Hun Sen attacked the newly-formed DMNR of Sam Rainsy and Kem Sokha

 Hun Sen bitterly attacked the newly-formed Democratic Movement for National Rescue, saying that if they can't even help themselves, how can they help others?

សម្តេច ហ៊ុន សែន ៖ ការបង្កើតចលនា សង្គ្រោះជាតិ តើជួយអ្នកណា? 

Wednesday, 01 August 2012  ដោយៈ អេង គឹមជាង-Posted ID-030 DAP News

ភ្នំពេញ៖ ប្រមុខរាជរដ្ឋាភិបាលលកម្ពុជា បានថ្លែងជាសាធារណៈថា ដោយបានលើកជាចម្ងល់ ចំពោះគណបក្សប្រឆាំងពីរ ដែលរួមគ្នាបង្កើតចលនា សង្គ្រោះជាតិនោះថា តើបង្កើតឡើងដើម្បីសង្គ្រោះអ្នកណា បើខ្លួនឯងជួយខ្លួន មិនបានផងនោះ។

សម្តេចតេជោ ហ៊ុន សែន បានថ្លែងនៅក្នុងពិធីចុះចែក សញ្ញាបត្រដល់និស្សិត នៃសាកលវិទ្យាល័យភូមិន្ទនីតិ សាស្រ្ត វិទ្យាសាស្រ្តសេដ្ឋកិច្ច នៅវិទ្យាស្ថានជាតិអប់រំ នាព្រឹកថ្ងៃពុធ ទី០១ ខែសីហា ឆ្នាំ ២០១២នេះថា អ្នកនយោបាយមួយចំនួន ដែលពេលបច្ចុប្បន្ននេះ កំពុងតែពុះកញ្ច្រោល គឺកំពុងតែមានព្យុះ តែព្យុះនេះនៅតែក្នុងដប និងក្នុងក្អមតែប៉ុណ្ណោះ ដោយបានចោទសួរថា តើសង្រ្គោះនរណាសូម្បីតែ ជួយសង្រ្គោះខ្លួនឯងមិនចង់រួចផង ដោយអ្នកខ្លះ ត្រូវចិញ្ចឹមប្រពន្ធចុងប្រពន្ធដើម និងកូនៗថែមទៀត។

សម្តេចនាយករដ្ឋមន្រ្តី បានបន្តទៀតថា «អាងអីថា គណបក្សប្រជាជនខ្លាចចាំតើអាពៅ ធ្វើមើលតែគេស្អីហ្អា! ឯង សង្គ្រោះតែខ្លួនឯងទៅ។ ឯណាម្តាយនីតាផង អីណាស្រីលក្ខណ៍ផង ទៅៗសង្រ្គោះ ទៅរកលុយទៅ ឯណាប្រពន្ធដើម ហើយម្តាយនីតាយកទៅទុកនៅស្វាយរៀងផង»។

សម្តេចក៏បានលើកឡើងទៅអ្នកនយោបាយខ្លះ ក្នុងពេលយុទ្ធនាការឃោសនា បោះឆ្នោតនាពេលកន្លងទៅ រហូតមកដល់ពេលនេះ នៅជំពាក់ថ្លៃឡាន ថ្លៃមេក្រូគេនៅឡើយទេ ដូច្នេះទូទាត់ឲ្យគេឲ្យហើយទៅ។

កាលពីថ្ងៃទី ១៦-១៧ ខែកក្កដា គណបក្ស សម រង្ស៊ី និងគណបក្សសិទ្ធិមនុស្ស បានជួបពិភាក្សាគ្នាចំនួនពីរថ្ងៃ នៅប្រទេសហ្វីលីពីន ដោយមេដឹកនាំគណបក្ស ប្រឆាំងទាំងពីរ បានសម្រេចជាឯកច្ឆន្ទថា នឹងបង្កើតគណបក្សថ្មី មួយទៀតនាពេលឆាប់ៗខាងមុខនេះ ដោយលោក សម រង្ស៊ី ធ្វើជាប្រធានគណបក្ស និងលោក កឹម សុខា ជាអនុ ប្រធានបក្ស។

ថ្លែងតាមរយៈវីដេអូ ខនហ្វើរិន (Video Conference) ពីទីក្រុងម៉ានីល ប្រទេសហ្វីលីពីន មេដឹកនាំគណបក្ស ប្រឆាំងទាំងពីរ គឺលោក សម រង្ស៊ី និងលោក កឹម សុខា បានមានប្រសាសន៍ប្រាប់ដល់ អ្នកសារព័ត៌មានជាតិ-អន្តរជាតិ ព្រមទាំងសមាជិក នៃគណបក្សទាំងពីរនារាជធានីភ្នំពេញ នៅរសៀលថ្ងៃទី១៧ ខែកក្កដា ឆ្នាំ២០១២ថា ពួក គេនឹងបង្កើតគណបក្សមួយថ្មីទៀត នាពេលឆាប់ៗនេះ ដើម្បីតទល់ប្រកួតប្រជែងជាមួយនឹង គណបក្សកាន់អំណាចបច្ចុប្បន្ន (គណបក្សប្រជា ជនកម្ពុជា)។

លោក សម រង្ស៊ី បានមានប្រសាសន៍ថា ការសម្រេចរបស់គណបក្ស សម រង្ស៊ី និងគណបក្សសិទ្ធិមនុស្ស គឺជាការ ត្រឹមត្រូវ ដើម្បីជួយសង្គ្រោះជាតិ និងផ្តូលរំលំការគ្រប់គ្រងរបស់ រដ្ឋាភិបាលបច្ចុប្បន្នដែលលោកអះអាងថា មានសារធាតុបែបកុម្មុយនីស្តនោះ។

កិច្ចព្រមព្រៀងស្តីពីសមាសភាពចលនា ប្រជាធិបតេយ្យសង្រ្គោះជាតិ ដែលគណបក្សទាំងពីរ បានសម្រេចបង្កើតឡើង ដោយបានរៀបចំយន្តការដឹកនាំ ចលនាប្រជាធិបតេយ្យសង្គ្រោះជាតិ។ ចលនានេះតម្រូវឲ្យមាន គណៈកម្មាធិការនីតិបញ្ញត្តិ គណៈកម្មាធិការប្រតិបត្តិ និងគណៈកម្មាធិការវិន័យតែប៉ុណ្ណោះ។ សមាសភាពថ្នាក់ដឹកនាំ លោក សម រង្ស៊ី ជាប្រធាន លោក កឹម សុខា ជាអនុប្រធាន រីឯលេខាធិការដ្ឋានវិញ អ្នកស្រី មួ សុខហួ ជាប្រធាន លេខាធិការដ្ឋាន, លោក យ៉ែម បុញ្ញប្ញទ្ធិ ជាអនុលេខាធិការដ្ឋាន និងសម្រាប់អ្នកនាំពាក្យចលនានេះ មានលោក ប៉ុល ហំម និងលោក យឹម សុវណ្ណ៕