លោកឧបនាយករដ្ឋមន្ត្រី ទៀ បាញ់ រដ្ឋមន្រ្តីក្រសួងការពារជាតិ។ |
លោក ទៀ បាញ់ ថាបក្សប្រឆាំងមានមហិច្ឆតាចង់ផ្តួលរំលំរដ្ឋាភិបាល
Fri, 20 May 2016 ppp
វង្ស សុខេង
ភ្នំពេញៈ លោកឧបនាយករដ្ឋមន្ត្រី ទៀ បាញ់ រដ្ឋមន្រ្តីក្រសួងការពារជាតិបានគូសបញ្ជាក់កាលពីម្សិលមិញថាមិត្ដភាពស្អិតល្មួតរវាងប្រទេសកម្ពុជា និងវៀតណាមគឺជាឧបសគ្គមួយរបស់គណបក្សប្រឆាំង និងក្រុមអង្គការក្រៅរដ្ឋាភិបាលក្នុងការបំពេញមហិច្ឆតានយោបាយដើម្បីបំបែកទំនាក់ទំនងទ្វេភាគីព្រមទាំងផ្តួលរំលំរដ្ឋាភិបាលស្របច្បាប់។
ថ្លែងទៅកាន់មន្រ្តីយោធាប្រហែល ១០០០ នាក់ក្នុងអំឡុងពេលសម្ពោធបន្ទប់ប្រជុំនៅសាកលវិទ្យាល័យការពារជាតិក្នុងខណ្ឌឫស្សីកែវ រាជធានីភ្នំពេញកាលពីម្សិលមិញលោករដ្ឋមន្រ្តីបានបញ្ជាក់ថា៖ «ទោះបីជារដ្ឋាភិបាលប្រឹងប្រែងធ្វើការសម្រាប់ប្រទេសជាតិឲ្យមានការរីកចម្រើនតែបក្សប្រឆាំងនៅតែមានមហិច្ឆតាផ្តួលរំលំរាជរដ្ឋាភិបាលស្របច្បាប់ ញុះញង់ បង្កអរិភាពជាមួយប្រទេសជិតខាងលើបញ្ហាព្រំដែនកម្ពុជាវៀតណាមព្រមទាំងការប្រមូលផ្តុំធ្វើបាតុកម្ម កូដកម្ម ទាមទារតវ៉ា»។
លោកបន្តថា៖ «វិធានការដែលគេបង្កើតភាពញុះញង់គ្រប់បែបយ៉ាងពាក់ព័ន្ធជាមួយអ្នកដឹកនាំជាន់ខ្ពស់ធ្វើឲ្យមានការបែកបាក់ដែលកិច្ចការទាំងនេះវាមានសារៈសំខាន់ដល់អាយុជីវិតប្រទេសយើងទាំងពីរក្នុងន័យសហប្រតិបត្តិការ។ មិត្តភាពកម្ពុជា វៀតណាមក៏ស្អិតល្មួតនេះជាឧបសគ្គដ៏ធំសម្រាប់ពួកគេ»។
លោកបានចោទប្រកាន់ថាគណបក្សប្រឆាំង និងអង្គការក្រៅរដ្ឋាភិបាលមួយចំនួនបានបង្កបញ្ហាតាមព្រំដែន កម្ពុជា‑វៀតណាម ហើយយុទ្ធនាការចុងក្រោយនេះគឺថ្ងៃចន្ទពណ៌ខ្មៅ កូដកម្ម និងបាតុកម្មដែលទាមទារឲ្យដោះលែងជនសង្ស័យទាំងអស់កំពុងជាប់ឃុំបណ្តោះអាសន្នគឺជាមហិច្ឆតានយោបាយដើម្បីផ្តួលរំលំរដ្ឋាភិបាលស្របច្បាប់។
លោកថ្លែងថា៖ «ខ្ញុំមិនហ៊ាននិយាយជំនួសតុលាការ និងព្រះរាជអាជ្ញាទេការមិនចូលបំភ្លឺ [លោក កឹម សុខា] ត្រូវបានកោះជាលើកទី ៣ បើឈានដល់បទល្មើសជាក់ស្តែងទៀតនេះមិនមែនរឿងតូចទេ»។
មន្រ្តីយោធាវៀតណាមដែលជាតំណាងក្រសួងការពារជាតិវៀតណាមបានថ្លែងស្រដៀងគ្នានឹងលោក ទៀ បាញ់ ផងដែរទាក់ទងនឹងសកម្មភាពមុនៗរបស់បក្សប្រឆាំងដែលបង្កបញ្ហាតាមបណ្តោយព្រំដែនកម្ពុជា និងវៀតណាមចំពោះអ្វីដែលត្រូវបានចោទប្រកាន់ថាក្នុងគោលបំណងមានបំណងធ្វើឲ្យបែកបាក់នូវកិច្ចសហប្រតិបត្តិការទ្វេភាគីដ៏ល្អនៃប្រទេសទាំងពីរ។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានឱ្យដឹងថាសកម្មភាពទាំងអស់របស់គណបក្សប្រឆាំងគឺប្រមូលផ្តុំដើម្បីសម្តែងមតិតាមរដ្ឋធម្មនុញ្ញកម្ពុជា និងវិធាននៃប្រទេសប្រជាធិបតេយ្យ។ «អ្វីដែលគាត់ [ទៀ បាញ់] និយាយគឺផ្អែកលើរឿងរបស់គាត់ប៉ុន្តែសកម្មភាពទាំងអស់របស់គណបក្សសង្គ្រោះជាតិមិនល្មើសច្បាប់ទេតែវាជាសេរីភាពនៃការបញ្ចេញមតិក្នុងប្រទេសប្រជាធិបតេយ្យ និងអនុលោមតាមរដ្ឋធម្មនុញ្ញ»៕ TK
6 comments:
Tea Ter Banh Kanduoy Mer Vear !!
With the help of the signatories of the 1991
Peace Accords, the Khmer people WILL prevail
over Dictator & Traitor, God King Hun Sen and cronies.
Let's cut Yuon cancerous third hands off !!!
Like Traitor Hun Sen, Tear Baghn is a bonafide sold-out Khmer.
Khmerization could you please post both news from government and from opposition. Reader may understand and judge by themselves.
And moderation mode is not necessary to shout people opinions. ...could you be a free speech media or a absolutely free speech media. ...why can't you show the differ ideas.
You can't hide the truth anyways ...and you don't want to take sides with any politicians anyways.
If media show the true colors of Pol pot. .there wasn't a killing field in srok khmer. Right.
Everyone and media taking side with politicians that will allow crook eventually came to power like Pol pot does.
My suggestion to you please open free speech free opinions and absolutely free articles from all sources all news and all party including savage party if it existed. ...
Regards
17:11
You must be Mousy Mickey !
What savage party you had referred to ? You must have meant the CPP !
22 May 2016 at 17:11
Don't forget to print your name Ah Mike
Post a Comment