ថ្ងៃទី 4 សីហា 2012
ដោយ: សុខ ភក្តី
CEN
ភ្នំពេញ:
នៅថ្ងៃព្រហស្បតិ៍ ទី៩ ខែសីហា ឆ្នាំ២០១២ វេលាម៉ោង
៨ ព្រឹក រដ្ឋសភា នឹងបន្តសម័យប្រជុំរដ្ឋសភា លើកទី៨ នីតិកាលទី៤
ក្រោមអធិបតីភាពដ៏ខ្ពង់ខ្ពស់របស់សម្តេចហេងសំរិន ប្រធានរដ្ឋសភា។
ក្នុងកិច្ចប្រជុំរដ្ឋសភានោះ សម្តេចនាយករដ្ឋមន្ត្រីហ៊ុនសែន
នឹងចូលបំភ្លឺដោយផ្ទាល់មាត់ជូនរដ្ឋសភា លើការងារបោះបង្គោលព្រំដែន
រវាងកម្ពុជានិងវៀតណាម។
សេចក្តីជូនដំណឹងរបស់អគ្គលេខាធិការ
ដ្ឋានរដ្ឋសភា ចុះថ្ងៃទី៣សីហា ឆ្នាំ២០១២ បង្ហាញថា
កិច្ចប្រជុំរដ្ឋសភា នាថ្ងៃទី៩សីហា ឆ្នាំ២០១២ នឹងពិភាក្សា
អនុម័តលើរបៀបវារៈ ដូចតទៅ៖
១-ការបោះឆ្នោតជ្រើសតាំងលោក ពេជ្រ
គឹមស្រ៊ាង ជាសមាជិកគណៈកម្មការសុខាភិបាល សង្គមកិច្ច អតីតយុទ្ធជន
យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី
២-
ការពិភាក្សា និងអនុម័តសេចក្តីព្រាងច្បាប់
ស្តីពីការអនុម័តយល់ព្រមលើកិច្ចព្រមព្រៀងរវាងរាជរដ្ឋាភិបាលនៃ
ព្រះរាជាណាចក្រកម្ពុជា និងរដ្ឋាភិបាលនៃរដ្ឋកាតា
ស្តីពីការគ្រប់គ្រងការប្រើប្រាស់ហត្ថពលកម្ម នៅរដ្ឋកាតា
៣-
ការពិភាក្សា និងអនុម័ត សេចក្តីព្រាងច្បាប់
ស្តីពីការអនុម័តយល់ព្រមឲ្យព្រះរាជាណាចក្រកម្ពុជា
ចូលរួមក្នុងអនុសញ្ញារ៉ូថឺដាម ស្តីពី នីតិវិធី
នៃការយល់ព្រមផ្តល់ព័ត៌មានជាមុន ចំពោះសារធាតុគីមី
និងថ្នាំកសិកម្មគ្រោះថ្នាក់ ក្នុងពាណិជ្ជកម្មអន្តរជាតិ
៤-
ការឆ្លើយបំភ្លឺដោយផ្ទាល់មាត់ជូនរដ្ឋសភា លើការងារបោះបង្គោលព្រំដែន
រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម។
កាលពីថ្ងៃទី២ ខែសីហា ឆ្នាំ២០១២
ក្នុងពិធីចែកសញ្ញាបត្រដល់និស្សិតបញ្ចប់ការសិក្សាផ្នែកច្បាប់
និងសេដ្ឋកិច្ច សម្តេចនាយករដ្ឋមន្ត្រី ហ៊ុន សែន បានប្រកាសថា
សម្តេចនឹងចូលបំភ្លឺរដ្ឋសភា
ដើម្បីឆ្លើយតបនឹងសំណួររបស់ក្រុមអ្នកតំណាងរាស្ត្រគណបក្សសមរង្ស៊ី
ជុំវិញដំណើរការបោះបង្គោលព្រំដែនកម្ពុជា និងវៀតណាម
ដែលត្រូវបញ្ចប់នៅដំណាច់ឆ្នាំ២០១២។
ក្នុងដំណើរការ
បោះបង្គោលកំណត់ព្រំដែនកម្ពុជា-វៀតណាម
ដែលបានចាប់ផ្តើមកាលពីឆ្នាំ២០០៦ មានការដោះដូរភូមិមួយចំនួន
នៅព្រំដែនរបស់កម្ពុជា ទៅឲ្យវៀតណាម ដែលគណបក្សប្រឆាំង
និងអង្គការសង្គមស៊ីវិលមួយចំនួន ចាត់ទុកថា
ធ្វើឲ្យកម្ពុជាបាត់បង់ទឹកដីទៅឲ្យវៀតណាម។
ក៏ប៉ុន្តែ
សម្តេចនាយករដ្ឋមន្ត្រី ហ៊ុន សែន បានបដិសេធដាច់អហង្ការ
ហើយបានប្រកាសចូលខ្លួនបំភ្លឺរដ្ឋសភាដោយផ្ទាល់
ហើយសម្តេចត្រូវការរយៈពេល ៤ ម៉ោង
និងស្នើឲ្យមានការផ្សាយបន្តផ្ទាល់ពីបទអន្តរាគមន៍របស់សម្តេចផងដែរ
៕
3 comments:
It is very serious crime to betrayed your country by ceding land to Yuon....First they ask to Yuon use land then they kept in after long period of time it theirs.Hun sen better becareful when deal with this Yuons people.
We Cambodian HAD NOT LEARNED from our past mistakes when dealing with Viets, Siam, Laotian. We will continue to loose our land as long as we not learned from past mistakes and continue to have traitors within our peoples.
Yes, you're right my fellow....As long as we don't learn mistakes will be repeated itself again and again...We all khmers must spreads the words about these diseased of traitor not to be repeated itself...
Post a Comment