A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Wednesday 11 May 2016
ប៉ូលិសខេត្តព្រះវិហារចាប់អ្នកកាសែតម្នាក់និងសាកសួរ៦នាក់ទាក់ទងនឹងបណ្ដឹងរបស់ពលរដ្ឋ
ប៉ូលិសខេត្តព្រះវិហារចាប់អ្នកកាសែតម្នាក់និងសាកសួរ៦នាក់ទាក់ទងនឹងបណ្ដឹងរបស់ពលរដ្ឋ
ដោយ ហង្ស សាវយុត
2016-05-10
ផែនទីខេត្តព្រះវិហារ
Photo: RFA
ប្រជាពលរដ្ឋខ្លះនៅស្រុកគូលែន ខេត្តព្រះវិហារ បង្ហាញការមិនសប្បាយចិត្តជាមួយអ្នកសារព័ត៌មានមួយក្រុមដែលដើរចល័តគ្រប់ទីកន្លែង ថាបានប្រព្រឹត្តខុសនឹងវិជ្ជាជីវៈ រួមទាំងក្រមសីលធម៌របស់អ្នកកាសែត ហើយដើរទារប្រាក់ពីអ្នកភូមិដែលដឹកឈើបន្តិចបន្តួចតាមរទេះគោ។
អ្នកភូមិខ្លះដែលអ្នកកាសែតទារប្រាក់ពីការដឹកឈើតាមរទេះគោនោះ បានដាក់ពាក្យបណ្ដឹងប្រឆាំងនឹងក្រុមអ្នកកាសែតទាំងនោះ ពីបទគំរាមទារប្រាក់ដោយខុសច្បាប់។
ប៉ូលិសនៃអធិការដ្ឋានស្រុកគូលែន ខេត្តព្រះវិហារ បាននាំខ្លួនអ្នកកាសែតចំនួន ៧នាក់ទៅសាកសួរជាង ១០ម៉ោងមកហើយ ចាប់តាំងពីរសៀលថ្ងៃទី៩ រហូតមកដល់ថ្ងៃអង្គារ ទី១០ ខែឧសភា។
អ្នកកាសែតចំនួន ៧នាក់ដែលប៉ូលិសមិនបញ្ជាក់ពីឈ្មោះ និងអង្គភាពនោះ ត្រូវបាននាំខ្លួនទៅសាកសួរ បន្ទាប់ពីប្រជាពលរដ្ឋប្ដឹងថា ពួកគេបានគំរាមទារប្រាក់ពីអ្នកភូមិដែលដឹកឈើបន្តិចបន្តួចតាមរទេះគោយកទៅធ្វើផ្ទះសម្បែង។
ស្នងការរងទទួលបន្ទុកព្រហ្មទណ្ឌរបស់ខេត្តព្រះវិហារ គឺលោក កែវ ចំរើន។ លោកមានប្រសាសន៍កាលពីរសៀលថ្ងៃអង្គារ ទី១០ ខែឧសភា ថា សមត្ថកិច្ចគ្រាន់តែនាំខ្លួនអ្នកកាសែតចំនួន ៦នាក់ទៅសាកសួរ ជុំវិញករណីបណ្ដឹងរបស់ប្រជាពលរដ្ឋ ដែលចោទប្រកាន់ពីបទគំរាមទារប្រាក់តាមរទេះគោដឹកឈើប៉ុណ្ណោះ ហើយនឹងត្រូវដោះលែងវិញបន្ទាប់ពីសាកសួររួច។ ដោយឡែកអ្នកកាសែតម្នាក់ក្នុងចំណោមនោះឈ្មោះ ប្រាក់ សុខុន នឹងត្រូវចាប់ខ្លួនទៅតាមដីការបស់ព្រះរាជអាជ្ញាអមសាលាដំបូងខេត្តកំពង់ឆ្នាំង៖ «ឈ្មោះ ប្រាក់ សុខុន អ្នកសារព័ត៌មានកម្ពុជា មែន។ ឃាត់ខ្លួនពាក់ព័ន្ធនឹងករណីនៅខេត្តកំពង់ឆ្នាំង ពីបទលួចដោយហិង្សា»។
ទោះបីជាយ៉ាងណា ស្នងការរងនគរបាលដដែល មិនបញ្ជាក់ឈ្មោះអ្នកកាសែតចំនួន ៦នាក់ និងអង្គភាពទេ។
អ្នកសម្របសម្រួលនៃសមាគមការពារសិទ្ធិមនុស្សអាដហុក (ADHOC) ខេត្តព្រះវិហារ លោក ឡោ ចាន់ មានប្រសាសន៍ថា រហូតមកដល់ពេលនេះ លោកមិនទាន់ប្រាកដថា តើប៉ូលិសដែលឃាត់ខ្លួនអ្នកកាសែតច្រើននាក់នោះ ធ្វើឡើងតាមមូលហេតុត្រឹមត្រូវ ឬក៏យ៉ាងណាទេ៖ «បើសិនជាអ្នកសារព័ត៌មានទាំងអស់នោះ ពិតជាបានកាក់អ្នកដឹកឈើបង់ខែយកលុយ គឺអ្នកសារព័ត៌មានទាំងអស់នោះខុសនឹងវិជ្ជាជីវៈ»។
លោក ប៉ែន បូណា ប្រធានក្លឹបអ្នកកាសែតកម្ពុជា បញ្ជាក់ថា លោកមិនទាន់ដឹងអំពីរឿងដែលសមត្ថកិច្ចខេត្តព្រះវិហារ ហៅអ្នកកាសែត ៦នាក់ទៅសាកសួរ ហើយចាប់ខ្លួនអ្នកកាសែតម្នាក់នោះនៅឡើយទេ។ លោក ប៉ែន បូណា អំពាវនាវឲ្យសមត្ថកិច្ច ធ្វើយ៉ាងណាឲ្យមានយុត្តិធម៌ក្នុងការចាប់ខ្លួននោះ ជៀសវាងការបំពានមកលើអ្នកកាសែត។
កាលពីឆ្នាំ២០១៥ កន្លងទៅ សមត្ថកិច្ចខេត្តព្រះវិហារ ក៏ធ្លាប់បានចាប់ខ្លួនអ្នកយកព័ត៌មានឲ្យទូរទស្សន៍អប្សរាម្នាក់ និងភ្នាក់ងារព័ត៌មានរបស់រដ្ឋម្នាក់ដាក់ពន្ធនាគារ ពីបទគំរាមទារប្រាក់ពីក្រុមឈ្មួញដឹកឈើដែរ។
អង្គការអាដហុក ខេត្តព្រះវិហារ បានមើលឃើញថា បច្ចុប្បន្ននេះ នៅខេត្តព្រះវិហារ គឺមានអ្នកកាសែត ទូរទស្សន៍ និងវិទ្យុចំនួនប្រហែល ១០អង្គភាព កំពុងធ្វើការផ្នែកព័ត៌មានជាប្រចាំថ្ងៃមិនដែលមានបញ្ហាអ្វីទេ ប៉ុន្តែបញ្ហាដែលមានការចាប់ខ្លួនអ្នកសារព័ត៌មានខ្លះ ពាក់ព័ន្ធនឹងករណីគំរាមទារប្រាក់ពីអ្នកដឹកឈើនោះ គឺច្រើនតែអ្នកកាសែតចល័តមកពីតំបន់ផ្សេងៗ ដែលគ្មានកន្លែងស្នាក់នៅ គ្មានការងារ និងគ្មានមុខរបរពិតប្រាកដ៕
Subscribe to:
Post Comments (Atom)
No comments:
Post a Comment