A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 14 October 2011

CCHR public forum in Battambang: សេចក្តី​ប្រកាស​ព័ត៌មាន ស្តីពី វេទិកាសាធារណៈ នៅក្នុងស្រុកគាស់ក្រឡ ខេត្តបាត់ដំបង

រាជធានី​ភ្នំ​ពេញ ថ្ងៃទី១៣ ខែ​តុលា ឆ្នាំ២០១១

សេចក្តី​ប្រកាស​ព័ត៌មាន

ប្រជាពល​រដ្ឋរាប់រយគ្រួសារនឹង​ជួប​​ពិភាក្សា​អំពី​បញ្ហា​ដីធ្លី និងសិទិ្ធមនុស្ស នៅក្នុងស្រុក​គាស់​ក្រឡ ខេត្តបាត់ដំបង

អ្នកតំណាង​រាស្ត្រ​​ប្រាំ​រូបមក​ពី​ប្រាំ​គណបក្ស ​ដែល​មាន​អសនៈ​ក្នុង​សភា ​រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ រដ្ឋមន្ត្រី​ក្រសួង​បរិស្ថាន និងអាជ្ញាធរ​មូលដ្ឋាន នឹងចូលរួមពិភាក្សាក្នុង​វេទិកា​សាធារណៈ ដែល​​រៀប​ចំដោយ​មជ្ឈ-​មណ្ឌល​​សិទ្ធិមនុស្ស​កម្ពុជា នៅខេត្តបាត់ដំបង។

​ គាស់​ក្រឡ ជាស្រុកដែលមានព្រំប្រទល់​ជាប់ ស្រុកបាណន់ និងស្រុកសំឡូត ខេត្តបាត់ដំបង​ជា​តំបន់​​ដែលមាន​បញ្ហាជម្លោះ​ដីធ្លី​ដ៏​រ៉ាំ​រ៉ៃជា​យូរ​មកហើយ រវាងទាហាន និងអ្នកមានអំណាច ជាមួយ​ប្រជាពលរដ្ឋ។​ ប្រជាពលរដ្ឋ​ជាង​៣៦៨​ គ្រួ​សា​រ​​បាន​ធ្វើការទាមទារ​ជាបន្ត​បន្ទាប់​​​​​ ប៉ុន្តែ​រហូតមកពេលនេះពុំទាន់មានដោះស្រាយនៅឡើយ។​ បញ្ហា​នេះ​​កើត​ឡើង​​ដោយ​សារ ​​ការ​មិនបានកំណត់ និង​បែង​ចែក​ដី​ជូន​ប្រជា​ពលរដ្ឋ​អោយ​បាន​ច្បាស់​លាស់​​​ពី​សំណាក់​អាជ្ញាធរ​ដែល​គ្រប់​គ្រង​នៅ​តំបន់​នោះ។ ក្នុងនោះក៏មានបញ្ហាការរំលោភ សិទិ្ធមនុស្ស​មួយចំនួនទៀត ដែលប៉ះពាល់សិទិ្ធ និងជីវភាពរស់នៅ​របស់​ប្រជាពលរដ្ឋ។

វេទិកានេះនឹង​ផ្តល់​ឱកាស​ជូន​ប្រ​ជា​ពលរដ្ឋ​​បាន​​លើក​ឡើង​នូវ​បញ្ហា​ទាំង​ឡាយ​​​ ដែល​កើត​មាន​នៅ​ក្នុង​សហគមន៍​ទៅ​កាន់​អ្នកតំណាង​រាស្រ្ត​ អាជ្ញា​ធរខេត្ត ស្រុក និង​ស្ថាប័ន​ពាក់​ព័ន្ធ​ផ្សេងៗ ដើម្បី​ស្វែង​រក​ដំណោះ​ស្រាយ​ដោយ​សន្តិ​វិធី។

កម្មវិធីនេះនឹងប្រព្រឹត្តទៅៈ

ទីកន្លែងៈ ចំនុច​ អណ្តូង​កន្ទួត ឃុំ​ដូនបា ស្រុក​គាស់​ក្រឡ ខេត្ត​បាត់​ដំបង។

ពេលវេលាៈ ថ្ងៃសៅរ៍ទី១៥ ខែ​តុលា ឆ្នាំ២០១១ វេលាម៉ោង ៨: ៣០ ដល់ម៉ោង ១១: ៣០​នាទីព្រឹក។​

ព័ត៌មាន​បន្ថែម​សូម​ទំនាក់​ទំនងៈ

លោកឈឹម សាវុធ អ្នកសំរបសំរួលគំរោងនៃមជ្ឈមណ្ឌលសិទិ្ធមនុស្សកម្ពុជា លោក សួន ប៊ុនធឿន មន្រ្តីគំរោង
ទូរស័ព្ទលេខៈ + 855(១២) ៨៩ ៩៨៥៨ ទូរស័ព្ទលេខៈ + 855(១២) ៤៨ ៣៥ ៤៦
អ៊ីមែលៈ savuth@cchrcambodia.org អ៊ីមែលៈ bunthoeun@cchrcambodia.org

No comments: