A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Sunday 17 July 2016
យុវជនមួយចំនួននៅខេត្តសៀមរាបព្រួយបារម្ភពីការបាត់បង់មច្ឆជាតិក្នុងបឹងទន្លេសាប
ដោយ ហង្ស សាវយុត
2016-07-15
យុវជនចូលរួមវេទិកាសាធារណៈដែលមានចំណងជើងថា «ម្ចាស់បឹងទន្លេសាប» នាខេត្តសៀមរាប កាលពីថ្ងៃទី១០ ខែកក្កដា ឆ្នាំ២០១៦។ RFA/Hang Savyouth
RFA/Hang Savyouth
ក្រុមយុវជនដែលគាំទ្រគណបក្សសង្គ្រោះជាតិ នៅខេត្តសៀមរាប ប្រមាណ ៣០០នាក់ បានធ្វើវេទិកាសាធារណៈជាមួយគ្នានៅឯតំបន់កន្ធាយកូម សង្កាត់ចុងឃ្នៀស ក្នុងបឹងទន្លេសាប កាលពីព្រឹកថ្ងៃអាទិត្យ ទី១០ ខែកក្កដា។
វេទិកាសាធារណៈដែលមានចំណងជើងថា «ម្ចាស់បឹងទន្លេសាប» នោះ គឺពួកគេសម្ដែងការព្រួយបារម្ភជាខ្លាំងទៅលើបញ្ហាពូជត្រីចេះតែបាត់បង់ទៅ ដោយសារការនេសាទខុសច្បាប់ និងការកាប់បំផ្លាញព្រៃលិចទឹកដែលជាជម្រកត្រីពងកូន ជាដើម។
ក្រុមយុវជន និងប្រជាពលរដ្ឋជាច្រើន បានសម្ដែងការព្រួយបារម្ភថា ប្រសិនបើរដ្ឋាភិបាលមិនព្រមចាត់វិធានការក្តៅទប់ស្កាត់សកម្មភាពនេសាទខុសច្បាប់ និងការកាប់បំផ្លាញព្រៃលិចទឹកដើម្បីទន្ទ្រានយកដីនៅក្នុងបឹងទន្លេសាបឲ្យទាន់ពេលវេលាទេនោះ គឺពូជមច្ឆជាតិអាចនឹងបាត់បង់គ្មានសល់នៅពេលដ៏ខ្លីខាងមុខ។
ការព្រួយបារម្ភនេះ បានលើកឡើងនៅក្នុងវេទិកាសាធារណៈមួយដែលរៀបចំឡើងដោយក្រុមមន្ត្រីមកពីគណបក្សសង្គ្រោះជាតិ នៅសង្កាត់ចុងឃ្នៀស នៃបឹងទន្លេសាប។
យុវជនម្នាក់ដែលមកពីស្រុកជីក្រែង ភាគខាងកើតរបស់ខេត្តសៀមរាប ក្នុងចំណោមយុវជនប្រមាណ ៣០០នាក់ផ្សេងទៀតដែលចូលរួមក្នុងវេទិកាម្ចាស់បឹងទន្លេសាប គឺលោក ឈឿម លំអង។ លោកបានចោទសួរទៅមន្ត្រីគណបក្សប្រឆាំងថា តើគណបក្សសង្គ្រោះជាតិ ដែលមានអាសនៈនៅក្នុងសភាដែរនោះ ពេលបច្ចុប្បន្នមានលទ្ធភាពប៉ុណ្ណាក្នុងការជំរុញឲ្យរដ្ឋាភិបាលយកចិត្តទុកដាក់ទៅលើកិច្ចការពារធនធានជលផលនៅក្នុងបឹងទន្លេសាប? ការចោទសួរបែបនេះ ដោយសារតែលោកមើលឃើញថា បទល្មើសនេសាទកំពុងតែកើតមានជាច្រើនកន្លែងនៅជុំវិញតំបន់ដែលគាត់រស់នៅ៖ «ពេលដែលគណបក្សសង្គ្រោះជាតិ ជាប់ឆ្នោតក្នុងអាណត្តិនេះ មានវិធានការ ឬក៏យុទ្ធសាស្ត្រយ៉ាងដូចម្ដេច ដើម្បីប្រឆាំងការនេសាទត្រីខុសច្បាប់»។
ប្រជាពលរដ្ឋម្នាក់ទៀតដែលសុំមិនបញ្ចេញឈ្មោះ បានចោទប្រកាន់ថា ជនជាតិវៀតណាម ជាច្រើនដែលកំពុងរស់នៅលើផ្ទៃទឹកនៃបឹងទន្លេសាប គឺជាអ្នកដែលពាក់ព័ន្ធយ៉ាងសំខាន់ក្នុងការធ្វើឲ្យផលនេសាទត្រីថយចុះ។ ប្រជាពលរដ្ឋរូបនោះមានប្រសាសន៍ថា បច្ចុប្បន្ន ធនធានត្រីនៅក្នុងបឹងទន្លេសាប គឺល្មមនឹងឲ្យប្រជាពលរដ្ឋខ្មែរនេសាទយកទៅចិញ្ចឹមជីវិត ក៏ប៉ុន្តែបច្ចុប្បន្ន ប្រជាពលរដ្ឋខ្មែរមិនបានទទួលផលពីនេសាទគ្រប់គ្នាទេ ពីព្រោះតែជនជាតិវៀតណាម ជាច្រើនបានដណ្ដើមធនធានជលផលទាំងនេះ៖ «បើសិនពួកនេះនៅក្នុងទឹក ទោះបីជាឯកឧត្តមលែងត្រីក្នុងមួយឆ្នាំ ២០០តោនក៏អត់នៅសល់ដែរ។ អ៊ីចឹងតើមានវិធានការយ៉ាងម៉េច ដើម្បីឲ្យជនជាតិវៀតណាម ទាំងនោះឡើងមកលើគោកឲ្យអស់»។
អ្នកតំណាងរាស្ត្រ និងសកម្មជននៃគណបក្សសង្គ្រោះជាតិ បានយល់ស្របទៅនឹងកង្វល់របស់ប្រជាពលរដ្ឋទាំងនោះ ហើយអំពាវនាវឲ្យប្រជាពលរដ្ឋត្រូវរួមគ្នាដើម្បីការពារធនធានជលផល និងព្រៃលិចទឹកក្នុងបឹងទន្លេសាបតទៅទៀត។
អ្នកតំណាងរាស្ត្រមណ្ឌលកំពង់ធំ និងជាប្រធានក្រុមការងារគណបក្សសង្គ្រោះជាតិ ខេត្តសៀមរាប លោក ម៉ែន សុថាវរិន្ទ្រ មានប្រសាសន៍ថា បឹងទន្លេសាបជាបឹងធំជាងគេនៅតំបន់អាស៊ីអាគ្នេយ៍ ប្រៀបបានទៅនឹងកូនសមុទ្រទឹកសាបមួយ។ បឹងនេះជាជម្រកត្រីទឹកសាបដ៏សំខាន់បំផុតដែលមានត្រីរាប់ពាន់អំបូរ ក៏ប៉ុន្តែបច្ចុប្បន្ននេះ ធនធានជលផលរបស់បឹងទន្លេសាបកំពុងទទួលរងនូវការនេសាទធ្វើអាជីវកម្មហួសកម្រិត ដែលគួរឲ្យព្រួយបារម្ភចំពោះការបាត់បង់ពូជមច្ឆាធ្ងន់ធ្ងរ៖ «ការធ្លាក់ចុះធនធានជលផល ធ្វើឲ្យប្រជានេសាទត្អូញត្អែរគ្រប់គ្នាអំពីការពិបាករកត្រី ដើម្បីចិញ្ចឹមជីវិត និងក្រុមគ្រួសារ»។
សមាជិកក្រុមប្រឹក្សាខេត្តសៀមរាប លោក សុខ គឹមសេង បានកត់សម្គាល់ឃើញថា រាល់បទល្មើសនេសាទនៅក្នុងបឹងទន្លេសាបនៃខេត្តនេះ ភាគច្រើនមិនមែនជាអ្នកនេសាទតូចតាចទេ។ លោក សុខ គឹមសេង រិះគន់មន្ត្រីរដ្ឋាភិបាល ថាហាក់ដូចជាធ្វើការបង្ក្រាបទៅលើការនេសាទខុសច្បាប់ដោយមិនចំគោលដៅពិតប្រាកដនៅឡើយ ដូចជាអ្នកដាក់មងប្រវែង ៥០ម៉ែត្រទៅ ១០០ម៉ែត្រ សុទ្ធតែខុសច្បាប់ ប៉ុន្តែប្រសិនបើឈ្មួញនេសាទដោយអូសម៉ាញ់ និងកាណូតធំៗ គឺមិនខុសទេ ហើយក៏មិនដែលមន្ត្រីជំនាញណាចុះបង្ក្រាបដែរ។ បញ្ហាម្យ៉ាងទៀត ការកាប់បំផ្លាញព្រៃលិចទឹកដើម្បីរុករានយកដី ក៏កំពុងកើតមានជាច្រើនកន្លែងដែរ៖ «មិនមែនការពារមួយថ្ងៃបានទេបងប្អូន។ ដូច្នេះយើងត្រូវរួមគ្នាការពារថែមទៀត។ សង្ឃឹមលើមន្ត្រីឲ្យការពារ គឺមិនបានទេ ដោយសារតែវាមានចំណុចរសើបច្រើនពេក»។
វេទិកាសាធារណៈដែលធ្វើឡើងនៅតំបន់បឹងទន្លេសាប កាលពីថ្ងៃទី១០ ខែកក្កដា នោះ គឺមានអាជ្ញាធរក្រុងសៀមរាប និងសមត្ថកិច្ចខ្លះបានតាមឃ្លាំមើល ប៉ុន្តែមិនបង្ហាញប្រតិកម្មអ្វីទេ។
អភិបាលក្រុងសៀមរាប លោក សូ ប្លាតុង ដែលនៅចាំឃ្លាំមើលឆ្ងាយពីវេទិកាមានប្រសាសន៍ថា នេះជាសេរីភាពបញ្ចេញមតិរបស់ប្រជាពលរដ្ឋ។ ទោះយ៉ាងណា លោកច្រានចោលការលើកឡើងរបស់ប្រជាពលរដ្ឋ ដែលចោទប្រកាន់ថាអាជ្ញាធរព្រងើយកន្តើយក្នុងការបង្ក្រាបបទល្មើសនេសាទនោះ គឺមិនពិតទេ៖ «មិនមែនថាយើងមិនបានបង្ក្រាប ឬក៏មិនបានចុះទេ គឺជំនាញមួយៗ និងគណៈបញ្ជាការអីគាត់តែងចុះជាប់ជាប្រចាំ»។
កាលពីដើមឆ្នាំ២០១៦ អង្គការសម្ព័ន្ធភាពដើម្បីអភិរក្សធនធានជលផលដែលហៅកាត់ថា ហ្វេកថ៍ (Fact) ក៏ធ្លាប់សម្ដែងការព្រួយបារម្ភចំពោះការនេសាទត្រី និងជីវចម្រុះក្នុងបឹងទន្លេសាបថយចុះខ្លាំង ដោយសារតែរដូវប្រាំងអូសបន្លាយរយៈពេលវែង ធ្វើឲ្យបឹងអភិរក្សត្រីពូជមួយចំនួនបានរីង និងគោករាក់ រួមនឹងការនេសាទខុសច្បាប់ដោយមានការបង្ក្រាបតិចតួចផងនោះ៕
Subscribe to:
Post Comments (Atom)
2 comments:
When will they show the video of Dr. Kem Ley's shooting? When? When? When?
It looks like we come back to the old same shit: " behaving like a hay fire " then forgetting about every shit we try to accomplish too fast.
And that our temperament.
If we keep behaving like that, do not cry out that the evil Yuon took our land.
For the time being, and to honor Dr. Kem Ley's spirit, can we take some concrete steps to push for Ah Kouk Hun Sen government to find the real killer and the mastermind behind it?
Dear All,
The problems such as illegal fishing, illegal logging, corruptions and the likes can be solved only
when the Khmer people can solve the problems of Hun Sen.
The Hun Sen problems can be solved only by solving problems the problems of Hanoi.
The Hanoi problems cannot be solved without the help of and from the signatories of the
Paris Peace Accords.
A long journey begins with a first step!
Post a Comment