(Photo: CNRP Headquarter´s Inauguration in PP)
អង្គរមេឌា
ថ្ងៃទី៩តុលា២០១២
ថ្ងៃទី៩តុលា២០១២
កាលពីពេលថ្មីៗនេះគណបក្សសង្គ្រោះជាតិកម្ពុជា
នៅខេត្តស្វាយរៀង
បានចាប់ផ្តើមបើកទីស្នាក់ការរបស់ខ្លួនហើយ។ប្រធានគណបក្ស
សម រង្ស៊ី ប្រចាំខេត្តស្វាយរៀង លោក រៀល ខេមរិន្ទ
បានថ្លែងឲ្យដឹងថា បន្ទាប់ពីក្រសួងមហាផ្ទៃ
ប្រកាសទទួលស្គាល់គណបក្សសង្គ្រោះជាតិកម្ពុជារួចមក។
កាលពីថ្ងៃទី៦ ខែតុលា ឆ្នាំ២០១២
គណបក្សបានបើកទីស្នាក់ការ របស់ខ្លួននៅក្នុងខេត្តស្វាយរៀង
ដោយទីតាំងបានយកទីស្នាក់ការគណបក្ស សម រង្ស៊ី
ចាស់ធ្វើជាទីស្នាក់ការកណ្ដាលគណបក្សសង្រ្គោះជាតិកម្ពុជា
ហើយយើងនឹងបើកទីស្នាក់ការនៅតាម បណ្ដាស្រុកទាំង៦បន្តបន្ទាប់ទៀតនៅពេលខាងមុខ»។
លោករៀល ខេមរិន្ទបានថ្លែងថា
«ប្រសិនបើយោងទៅលើសំឡេងឆ្នោតនៅក្នុងការបោះឆ្នោតឃុំសង្កាត់
កន្លងមកគ្រាន់តែ សន្លឹកឆ្នោតគណបក្ស សម រង្ស៊ី
ម្នាក់ឯង គឺយើងបានទទួល១អាសនៈរួចទៅហើយ ដោយនៅសល់សំឡេងឆ្នោត
ជាង៣ពាន់សំឡេងទៀតផង ហើយបើយើងបូកបញ្ចូលគ្នាជាមួយគ្នា
គណបក្សសិទ្ធិមនុស្សថែមទៀតនោះ
សំឡេងឆ្នោតយើងជិតបាន២អាសនៈសភា។ ដូច្នោះខ្ញុំសង្ឃឹមថាក្នុងការបោះឆ្នោត
សភាខាងមុខនេះ យើងនឹង
ខិតខំប្រឹងប្រែងរកឲ្យបានអាសនៈសភា២ទៅ៣កៅអីឲ្យបាន»។
ការបោះឆ្នោតបីអាណត្តិកន្លងទៅនេះ
នៅក្នុងខេត្តស្វាយរៀង ដែលមានអាសនៈសភាចំនួន៥នោះ គណៈបក្ស សម
រង្ស៊ី មិនដែលបានទទួល១អាសនៈសភានោះទេ។
ចំណែកឯគណបក្សសិទ្ធិមនុស្ស ដែលទើបតែប្រកួត ប្រជែងក្នុងអណត្តិមុននោះ
ក៏មិនបានទទួលអាសនៈសភានៅក្នុងខេត្តស្វាយរៀងនោះដែរ
ដោយអាសនៈសភា ចំនួន៥នោះ
ត្រូវបានគ្រប់គ្រងដោយគណបក្សប្រជាជនកម្ពុជាទាំងអស់
នៅក្នុងការបោះឆ្នោតសភាក្នុងឆ្នាំ២០០ ៨ កន្លងទៅ៕
No comments:
Post a Comment