អ៊ាង សុផ្លែត បានមានប្រសាសន៍បន្តថា នៅក្នុងអាណត្តិតំណាងអង្គការ JICA ប្រចាំនៅកម្ពុជានោះ លោកបានធ្វើការចរចាសម្របសម្រួលលើការអនុវត្តន៍គម្រោងជាច្រើន ដែលជាការអភិវឌ្ឍប្រទេសកម្ពុជា មានគម្រោងជាហិរញ្ញប្បទាន ដែលមានទឹកប្រាក់ប្រមាណ ៣៦០ លានដុល្លារអាមេរិក និងគម្រោងសាងសង់ស្ពានអ្នកលឿង គម្រោងស្តារផ្លូវជាតិ និងគម្រោងបំពាក់ឧបករណ៍នៅតាមមន្ទីរពេទ្យនានា នៅកម្ពុជា។
ជាការឆ្លើយតប សម្តេចតេជោនាយករដ្ឋមន្ត្រី បានជម្រាបលោក Suzuki Yasujiro ថា នៅក្នុងអាណត្តិរបស់លោក បានបើកការដ្ឋានសាងសង់ស្ពានអ្នកលឿង ដែលមិនមែនសម្រាប់ជួយដល់ប្រទេសកម្ពុជាប៉ុណ្ណោះទេ គឺជាស្ពានសម្រាប់តភ្ជាប់អាស៊ាន និងសម្រាប់ធ្វើសមាហរណកម្មតំបន់មេគង្គផងដែរ។
នៅក្នុងជំនួប នោះ សម្តេចតេជោបានមានប្រសាសន៍បន្តទៀតថា ជំនួយរបស់ជប៉ុន បានជួយធ្វើឲ្យកម្ពុជាមានកំណើនសេដ្ឋកិច្ចកើនឡើង ហើយនិងចួលរួមចំណែកកាត់បន្ថយភាពក្រីក្រ ព្រមទាំងជួយធ្វើឲ្យជីវភាពរបស់ប្រជាជនកម្ពុជា កាន់តែមានភាពល្អប្រសើរឡើងថែមទៀត ហើយសម្តេចបានថ្លែងអំណរគុណ ចំពោះរាជរដ្ឋាភិបាលជប៉ុន ដែលបានជួយកម្ពុជា ទាំងសម្ភារៈ ទាំងថវិកា ទាំងផ្នែកច្បាប់៕ J
No comments:
Post a Comment