A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 17 July 2012

Mam Sonando sent to Preysor Prison



គេ​បញ្ជូន ម៉ម សូណង់ដូ ចូល​តុលាការ Mam Sonando sent to court


គណៈកម្មាធិការ​ប្រព្រឹត្តិ​កម្ម សូម​ឲ្យ​រាជរដ្ឋាភិបាល ដោះលែង លោក ម៉ម សូណង់ដូ​ 
(ថ្ងៃទី 16 កក្កដា 2012, ម៉ោង 05:36:PM) | 
ដោយ: លីន​ណា  
ភ្នំពេញ: ​គណៈកម្មាធិការ​ប្រព្រឹត្តិ​កម្ម នៃ​អង្គការ​-​សមាគម​ការពារ​សិទ្ធិមនុស្ស​កម្ពុជា បាន​សម្ដែង​ការសោកស្ដាយ​ចំពោះ​ការចាប់ខ្លួន​លោក ម៉ម សូណង់ដូ និង​ទទូច​ដល់​រាជរដ្ឋាភិបាល ព្រមទាំង​សាលាដំបូង​រាជធានី​ភ្នំពេញ ធ្វើការ​ដោះលែង​លោក ម៉ម សូណង់ដូ ឲ្យ​មាន​សេរីភាព​ឡើងវិញ​។​



​ គណៈកម្មាធិការ​ប្រព្រឹត្តិ​កម្ម នៃ​អង្គការ​-​សមាគម​ការពារ​សិទ្ធិមនុស្ស​កម្ពុជា នៅ​ថ្ងៃទី​១៦ ខែកក្កដា ឆ្នាំ​២០១២ បាន​សេចក្ដីថ្លែងការណ៍ សម្ដែង​ការសោកស្តាយ​យ៉ាងខ្លាំង ចំពោះ​ការចាប់ខ្លួន​លោក ម៉ម សូណង់ដូ ប្រធាន​វិទ្យុ​សំបុ​ក្រ​ឃ្មុំ FM ១០៥ MHz និង​ជា​ប្រធាន​សមាគម​អ្នកប្រជាធិបតេយ្យ កាលពី​ថ្ងៃទី​១៥ ខែកក្កដា ឆ្នាំ​២០១២​។ បន្ទាប់មក លោក ម៉ម សូណង់ដូ ត្រូវបាន​បញ្ជូន​ទៅដល់​សាលាដំបូង​រាជធានី​ភ្នំពេញ ថ្ងៃទី​១៦ ខែកក្កដា ឆ្នាំ​២០១២ នៅ ម៉ោង ១០:២០​នាទី ព្រឹក ហើយ​ត្រូវបាន​សាលាដំបូង​រាជធានី​ភ្នំពេញ សម្រេច​ឃុំខ្លួន​បណ្តោះអាសន្ន​នៅ​មណ្ឌល​អប់រំ​កែប្រែ​ទី​១ (​ពន្ធនាគារ​ព្រៃ​ស​)​។​

​សេចក្ដីថ្លែងការណ៍ បាន​លើកឡើងថា កាលពី​ថ្ងៃទី​១៥ ខែកក្កដា ឆ្នាំ​២០១២ សមត្ថកិច្ច​ប្រមាណ ២០​នាក់ បាន​ចូលទៅ​ចាប់ខ្លួន​លោក ម៉ម សូណង់ដូ តាម​ដីកា​បង្គាប់​ឲ្យ​ចាប់ខ្លួន​របស់​សាលាដំបូង​ខេត្តក្រចេះ លេខ​៧១ ច​.​ខ​/១២​ចុះ​ថ្ងៃទី​២ ខែកក្កដា ឆ្នាំ​២០១២ ដោយ​ចោទប្រកាន់​ពីបទ អ្នកផ្តើមគំនិត​ប្រឆាំងនឹង​អ្នករាជការ​សាធារណៈ​, កុបកម្ម​, ជ្រៀតជ្រែក ដោយ​ខុសច្បាប់​ទៅក្នុង​ការបំពេញ​មុខងា​រ​សាធារណៈ​, ញុះ​ញ៉​ង់​ឲ្យ​ប្រជាពលរដ្ឋ​កាន់​អាវុធ​ប្រឆាំងនឹង អាជ្ញាធរ​ស្របច្បាប់ តាម​បញ្ញត្តិ​មាត្រា ២៨, ៥០៤, ៤៥៦, ៤៥៧, ៦០៩, និង​មាត្រា​៤៦៤ នៃ​ក្រមព្រហ្មទណ្ឌ​របស់​ព្រះរាជាណាចក្រ​កម្ពុជា​។

​មូលហេតុ​នៃ​ ការចោទប្រកាន់​នេះ ត្រូវបាន​សង្គម​ស៊ីវិល​មើលឃើញថា មាន​ជាប់ទាក់ទង​នឹង​ករណី​វិវាទ​ដីធ្លី នៅ​ភូមិ​ប្រ​ម៉ា ឃុំ​កំពង់​ដំរី ស្រុក​ឆ្លូង ខេត្តក្រចេះ ដែល​ត្រូវបាន​អាជ្ញាធរ​ចាត់វិធានការ បណ្តេញ​ប្រជាពលរដ្ឋ​ចេញពី​ដីធ្លី​របស់គាត់ កាលពី​ខែឧសភា ឆ្នាំ​២០១២ ហើយ​នៅក្នុង​ប្រតិបត្តិការ​នោះបាន​បណ្តាល​ឲ្យ​កុមារី ហេង ចន្ថា អាយុ ១៤ ឆ្នាំ ស្លាប់បាត់​បង់ជីវិត​។ សំណុំរឿង លោក ម៉ម សូណង់ដូ ត្រូវបាន​ផ្ទេរ​ពី​ខេត្តក្រចេះ មក​សាលាដំបូង​រាជធានី​ភ្នំពេញ​។​

​ សេចក្ដីថ្លែងការណ៍ បានលើកឡើង​ទៀតថា គណៈកម្មាធិការ​ប្រព្រឹត្តិ​កម្ម យល់ឃើញថា ការចាប់ខ្លួន​លោក ម៉ម សូណង់ដូ នាពេលនេះ គឺ​មិនមាន​មូលដ្ឋាន​ច្បាប់​ច្បាស់លាស់​ទេ ហើយ​ការចាប់ខ្លួន​នេះ បានធ្វើ​ឡើង​បន្ទាប់ពី​សម្តេចនាយករ​ដ្ឋ​មន្ត្រី ហ៊ុន សែន បានប្រកាស​កាលពី​ថ្ងៃទី​២៦ ខែមិថុនា ឆ្នាំ​២០១២ ឲ្យ​តាម​ចាប់ខ្លួន លោក ប៊ុន រដ្ឋា រួមទាំង​លោក ម៉ម សូណង់ដូ ជា​ប្រធាន​សមាគម​អ្នកប្រជាធិបតេយ្យ​។

​ កន្លងមក​សមាគម​អ្នកប្រជាធិបតេយ្យ បានធ្វើ​សន្និសីទកាសែត​បដិសេធ​ថា លោក ម៉ម សូណង់ដូ មិនបាន​ពាក់ព័ន្ធ​នឹង​សកម្មភាព​ទំនាស់​ដីធ្លី​នៅ​ស្រុក​ឆ្លូង ខេត្តក្រចេះ​នោះទេ​។
​ឆ្លងតាម​ព្រឹត្តិការណ៍​នយោបាយ​ជា​បន្តបន្ទាប់ នាពេល​កន្លងមកនេះ គណៈកម្មាធិការ​ប្រព្រឹត្តិ​កម្ម​មើលឃើញថា ការចាប់ខ្លួន​ប្រធាន​វិទ្យុ​សំបុ​ក្រ​ឃ្មុំ មាន​ច​រិ​ក​ជា​នយោបាយ ហើយ​សកម្មភាព​នេះ ក៏បាន​ឆ្លុះបញ្ចាំង​ពី​ភាពមិន​ឯករាជ្យ​របស់​តុលាការ​ដែរ ដែល​អាចជា​មធ្យោបាយរ​បស់​អ្នកមានអំណាច ប្រើប្រាស់​សំរាប់​បង្ករ​ការគំរាមកំហែង​ដល់​សកម្មជន​ការពារ​សិទ្ធិមនុស្ស និង​ប្រជាពលរដ្ឋ​ដែល​មានមតិ​ជំទាស់ និង​អាច​ឈានទៅ រក​ការបិទ​វិទ្យុ FM ១០៥ MHz របស់លោក ម៉ម សូណង់ដូ ទៀតផង​ដែរ​។​

​គណៈកម្មាធិការ​ប្រព្រឹត្តិ​ កម្ម សូម​ទទូច​ដល់​រាជរដ្ឋាភិបាល​កម្ពុជា និង​សាលាដំបូង​រាជធានី​ភ្មំ​ពេញ ធ្វើការ​ដោះលែង​លោក ម៉ម សូណង់ដូ ឲ្យ​មាន​សេរីភាព​ឡើងវិញ​ជាបន្ទាន់ ដើម្បី​រក្សា​កិ​តិ្ត​យស​របស់​ប្រទេសជាតិ​ឲ្យ​សក្តិសម ជា​ប្រទេស​ប្រកាន់​នូវ​របប​ប្រជាធិបតេយ្យ សេរី​ពហុបក្ស និង​ជា​ប្រធាន​សមាគម​អាស៊ាន​៕​

3 comments:

Anonymous said...

That's not fair ! CPP will pay the heavy price on this shameless injustice! What's your evidence? that they have to put people in prison without Trial!? What's fuck with this regime? Cpp mist stop doing this to its own citizen,only Arab spring to spring down this Yuon's slave to its knees.

Anonymous said...

it is wrong by opposition party to use child as political tools.

STOP,, STOP, USING CHILD AS POLITICAL TOOLS

OPPOSITION PArty, VERY POOR TO UNDERSTAND THIS RULES OF LAW

Anonymous said...

No one using a child for anything! Children came to do whatever they did at their own free will.Stop accusing people like your clans Cpp had done upon Khmer innocent,your house of cards (Cpp regime) will be crumbled down sooner or later because your foundation was rotten by corruption and injustices,power abusing,stealing,killing and more...