A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Monday 11 July 2016

លោក​ ហ៊ុន សែន ចាត់​ទុក​ការសម្លាប់លោក កែម ឡី ជា”ការផ្ចាញ់ផ្ចាលមួយ”ដល់រដ្ឋាភិបាល


ដោយ លោក ស៊ុន ណារិន​​ | ថ្ងៃចន្ទ ទី១១ ខែកក្កដា ឆ្នាំ២០១៦​


លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះចាត់ទុកការធ្វើឃាតអ្នកវិភាគសង្គមនិងអ្នកស្រាវជ្រាវសង្គម លោក កែម ឡី ធ្វើឲ្យប៉ះពាល់ដល់មុខមាត់រដ្ឋាភិបាលនិងថានេះជា”ការផ្ចាញ់ផ្ចាល”មួយដល់រដ្ឋាភិបាល។

លោកបណ្ឌិត កែម ឡី ត្រូវបានខ្មាន់កំាភ្លើងបាញ់សម្លាប់នៅម៉ោងប្រមាណ៩ព្រឹក កាលពីថ្ងៃអាទិត្យនៅម៉ាតលក់ទំនិញមួយក្បែរស្តុបបូកគោ។

ក្នុងពិធីសម្ពោធដាក់ឲ្យប្រើប្រាស់អគារនិងប្រព័ន្ធហេដ្ឋារចនាសម្ព័ន្ធមួយចំនួនទៀតនៅទីបញ្ជាការដ្ឋានកងរាជអាវុធហត្ថលើផ្ទៃប្រទេស លោក ហ៊ុន សែន បានចាត់ទុកការបាញ់សម្លាប់នេះជា”អំពើឃោរឃៅព្រៃផ្សៃមួយ”។ លោកបន្តថានេះជាលើកទីពីរហើយ បន្ទាប់ពីការបាញ់សម្លាប់ឧកញ៉ាម្នាក់ ឈ្មោះ អុឹង ម៉េងជឺ កាលពីថ្ងៃទី២២ ខែវិច្ឆិកា ឆ្នាំ២០១៤។ លោកបានអំពាវនាវឲ្យប្រជាពលរដ្ឋទុកពេលឲ្យស្ថាប័នមានសមត្ថកិច្ចស្រាវជ្រាវករណីនេះ រកជនដៃដល់និងជនឃុបឃិតមកផ្តន្ទាទោស។

លោក ហ៊ុន សែន ក៏អំពាវនាវកុំឲ្យមានការលាបពណ៌ថាករណីនេះជារឿងនយោបាយ។ លោក“ខ្ញុំគិតថាតើអ្នកណាទទួលផលចំណេញពីសោកនាដកម្មនេះ? តើអ្នកណាទទួលផលចំណេញនិងផលខាត…”។



លោកមានប្រសាសន៍ថា៖ “អ្វីទៅដែលហៅថាជាការខាតបង់? នេះជាការប៉ះពាល់ធ្ងន់ធ្ងរចំពោះមុខមាត់របស់រាជរដ្ឋាភិបាលតែម្តង? តើអ្នកណានឹងទទួលផលចំណេញអំពីរឿងបែបនេះកើតឡើង នៅក្នុងពេលដែលរាជរដ្ឋាភិបាលកំពុងនិយាយអំពីសន្តិសុខនិងសុវត្ថិភាពប្រជាពលរដ្ឋ។ ចំណុចនេះ ខ្ញុំគិតថាវាហាក់ដូចជាការផ្ចាញ់ផ្ចាលមួយសម្រាប់យើង”។ លោកបន្ថែមថារដ្ឋាភិបាលរងការរិះគន់ថាអសមត្ថភាពក្នុងការការពារសន្តិសុខសុវត្ថិភាពជូនប្រជាពលរដ្ឋនិងការលាបពណ៌ករណីឃាតកម្មនេះជារឿងនយោបាយ។

លោកនាយករដ្ឋមន្រ្តីបន្តទៀតថានៅកម្ពុជាងាយណាស់ក្នុងការប្រែក្លាយរឿងឃាតកម្មជារឿងនយោបាយ។ ទោះជាយ៉ាងណា លោកសង្ឃឹមថាប្រជាពលរដ្ឋនឹងមិនប្រែក្លាយឧក្រិដ្ឋកម្មនេះជារឿងនយោបាយនោះទេ។

លោកនាយករដ្ឋមន្រ្តីក៏បានបង្ហាញសេចក្តីសង្ឃឹមថាអ្នកនយោបាយនឹងមិនប្រើប្រាស់ឃាតកម្មនេះជារឿងនយោបាយនិងនាំឲ្យជាតិចលាចល។ ក្នុងឱកាសនោះ លោកនាយករដ្ឋមន្រ្តីក៏បានដាក់បញ្ជាឲ្យប្រយុទ្ធប្រឆាំងនឹងបទឧក្រិដ្ឋកម្មនានា ការគ្រប់គ្រងអាវុធនិងបញ្ហាគ្រឿងញៀនដែលកំពុងកើតឡើងនៅកម្ពុជា។

ក្រោយការស្លាប់របស់លោក កែម ឡី លោកនាយករដ្ឋមន្រ្តី ហ៊ុន សែន កាលពីថ្ងៃអាទិត្យ បានចូលរួមរំលែកទុក្ខដល់សពលោក កែម ឡី។ លោកបានសរសេរនៅលើហ្វេសប៊ុករបស់លោកថា៖ “ខ្ញុំសូមចូលរួមមរណទុក្ខចំពោះមរណភាពរបស់លោក កែម ឡី ដែលត្រូវខ្មាន់កាំភ្លើងបាញ់ប្រហារយ៉ាងឃោរឃៅដែលខ្ញុំសូមថ្កោលទោសអំពើរដ៏ព្រៃផ្សៃនេះ”។

ភរិយារបស់លោក កែម ឡី អ្នកស្រី ប៊ូ រចនា បានប្រាប់វីអូឌីកាលពីថ្ងៃអាទិត្យថាប្តីរបស់អ្នកស្រីមិនដែលមានបញ្ហាជាមួយអ្នកណានោះទេ។ អ្នកស្រីបានច្រានចោលការលើកឡើងថាលោក កែម ឡី ជំពាក់លុយគេមិនសង។ អ្នកស្រីចាត់ទុកករណីនេះជារឿងនយោបាយ។

លោក ជា មុនី ដែលជាប្អូនប្រុសរបស់លោក ជា វិជ្ជា មេដឹកនាំសហជីពដែលត្រូវបានបាញ់សម្លាប់កាលពីឆ្នាំ២០០៤ ប្រាប់អ្នកសារព័ត៌មានកាលពីថ្ងៃអាទិត្យនៅកន្លែងឃាតកម្មបាញ់សម្លាប់លោក កែម ឡី ថាករណីនេះមិនទាក់ទងទៅនឹងរឿងឯកជនរបស់លោក កែម ឡី នោះទេ។ លោកមានប្រសាសន៍ថា៖ “មិនមែនជារឿងឯកជនទេ! សុំទោសតែហ្មង។ អ្នកណាថាជារឿងឯកជន ឆ្កួតចំហើយ! ” ។

នាយកប្រតិបត្តិសមាគមធាងត្នោត លោក អ៊ី សារុំ ប្រាប់វីអូឌីនៅកន្លែងឃាតកម្មថាករណីនេះទាក់ទងនឹងរឿងនយោបាយ ដោយលោកអះអាងថាលោក កែម ឡី បានបញ្ចេញយោបល់របស់លោករិះគន់រដ្ឋាភិបាល។ លោកមានប្រសាសន៍ថា៖ “រឿងនេះវាជារឿងនយោបាយព្រោះលោកកែម ឡី គាត់ជាអ្នកវិភាគឯករាជ្យមួយរូបហើយកន្លងមកគាត់មានការវិភាគលើកឡើងពីបញ្ហាសង្គមហើយមានការបះពាល់ទៅលើមន្ត្រីរបស់រដ្ឋាភិបាល ក៏ដូចជាអ្នកជំនួញធំដែលធ្វើឲ្យមានការមិនសប្បាយចិត្ត”។

ចាប់តាំងពីថ្ងៃព្រហស្បតិ៍សប្តាហ៍នេះ លោក កែម ឡី ត្រូវបានសារព័ត៌មានផ្សេងៗហៅសម្ភាសន៍ពីរបាយការណ៍របស់អង្គការគ្លូបល វីតណេស(Global Wintess)ពីរឿងជំនួញធំៗរបស់ក្រុមគ្រួសារត្រកូលហ៊ុន។

ក្រោយពីការបាញ់សម្លាប់ ខ្មាន់កាំភ្លើងម្នាក់ដែលគេអះអាងថាជាអ្នកបាញ់លោក កែម ឡី ត្រូវបានសមត្ថកិច្ចចាប់ខ្លួន។

ក្រសួងមហាផ្ទៃបានចេញសេចក្តីប្រកាសព័ត៌មានមួយកាលពីថ្ងៃអាទិត្យដោយថាខ្មាន់កាំភ្លើងដែលបានបាញ់ប្រហារលោកបណ្ឌិត កែម ឡី មានឈ្មោះ ជួប សម្លាប់ អាយុ៣៨ឆ្នាំ និងមានស្រុកកំណើតនៅឯស្រុកស្វាយចេក ខេត្តបន្ទាយមានជ័យ។ ទោះជាយ៉ាងណា ក្រសួងមហាផ្ទៃពុំបានបញ្ជាក់ពីមូលហេតុនៃបាញ់ប្រហារលើលោកបណ្ឌិត កែម ឡី នោះឡើយ ដោយគ្រាន់តែប្រាប់ថាជនដៃដល់ធ្លាប់ទៅរស់នៅនិងធ្វើជាកម្មករនៅចម្ការដំណាំនៅខេត្តស្រះកែវ ប្រទេសថៃ៕

5 comments:

Anonymous said...

Ah Kouk Hun Sen,

Can you clarify the Serial number of the gun, which killed Kem Ley ??

It is clear that every fatal accident pointed to your third hand.

Anonymous said...



សុវត្ថិភាពប្រជាជន ជាកាតព្វកិច្ចរបស់រដ្ឋាភិបាល តើអាគុកហ៊ុនសែនអែងចង់ថាអ្នកណា ជាអ្នកផ្ចាញ់ផ្ចាលដល់រដ្ឋាភិបាល?
អាគុកហ៊ុនសែន?


Anonymous said...

A kwak you and your family's day will arrive soon enough.
You can laugh now and when the time comes, you and your family will meet savagery.There are people out waiting for you to fall and savage you and your family.

Anonymous said...

Keep going, Ah Kork Hun Sen, Ah Yong Yuon. Enough is enough. It is time for you and your wife and family to have the ropes to hang.

Kim Ea said...

The chilling affected is not just his cover up speech . You are as a Khmer democratic lover , ought to think deep in your gut,how we're as Khmer can fend of this kind of ripple affect like this assassination of and idealist patriotic Kem Ley of to day, in the future to come . When i read the news information about this criminal killer back ground , i am so scared and worried about chilling of hiring the killer in this magnitude back ground by unkown mafia . The hiring of killer from a remnant of Child soldier of communist Pol Pot era is a deep problem we as Khmer ought to double thinking. How many thousand more of such child soldiers still existed in this nation prone to be a blood thirsty killers ? These gutless uneducated can be hired at high price offer as an executioners at any time and cover up from the system . This nation will met with dire consequences from a scheme of hire to kill with big reward in the future, when the regime don't really like or hate some one . Then all of criticism to the regime wrong doing,will felt flat on these abominable former child soldiers communist remnant parasites plentiful existence in the nation . they employed these unknown killers as tool to shut up any attend to correct the government wrong doing .