A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday 15 December 2011

SRP MP Chan Cheng faces being stripped of his parliamentary immunity


អ្នកតំណាងរាស្រ្ត ចាន់ ចេង កំពុងប្រឈមនឹងសំណើសុំលើកអភ័យឯកសិទ្ធិសភា

អ្នកតំណាងរាស្រ្ត ចាន់​ ចេង កំពុងប្រឈមនឹងសំណើសុំលើកអភ័យឯកសិទ្ធិសភារបស់អយ្យការអមសាលាដំបូងខេត្តកណ្តាល ដោយសារតែជម្លោះវិជ្ជាជីវៈការងារ​ អត្ថបទពេញ

ខុទ្ទកាល័យគណបក្ស

SRP MP Chan Cheng was accused of being an accessory by providing transport for detained people to escape custody. The issue stemmed from Judge Lim Kuntheay, who ordered the arrests of 3 villagers who protested against the confiscation of their lands, without an arrest warrant. Mr. Choung Chou-Ngy, the lawyer for the 3 detainees went to the prison to free them. After he told the prison chief that the three were detained without an arrest warrant, the prison chief agreed to release them. Mr. Choung Chou-Ngy then asked MP Chan Cheng, who was there, to transport the freed detainees to their homes and Judge Lim Kunthea accused MP Chan Cheng of providing a means of transportation to assist the detainees to escape custody and had made a request to the parliament to strip off his parliamentary immunity.

Please read the article in Khmer below:
---------------------
អ្នកតំណាងរាស្ដ្រ ចាន់ ចេង កំពុង​ប្រឈម​នឹង​សំណើសុំ​លើក​អភ័យឯកសិទ្ធិសភា​

ដោយ : លីនណា (ថ្ងៃទី 14 ធ្នូ 2011,05:18:PM)
ភ្នំពេញ: នៅ​រសៀល​ថ្ងៃទី​១៤ ខែធ្នូ ឆ្នាំ​២០១១ គណបក្ស​សមរង្ស៊ី បាន​សេចក្ដី​ថ្លែ​ការណ៍​មួយ​ទាក់ទិន​នឹង​អ្នកតំណាងរាស្ដ្រ ចាន់ ចេង កំពុង​ប្រឈម​នឹង​សំណើសុំ​លើក​អភ័យឯកសិទ្ធិសភា របស់​អយ្យការ​អម​សាលាដំបូង​ខេត្តកណ្ដាល ដោយសារតែ​ជម្លោះ​វិជ្ជាជីវៈ​ការងារ​រវាង​លោក លឹម សុគ​ន្ថា ចៅក្រម​ស៊ើបសួរ នៃ​សាលាដំបូង​ខេត្តកណ្ដាល និង​លោក ជួង ជូ​ងី មេធាវី​ការពារ​ក្ដី​លោក មាស ប៉េង​។​

​សេចក្ដីថ្លែងការណ៍ បាន​ឲ្យ​ដឹងថា នៅវេលា​ម៉ោង​ប្រមាណ ១២ និង ៣០​នាទី ថ្ងៃទី​២៣ ខែកញ្ញា ឆ្នាំ​២០១១ លោក ជួង ជូ​ងី បាន​នាំ​កូនក្ដី​របស់គាត់ គឺ​លោក មាស ប៉េង ចេញពី​ពន្ធនាគារ​ខេត្តកណ្ដាល ដោយ​គ្មាន​ការរារាំង​អ្វី​ឡើយ ពី​ឆ្មាំ​ពន្ធនាគារ ហើយ​ប្រកាស​ជា​សាធារណៈ នៅមុខ​ពន្ធនាគារ​ថា លោក​ចៅក្រម លឹម សុគ​ន្ថា បញ្ជា​ឲ្យ​ឃុំខ្លួន​កូនក្ដី​គាត់ ដោយ​គ្មាន​ដីកា និង​បាន​សុំ​ពឹងពាក់​អ្នកតំណាងរាស្ដ្រ ចាន់ ចេង ឲ្យ​ជួយ​ដឹក​កូនក្ដី​គាត់​ទៅផ្ទះ​។ អ្នកតំណាងរាស្ដ្រ ចាន់ ចេង ក៏បាន​ដឹក​លោក មាស ប៉េង ទៅផ្ទះ​តាម​សំណូមពរ​របស់លោក​មេ​ធា​វី ជួង ជូ​ងី​។

​សេចក្តីថ្លែងការណ៍​រប​ស់​គណបក្ស​សមរង្ស៊ី លើកឡើងថា សកម្មភាព​របស់​អ្នកតំណាងរាស្ដ្រ ចាន់ ចេង ត្រូវបាន​លោក លឹម សុគ​ន្ថា ចៅក្រម​ស៊ើបសួរ នៃ​សាលាដំបូង​ខេត្តកណ្ដាល ប្ដឹង​ចោទថា “​ជា​អ្នកផ្ដល់​មធ្យោបាយ​ឲ្យ​ជន​ជាប់ឃុំ (​លោក មាស ប៉េង​) លួច​រត់​”​។​

​សេចក្ដីថ្លែងការណ៍​បន្ត​ថា មូលហេតុ​ដែល លោក លឹម សុគ​ន្ថា ប្ដឹង​អ្នកតំណាងរាស្ដ្រ ចាន់ ចេង បែបនេះ គឺ​ដើម្បី​បិទបាំង​នូវ​កំហុស​វិជ្ជាជីវៈ​ការងារ​របស់ខ្លួន ដែល​ត្រូវបាន​លាតត្រដាង​ដោយ​លោក​មេធាវី ជួង ជូ​ងី ព្រមទាំង​បិទបាំង​នូវ​អំពើ​ទុច្ចរិត​ដទៃទៀត​របស់ខ្លួន ដែល​បាន​ប្រព្រឹត្ត​មកលើ​ប្រជាពលរដ្ឋ និង​អ្នកការពារ​ប្រជាពលរដ្ឋ នៅ​ភូមិ​ព្រែកត្រែង ឃុំ​សំរោង​ធំ ស្រុក​កៀនស្វាយ ខេត្តកណ្ដាល នៅក្នុង​ចំណាត់ការ​រឿងក្ដី​រវាង​អតីត​អភិបាលរង​ខេត្តកណ្ដាល និង​ប្រជាពលរដ្ឋ​នៅ​ភូមិ​ព្រែកត្រែង​ក្នុង​ជម្លោះដីធ្លី​ចំនួន​ជាង ៤៦​ហិកតា​។ នៅក្នុង​សំណុំរឿង​វិវាទ​ដីធ្លី​នេះ មាន​ប្រជាពលរដ្ឋ និង​អ្នកការពារ​ប្រជាពលរដ្ឋ​ចំនួន ៥​រូប ត្រូវបាន​ចាប់ និង​ឃុំខ្លួន ដោយ​មិនទាន់​កាត់សេចក្ដី​នៅឡើយ និង ១​រូប​ទៀត គឺ​លោក មាស ប៉េង ត្រូវ​លោក លឹម សុគ​ន្ថា ចេញ​បញ្ជា​ឲ្យ​ឃុំខ្លួន ដោយ​គ្មាន​ដីកា​យ៉ាង​អយុត្តិធម៌​។​

​ពាក់ព័ន្ធ​នឹង​បញ្ហា​នេះ លោក​ចៅក្រម លឹម សុគ​ន្ថា បាន​បកស្រាយ​ថា កាលពី​ថ្ងៃទី​២៣ ខែកញ្ញា ឆ្នាំ​២០១១ លោក​បានចេញ​ដីកា​សម្រេច​បង្គាប់​ឲ្យ​ឃុំ​លោក​ជំទប់​ទី​២ ឃុំ​សំរោង​ធំ ពាក់ព័ន្ធ​នឹង​បញ្ហា​ព្រហ្មទណ្ឌ​។ បន្ទាប់មក​ប៉ូលិស​បានធ្វើការ​នាំខ្លួន និង​យក​ដីកា​បង្គាប់​មកកាន់​ពន្ធនាគារ ហើយ​ត្រូវបាន​លោក ជួង ជូ​ងី បាន​ទៅ​ឈរ​ស្រែក​តវ៉ា​ជាមួយ​មន្ត្រី​ពន្ធនាគារ​ថា រូបខ្ញុំ ( លោក លឹម សុគ​ន្ថា ) មិន​បានចេញ​ដីការ​សម្រេច​។ ដូច្នេះ​ខាង​ពន្ធនាគារ​មិន​ហ៊ាន​ឃុំខ្លួន​ជនជាប់ចោទ​។​

​លោក​ចៅក្រម​បន្តថា នៅពេល​នោះដែរ ក៏មាន​អ្នកតំណាងរាស្ដ្រ ចាន់ ចេង ទៅ​ជាមួយនឹង​លោក ជួង ជូ​ងី ផងដែរ ហើយ​ក្នុង​ហេតុការណ៍​នោះ លោក​មេធាវី ជួង ជូ​ងី បាន​ចាប់ទាញ​ជន​ជាប់ឃុំ​នោះ ដាក់​ក្នុង​ឡាន​អ្នកតំណាងរាស្ដ្រ ចាន់ ចេង ដែលមាន​ស្លាក​លេខ​រដ្ឋសភា​។​

​លោក លឹម សុគ​ន្ថា បញ្ជាក់ថា “​នៅថ្ងៃនោះ ដីកា​បង្គាប់​ឲ្យ​ឃុំខ្លួន​របស់ខ្ញុំ នៅ​នឹង​ដៃ​មន្ត្រី​ពន្ធនាគារ ហើយ​ត្រូវ​លោក​មេធាវី កញ្ឆក់​ដីកា​នោះ រហូត​ដីកា​រហែក​”​។

​ពាក់ព័ន្ធ​បញ្ហា​ដីកា​រហែក ត្រូវបាន​លោក លឹម សុគ​ន្ថា ឲ្យ​ដឹងថា លោក​បានដាក់​ចូល​ជា​សំណុំរឿង ធ្វើការ​តាមផ្លូវ​ច្បាប់​រួចហើយ និង​បាន​រាយការណ៍​ទៅកាន់​ស្ថាប័ន​ពាក់ព័ន្ធ ដែលមាន​ដូចជា ក្រសួងយុត្តិធម៌ អគ្គនាយកដ្ឋាន​ពន្ធនាគា​រ គណៈមេធាវី និង​រដ្ឋសភា​រួច​អស់ហើយ​៕

No comments: