ដោយ សួន សុផលមុន្នី RFA
2013-07-19
2013-07-19
១៩-កក្កដា-២០១៣៖ ស័ង្កសី និងគំនរផេះ
ក្រោយភ្លើងឆេះលំនៅឋានរបស់សកម្មជនគណបក្សសង្គ្រោះជាតិ លោក ឆួរ ចិន
ដែលគេសង្ស័យថា អគ្គិភ័យនេះបង្កឡើងដោយសារជនមិនស្គាល់មុខលួចដុត
កាលពីរាត្រីទៀបភ្លឺថ្ងៃទី១៩ ខែកក្កដា ឆ្នាំ២០១៣ នាភូមិរោលជ្រូក
ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។
Licadho Photo
លំនៅឋានមួយខ្នងស្ថិតនៅភូមិរោលជ្រូក ឃុំជប់វារី
ស្រុកព្រះនេត្រព្រះ ខេត្តបន្ទាយមានជ័យ
ត្រូវបានជនមិនស្គាល់មុខលួចដុតបំផ្លាញ
កាលពីរាត្រីទៀបភ្លឺថ្ងៃទី១៩ ខែកក្កដា ឆ្នាំ២០១៣។
អំពើហិង្សាលួចដុតបំផ្លាញលំនៅឋាននេះ ត្រូវគេសង្ស័យថា
មានជាប់ពាក់ព័ន្ធទៅនឹងរឿងនយោបាយ។ លេខាគណបក្សសង្គ្រោះជាតិ
ប្រចាំស្រុកព្រះនេត្រព្រះ និងជាម្ចាស់ផ្ទះឈ្មោះ ឆួរ ចិន អាយុ
៥៧ឆ្នាំ បញ្ជាក់ថា លំនៅឋានរបស់គាត់ទំហំ ៤ម៉ែត្រ គុណនឹង ៦ម៉ែត្រ
សង់ពីឈើប្រក់ស័ង្កសី ត្រូវគេលួចដុតឆេះរាបដល់ដី ខណៈដែលរូបលោក
និងក្រុមគ្រួសារគេចខ្លួនមកស្នាក់ការគណបក្សសង្គ្រោះជាតិ
នៅទីរួមខេត្តបន្ទាយមានជ័យ៖ «រឿងគំរាមសម្លាប់មួយពូជ
ហើយក្រោយមកក៏មានកើតរឿងហ្នឹងទៀត។
ខ្ញុំមិនដែលមានរឿងរ៉ាវអីជាមួយអ្នកណាទេ កាលពីថ្ងៃទី៣
មានទូរស័ព្ទមកគំរាមម្ដង។ មកដល់ថ្ងៃទី១១ កក្កដា គំរាមម្ដងទៀត។
ដល់ថ្ងៃទី១៩ ភ្លើងឆេះខ្ទេច។ កន្លងទៅនេះ
គេគំរាមសម្លាប់មួយពូជឲ្យឈប់ធ្វើការជាមួយគណបក្សសង្គ្រោះជាតិ»។
មន្ត្រីគណបក្សសង្គ្រោះជាតិ រូបនេះសង្ស័យថា ការដុតបំផ្លាញលំនៅឋាន អាចមានជាប់ពាក់ព័ន្ធទៅករណីជនមិនស្គាល់មុខដែលបានគំរាមគ្រួសារ លោក សម្លាប់មួយពូជតាមទូរស័ព្ទ កាលពីថ្ងៃទី៣ និងថ្ងៃទី១១ ខែកក្កដា ឆ្នាំ២០១៣។
មេភូមិរោលជ្រូក លោក ឈុំ វ៉ាត ថ្លែងថា អគ្គិភ័យបានឆេះបំផ្លាញផ្ទះរបស់ លោក ឆួរ ចិន កាលពីម៉ោងប្រហែល ១ និង ២០នាទី ថ្ងៃទី១៩ ខែកក្កដា។ ម្ចាស់ផ្ទះជាសកម្មជនគណបក្សសង្គ្រោះជាតិ កន្លងទៅនេះពុំដែលមានទំនាស់នៅក្នុងភូមិនោះទេ ប៉ុន្តែផ្ទះរបស់គាត់ត្រូវភ្លើងឆេះនៅក្រោយពីមានជនអនាមិកគំរាម សម្លាប់តាមទូរស័ព្ទ៖ «ខ្ញុំមិនដឹងពីមូលហេតុអី ព្រោះគាត់នៅក្នុងភូមិនេះមិនដែលមានទំនាស់ជាមួយបងប្អូនផង លួចដុតប្រហែលជាចាក់សាំង ព្រោះផ្ទះនេះជញ្ជាំងក្ដារប្រក់ស័ង្កសី ការងារភូមិ មេភូមិ សមាជិកភូមិ មិនដែលមានបាតុភាពអីទៅលើគាត់ទេ»។
សមត្ថកិច្ចប៉ូលិស និងមន្ត្រីជំនាញពាក់ព័ន្ធ បានចុះទៅដល់កន្លែងកើតហេតុ ហើយបានធ្វើកំណត់ហេតុសួរនាំម្ចាស់ផ្ទះអស់រយៈពេលជាច្រើនម៉ោង ប៉ុន្តែពុំបានធ្វើការសន្និដ្ឋានថា ករណីនេះមានជាប់ពាក់ព័ន្ធរឿងនយោបាយ ឬជារឿងគំនុំនោះទេ។ ស្នងការនគរបាលខេត្តបន្ទាយមានជ័យ លោក ខេង ស៊ុំ សន្និដ្ឋានថា អគ្គិភ័យឆេះបំផ្លាញលំនៅឋានសកម្មជនគណបក្សសង្គ្រោះជាតិ នោះ ទំនងកើតមានឡើងដោយសារការឆ្លងចរន្តអគ្គិសនីនៅពេលពុំមានមនុស្សនៅ ផ្ទះ។ លោកបដិសេធថា ហេតុការណ៍នេះពុំមានជាប់ពាក់ព័ន្ធនឹងនយោបាយនោះទេ។
មន្ត្រីគណៈកម្មការឃុំរៀបចំការបោះឆ្នោតឃុំជប់វារី លោក ជួប វុទ្ធី ថ្លែងថា លោក ឆួរ ចិន ថ្មីៗបានដាក់ពាក្យបណ្ដឹងពីករណីគំរាមសម្លាប់តាមទូរស័ព្ទទៅ គណៈកម្មការឃុំរៀបចំបោះឆ្នោត ប៉ុន្តែមន្ត្រីរៀបចំការបោះឆ្នោត ពុំអាចរកជនជាអ្នកប្រព្រឹត្តិឃើញនោះទេ៖ «ការងារហ្នឹង គឺយើងផ្ដល់លិខិតជូនដំណឹងដល់ម្ចាស់ដើមបណ្ដឹងហើយថា គណៈកម្មការឃុំរៀបចំការបោះឆ្នោតមិនអាចរកជនអនាមិកនោះឃើញទេ។ ពួកខ្ញុំក៏សហការជាមួយប៉ូលិសដែរ អោយជួយការពារសុវត្ថិភាពជូនគាត់ដែរ»។
មន្ត្រីឃ្លាំមើលការរំលោភសិទ្ធិមនុស្សរបស់អង្គការលីកាដូ (Licadho) ប្រចាំខេត្តបន្ទាយមានជ័យ កញ្ញា ផាត់ ម៉ារ៉ាឌី ដែលបានចុះអង្កេតដល់កន្លែងកើតហេតុនោះ បញ្ជាក់ថា ភ្លើងឆេះលំនៅឋានសកម្មជនគណបក្សសង្គ្រោះជាតិ កើតឡើងដោយសារមានគេលួចដុតបំផ្លាញ។ នៅលើផ្លូវដើរចំហៀងផ្ទះ គេឃើញមានសាច់មាន់ និងសាច់ក្រក ប្រឡាក់ថ្នាំពុលដែលគេយកទៅសម្រាប់បំពុលសត្វឆ្កែថែមទៀត៖ «ហើយ តាមការសាកសួរអ្នកភូមិជិតខាង គេបានឮឆ្កែព្រួស គាត់ឡើងលើសម្រាន្ត ស្រាប់តែឮសំឡេងផ្ទុះ។ គាត់ងើបមកមើល ស្រាប់តែឃើញភ្លើងឆេះតែម្ដង ហើយផ្ទះហ្នឹងម្ចាស់អត់នៅទេ បើសិនជាការឆ្លងចរន្តអគ្គិសនី។ ខ្ញុំថា ភាគតិចណាស់ ព្រោះម្ចាស់អត់បានប្រើនោះទេ»។
មន្ត្រីអង្គការលីកាដូ សន្និដ្ឋានថា រឿងនេះអាចមានជាប់ពាក់ព័ន្ធរឿងនយោបាយ ព្រោះ លោក ឆួរ ចិន ធ្លាប់រងការគំរាមសម្លាប់តាមទូរស័ព្ទចំនួនពីរលើកផ្ទួនៗគ្នា ដោយសារតែគាត់មិនព្រមលាឈប់ពីគណបក្សសង្គ្រោះជាតិ។ ករណីនេះ ជាការគំរាមសម្លាប់ និងជាការរំលោភសិទ្ធិមនុស្សធ្ងន់ធ្ងរ។ ទន្ទឹមគ្នានេះ អង្គការលីកាដូ ស្នើឲ្យអាជ្ញាធរមានសមត្ថកិច្ចតាមចាប់ជនប្រព្រឹត្តិ ដើម្បីយកផ្ដន្ទាទោសតាមច្បាប់៕
មន្ត្រីគណបក្សសង្គ្រោះជាតិ រូបនេះសង្ស័យថា ការដុតបំផ្លាញលំនៅឋាន អាចមានជាប់ពាក់ព័ន្ធទៅករណីជនមិនស្គាល់មុខដែលបានគំរាមគ្រួសារ លោក សម្លាប់មួយពូជតាមទូរស័ព្ទ កាលពីថ្ងៃទី៣ និងថ្ងៃទី១១ ខែកក្កដា ឆ្នាំ២០១៣។
មេភូមិរោលជ្រូក លោក ឈុំ វ៉ាត ថ្លែងថា អគ្គិភ័យបានឆេះបំផ្លាញផ្ទះរបស់ លោក ឆួរ ចិន កាលពីម៉ោងប្រហែល ១ និង ២០នាទី ថ្ងៃទី១៩ ខែកក្កដា។ ម្ចាស់ផ្ទះជាសកម្មជនគណបក្សសង្គ្រោះជាតិ កន្លងទៅនេះពុំដែលមានទំនាស់នៅក្នុងភូមិនោះទេ ប៉ុន្តែផ្ទះរបស់គាត់ត្រូវភ្លើងឆេះនៅក្រោយពីមានជនអនាមិកគំរាម សម្លាប់តាមទូរស័ព្ទ៖ «ខ្ញុំមិនដឹងពីមូលហេតុអី ព្រោះគាត់នៅក្នុងភូមិនេះមិនដែលមានទំនាស់ជាមួយបងប្អូនផង លួចដុតប្រហែលជាចាក់សាំង ព្រោះផ្ទះនេះជញ្ជាំងក្ដារប្រក់ស័ង្កសី ការងារភូមិ មេភូមិ សមាជិកភូមិ មិនដែលមានបាតុភាពអីទៅលើគាត់ទេ»។
សមត្ថកិច្ចប៉ូលិស និងមន្ត្រីជំនាញពាក់ព័ន្ធ បានចុះទៅដល់កន្លែងកើតហេតុ ហើយបានធ្វើកំណត់ហេតុសួរនាំម្ចាស់ផ្ទះអស់រយៈពេលជាច្រើនម៉ោង ប៉ុន្តែពុំបានធ្វើការសន្និដ្ឋានថា ករណីនេះមានជាប់ពាក់ព័ន្ធរឿងនយោបាយ ឬជារឿងគំនុំនោះទេ។ ស្នងការនគរបាលខេត្តបន្ទាយមានជ័យ លោក ខេង ស៊ុំ សន្និដ្ឋានថា អគ្គិភ័យឆេះបំផ្លាញលំនៅឋានសកម្មជនគណបក្សសង្គ្រោះជាតិ នោះ ទំនងកើតមានឡើងដោយសារការឆ្លងចរន្តអគ្គិសនីនៅពេលពុំមានមនុស្សនៅ ផ្ទះ។ លោកបដិសេធថា ហេតុការណ៍នេះពុំមានជាប់ពាក់ព័ន្ធនឹងនយោបាយនោះទេ។
មន្ត្រីគណៈកម្មការឃុំរៀបចំការបោះឆ្នោតឃុំជប់វារី លោក ជួប វុទ្ធី ថ្លែងថា លោក ឆួរ ចិន ថ្មីៗបានដាក់ពាក្យបណ្ដឹងពីករណីគំរាមសម្លាប់តាមទូរស័ព្ទទៅ គណៈកម្មការឃុំរៀបចំបោះឆ្នោត ប៉ុន្តែមន្ត្រីរៀបចំការបោះឆ្នោត ពុំអាចរកជនជាអ្នកប្រព្រឹត្តិឃើញនោះទេ៖ «ការងារហ្នឹង គឺយើងផ្ដល់លិខិតជូនដំណឹងដល់ម្ចាស់ដើមបណ្ដឹងហើយថា គណៈកម្មការឃុំរៀបចំការបោះឆ្នោតមិនអាចរកជនអនាមិកនោះឃើញទេ។ ពួកខ្ញុំក៏សហការជាមួយប៉ូលិសដែរ អោយជួយការពារសុវត្ថិភាពជូនគាត់ដែរ»។
មន្ត្រីឃ្លាំមើលការរំលោភសិទ្ធិមនុស្សរបស់អង្គការលីកាដូ (Licadho) ប្រចាំខេត្តបន្ទាយមានជ័យ កញ្ញា ផាត់ ម៉ារ៉ាឌី ដែលបានចុះអង្កេតដល់កន្លែងកើតហេតុនោះ បញ្ជាក់ថា ភ្លើងឆេះលំនៅឋានសកម្មជនគណបក្សសង្គ្រោះជាតិ កើតឡើងដោយសារមានគេលួចដុតបំផ្លាញ។ នៅលើផ្លូវដើរចំហៀងផ្ទះ គេឃើញមានសាច់មាន់ និងសាច់ក្រក ប្រឡាក់ថ្នាំពុលដែលគេយកទៅសម្រាប់បំពុលសត្វឆ្កែថែមទៀត៖ «ហើយ តាមការសាកសួរអ្នកភូមិជិតខាង គេបានឮឆ្កែព្រួស គាត់ឡើងលើសម្រាន្ត ស្រាប់តែឮសំឡេងផ្ទុះ។ គាត់ងើបមកមើល ស្រាប់តែឃើញភ្លើងឆេះតែម្ដង ហើយផ្ទះហ្នឹងម្ចាស់អត់នៅទេ បើសិនជាការឆ្លងចរន្តអគ្គិសនី។ ខ្ញុំថា ភាគតិចណាស់ ព្រោះម្ចាស់អត់បានប្រើនោះទេ»។
មន្ត្រីអង្គការលីកាដូ សន្និដ្ឋានថា រឿងនេះអាចមានជាប់ពាក់ព័ន្ធរឿងនយោបាយ ព្រោះ លោក ឆួរ ចិន ធ្លាប់រងការគំរាមសម្លាប់តាមទូរស័ព្ទចំនួនពីរលើកផ្ទួនៗគ្នា ដោយសារតែគាត់មិនព្រមលាឈប់ពីគណបក្សសង្គ្រោះជាតិ។ ករណីនេះ ជាការគំរាមសម្លាប់ និងជាការរំលោភសិទ្ធិមនុស្សធ្ងន់ធ្ងរ។ ទន្ទឹមគ្នានេះ អង្គការលីកាដូ ស្នើឲ្យអាជ្ញាធរមានសមត្ថកិច្ចតាមចាប់ជនប្រព្រឹត្តិ ដើម្បីយកផ្ដន្ទាទោសតាមច្បាប់៕
No comments:
Post a Comment