ដោយ ហ៊ុំ ចំរើន
2016-07-11
ពលរដ្ឋ និងក្រុមគ្រួសារចូលរួមគោរពវិញ្ញាណក្ខន្ធសពលោកបណ្ឌិត កែម ឡី នៅវត្តពោធិយារាម ហៅវត្តចាស់ នៅថ្ងៃទី១១ ខែកក្កដា ឆ្នាំ២០១៦។ RFA/Rann Samnang
RFA/Rann Samnang
ប្រជាពលរដ្ឋមួយចំនួនរស់នៅខេត្តបាត់ដំបង សោកស្ដាយអាឡោះអាល័យចំពោះការស្លាប់លោកបណ្ឌិត កែម ឡី ថាជារឿងមួយមិនគួរឲ្យជឿទាល់តែសោះ។ ពួកគាត់ស្នើឲ្យរដ្ឋាភិបាល បង្កើតគណៈកម្មការស៊ើបអង្កេតលើករណីនេះឲ្យបានល្អិតល្អន់ ដើម្បីចាប់អ្នកនៅពីក្រោយខ្នងមកផ្ដន្ទាទោសជាទម្ងន់ និងឆាប់រហ័ស។
បើទោះបីជាឃាតកដែលបានបាញ់សម្លាប់លោកបណ្ឌិត កែម ឡី ទាំងកណ្ដាលថ្ងៃនៅរាជធានីភ្នំពេញ ត្រូវសមត្ថកិច្ចចាប់បានក៏ដោយចុះ ប៉ុន្តែប្រជាពលរដ្ឋមួយចំនួននៅខេត្តបាត់ដំបង មិនជឿថាមានជនសង្ស័យតែម្នាក់ឯងឡើយ៖ «»។
ពលរដ្ឋនៅខេត្តមួយនេះ មិនជឿថា ឃាតកសម្លាប់លោកបណ្ឌិត កែម ឡី ដោយសារតែរឿងជំពាក់ប្រាក់ ៣ពាន់ដុល្លារសហរដ្ឋអាមេរិកឡើយ ពីព្រោះពួកគាត់បញ្ជាក់ថា លោកបណ្ឌិតជាមនុស្សចេះដឹងជ្រៅជ្រះ និងសុភាពរាបសា ដែលជាទីស្រឡាញ់របស់ប្រជាពលរដ្ឋគ្រប់រូបនៅកម្ពុជា៖ «»។
អ្នកស្រុកស្នើឲ្យរដ្ឋាភិបាលបង្កើតគណៈកម្មការស៊ើបអង្កេត វែកមុខចាប់ជននៅពីក្រោយខ្នង មិនថាជននោះមានឋានៈធំប៉ុនណាឡើយ គឺត្រូវចាប់យកមកផ្ដន្ទាទោសតាមផ្លូវច្បាប់ឲ្យឆាប់រហ័ស៖ «»។
ទោះបីជាយ៉ាងនេះក្ដី ប្រជាពលរដ្ឋនឹងទន្ទឹងរង់ចាំមើលចំណាត់ការពីសំណាក់រដ្ឋាភិបាលបន្តទៅទៀត។ ពួកគាត់បញ្ជាក់ថា ប្រសិនបើរដ្ឋាភិបាលមិនបានផ្ដល់យុត្តិធម៌ពិតប្រាកដជូនក្រុមគ្រួសារលោកបណ្ឌិត កែម ឡី ទេ នោះពួកគាត់នឹងរួមកម្លាំងគ្នាតវ៉ារកយុត្តិធម៌ជូនវីរជនឲ្យទាល់តែបាន៕
1 comment:
Dr. Kem Ley is our Khmer National Hero, whereas Prett Norodom Sihanouk is a Khmer National Zero.
People are deeply saddened of Dr. Kem Ley's passing.
He left a legendary legacy behind for Khmer people to follow: the COURAGE to spell the truth against the Ah kouk Hun Sen autocratic regime and the expansionist evil Yuon Vietnam.
We miss Dr. Kem Ley !!
Bun Thoeun
Post a Comment